Goðasteinn - 01.03.1970, Side 35

Guðný Helgadóttir í Ytri-Ásum:
Draumvísa
Fyrir mannskaðaveðrið veturinn 1856, er m. a. sjö menn úr
Biskupstungum og Laugardal urðu úti á Mosfellsheiði á leið í
útver, dreymdi móðurömmusystur mína, Guðrúnu Jónsdóttur, sem
þá var ung í föðurgarði að Leirárgörðum í Borgarfirði, að maður
mikilúðlegur, klæddur klakakufli, kæmi á gluggann og kvæði
þessa vísu:
Kveð ég ljóð með köllunum
á kembingsbáru völlunum,
ferðast líka á fjöllunum
og fylgi hljóðasköllunum.
Einar móðurbróðir
Einar Sigurðsson móðurbróðir minn var fæddur að Gröf í
Skilmannahreppi laust fyrir 1870. Foreldrar hans voru Ingveldur
Jónsdóttir og Sigurður Þórðarson í Gröf. Sigurður lézt 1879 frá
fimm ungum börnum, sem tvístruðust eða voru sett niður, sem
svo var kallað. Yngsta barnið fylgdi móður sinni. Einar lenti á
efnaheimili en varð samt verst úti. Eitt sinn um vortíma í kalsa-
veðri var hann að ganga til lambánna, kaldur og ekki of saddur
Mætti hann þá konu af næsta bæ. Henni varð að orði: „Ekki ert
þú ríkmannlega klæddur og vera á þessu vel stæða heimili."
Goðasteinn
33