Goðasteinn - 01.03.1970, Side 67

Þórarinn Helgason í Þykkvabœ:
Bændahvöt
Verkin bíða, vinnum saman,
vöku hefjum starf.
Einhuga þá eflum framann,
engu kvíða þarf.
Reisum borg af hug og höndum.
Heil sé lund og trú.
Með allan okkar styrkleik stöndum
stæltir, bændur nú.
Fylkjum liði frjálsum huga,
fram skal stefnu beitt.
Ekkert látum yfirbuga
okkur, torvelt neitt.
Öllu sleni af skal hrinda,
ein sem verum stétt.
Bændur, oss ei látum lynda
lítinn okkar rétt.
Frelsið allra muna mærast,
metið ei til gulls.
Frelsið hverri kynslóð kærast
kusum vér til fulls.
Vörn og sókn í sömu hendi
sameiningar. Kjark!
Undan skyldu enginn vendi,
allir skori mark.
Goðasteinn
65