Goðasteinn - 01.03.1970, Síða 50

peninga fékk hann ekki aftur fyrr en fjórum árum síðar og vildi
samt enga vexti taka. Um miðjan apríl voru peningar þrotnir og
því ekki annað að gera en fara heim til Islands. Átti ég þá að-
eins fyrir fargjaldinu, en skuldaði dálítið fyrir húsnæði, sem ég
þó greiddi skilvíslega um vorið, er ég var kominn í atvinnu
heima. Frá Ási fór ég með járnbrautarlest til Björgvinjar og það-
an áleiðis með skipi og lét mér vel líka að vera á 2. farrými.
Heim kom ég um mánaðamótin apríl-maí.
Við Landbúnaðarháskólann í Ási hafði ég stundað nám í sex
mánuði, en ekki gefizt tóm til að ljúka neinum prófum. Áður
hafði ég numið á tveimur búnaðarskólum og dönskum tilrauna-
stöðvum. Námið í Ási var viðbótin, sem ég sé aldrei eftir að
hafa notið. Auk þessa náms leitaðist ég við að mennta mig í
landbúnaðarvísindum með lcstri blaða, tímarita og bóka, er
fjölluðu um þessi efni.
Heima var mér ekki tekið opnum örmum án háskólaprófs, en
þótt ég segi sjálfur frá, var ég vel að mér í ýmsum greinum,
ekki hvað sízt í því að þekkja gróður túna og haga á blöðunum
einum. Varð sú þekking mín að góðu gagni þegar á fyrsta starfs-
ári mínu hér heima og mun síðar á það minnzt.
Fjögurra ára starf í Reykjavík.
Er heim kom, fékk ég brátt vinnu í Gróðrarstöðinni í Reykja-
vík. Þar voru til forráða tveir hálærðir menn, þeir Metúsalem
Stefánsson og Ragnar Ásgeirsson. Metúsalem var búfræðikandi-
dat frá Ási og hafði áður verið skólastjóri á Eiðum. I Gróðrar-
stöðinnni hafði hann á hendi tilraunir í fóðurrækt, svo sem
áburðartilraunir, tilraunir með einærar og fjölærar sáðtegundir,
þar á meðal fóðurrófur og fóðurhafra. Einnig rak hann áburðar-
tilraunir út um land hjá nokkrum bændum. Aldrei var þó sú
starfsemi víðtæk og helzt á nokkrum stöðum á Suðurlandi.
Metúsalem Stefánsson var gáfaður maður og skildi vel það
starf, sem hann hafði með höndum. Ég hafði haft af honum
nokkur kynni, áður en ég fór utan í seinna skiptið, og samdi
okkur alltaf vel. Hafði ég verið hjá honum vorið 1921 áður en
ég réðst til Búnaðarsambands Suðurlands. Ekki hafði hann ráð á
48
Goðasteinn