Goðasteinn - 01.03.1970, Blaðsíða 14

Á sumrin var stundum tekinn nýmjólkurostur en oftar undan-
rennuostur með nokkru af nýmjólk. Þeir voru pressaðir í osta-
byðu undir hlemmi og fargi. Sáð var salti ofan á osta, sem áttu
að geymast. Þeim var raðað á fjalir úti í hjalli, þar sem þeir
voru þurrkaðir hæfilega. Þeir voru bornir inn í bæ, þegar leið á
sumar, og geymdir þar á geymslulofti og hillum í búri. Þetta voru
allt hleypostar, en einnig var tekið mikið af ystum ostum. Mysu-
ostar voru soðnir úr ostmysu. Alltaf var strokkað tvisvar á dag
fyrst eftir fráfærur.
Veiðiskapur í vötnum var mikið stundaður í Hala og var
karlmönnunum vel að skapi. Ekki var fengizt við hann nema í
góðu veðri. Veitt var í lagnet í Háfsósum og farið á báti að
vitja um þau. Mikill afli fékkst líka oft inni í Kálfalæk frá því
um miðjan slátt og fram á réttir. Við Sigríður systir vorum oft
til hjálpar við veiðiskapinn í Ósunum, rerum undir, meðan vitjað
var um netin. Ekki þótti mér sérstaklega gaman að fara í veiði
þetta klukkan fjögur og fimm að nóttu. 1 veiðiferðum með
Hannesi uppeldisbróður mömmu varð ég að taka trossuna upp í
bátinn, en Hannes hamlaði með netunum, meðan ég tók netin upp
í bátinn, og reri þau síðan út; hann var þá orðinn bakveikur og
þoldi ekki bisið við netin. Netalagnir okkar náðu allt út að
Ártanga við Þjórsá, þar sem opið haf var suður undan.
Pabbi vitjaði oft um netin inni í Kálfalæk og hafði Sigríði systur
cinatt sér til hjálpar. Þannig vöndumst við systurnar fljótt við
vosið í vötnunum, og á vertíðinni ferjuðum við oft fólk yfir
Ósana, sem alltaf voru sundvatn, aðeins misjafnlega mikið.
Veiðin gaf mikla björg í bú, tii daglegra nota á sumrin og til
vetrarforða. Var stór og fallegur sjóbirtingur saltaður niður í
tunnur á hverju sumri. Selveiði var stunduð í Þjórsá, oft með
góðum árangri, og var selur þá einnig saltaður í tunnur og geymd-
ur til langs tíma. Selshreifar þóttu hnossgæti upp úr súru.
Engjavegur var langur í Hala, inn undir Frakkavatn, meðfram
Steinslæk og svo fram í Vatnsbug. Með rembingi var hægt að
fara tvær til þrjár ferðir á dag með heyband, þar sem lengst var
að fara. Var þá farið ofan klukkan tvö til þrjú á nóttunni til að
sækja hrossin. Borið var á þetta 18 og 19 hrossum. Austan af
12
Goðasteum