Goðasteinn - 01.03.1969, Side 69

Helgi Hannesson frá SumarUðabœ:
A Sánasandi
Þar sem yfir svörtum sandi
sveif um aldir feigðarvofa,
glitrar dögg á grænu landi,
glaðar raddir vorið lofa.
Dreymir mig á Sánasandi
sigurdraum um landið frjóa, -
þar sem nytjagrösin gróa, -
gæfan er á hvers manns bandi.
Gefur sýn: Eg sé í anda
sanda víkja, nýja rísa
glæsta byggð, - til beggja handa
bylgjast akra gróðurdísa.
Sé ég glaða morgunmegi
manndómsverkum þessum sinna.
Bros í augum barna minna
blika móti nýjum degi.
Þess eg bið: Á Sánasandi
sigri íslenzk gróðurkyngi,
vaxtarþrá og vonarandi
vaki yfir nýgræðingi.
Goðasteinn
67