Mímir - 01.11.1986, Page 11

„Maður veit kannski frekar
hvað er ekki frelsi.“
— spjallað við Vigdísi Grímsdóttur, rithöfund.
í stofu með gulnuð blöð og velkt og hendurnar á
manni voru lamaðar eftir óþarfa skriffinnsku.
Enginn kýs að hafa hendur sem verkjar í vegna
blaða sem engu máli skipta. En ég get líka rifjað
upp góðar stundir hjá kennurum sem lögðu allt
sitt í góðan undirbúning, voru hressir og
skemmtilegir og færðu manni nýja sýn. Þar fóru
til dæmis kennarar eins og Silja, Sverrir og Ósk-
ar sem færðu manni kraft, sem er nauðsynlegt í
öllu námi. Nýjar aðferðir sem kreistu útúr manni
annaðhvort samþykki eða andúð og uppreisn.
Enga tíma man ég eins ögrandi en tímana hjá
Silju. Þeir voru frjóir. Það voru tímar. Allt nám
er gott svo framarlega sem það kveikir í þeim
sem lærir.
— Var rithöfundurinn farinn að láta á sér
kræla á námsárunum?
Eitthvað var það nú sem var farið að láta á sér
kræla. Hvort það var rithöfundur veit ég ekki.
En ég hef sennilega alltaf verið að skrifa og hvar
og hvenær sem færi gafst og helst þegar enginn
sá. Þetta hljómar kannski einsog klisja en þannig
var það engu að síður. Feluleikir eru mörgum í
blóð bornir svo skrýtið sem það nú er. Þeir koma
inná andstæðurnar í manninum sem eru svo ein-
kennilegar og gera örugglega vart við sig hjá
mörgum sem fást við skáldskap af einhverri
gerð; það annars vegar að verða að skrifa og gefa
það út og svo hins vegar að vilja það ekki. Ég til
dæmis verð að skrifa, geri það af þörf, til þess að
mér líði vel án þess að ég haldi að það sem ég
skrifa breyti nokkru, bæti nokkuð eða geri
nokkurn verri.
— Finnst þér íslenskunámið og þitt grúsk í
bókmenntafræðunum hafa nýst þér eitthvað við
skriftirnar?
Auðvitað hefur það gert það. Og ekki bara
nám í bókmenntafræðum heldur allt nám og allt
sem ég hef gengið í gegnum. Lífsreynslan nýtist
manni og hlýtur alltaf að gera það. Annars bæri
hún ekki nafn með rentu. Það væri líka bara
dónaskapur að halda því fram að námið nýttist
manni ekki. Og ég nenni ekki að vera með
dónaskap útí heilar fræðigreinar. En besti
skólinn er smiðja annarra höfunda. Því það eina
sem gildir er að lesa og lesa.
— Aðrir höfundar segirðu, hvað lestu helst?
Ég les allt sem ég næ í. Hins vegar er erfitt að
11