Mímir - 01.11.1986, Page 46

frambjóðendunum í sjónvarpinu, þegar gerð var
grein fyrir hringvegastefnu O-listans, á sér eng-
an samjöfnuð.
Lesstofan var annað heimili okkar margra
sem námið stunduðum og margar góðar stundir
liðu þar. Ég held þarna hafi verið saman komið
prýðilega sérviturt fólk og ágætt og samvistirnar
hafi gefið gott nesti út í lífið. Og flestir sem þarna
sátu hafa síðan kennt börnum og unglingum þótt
einhverjir kunni að hafa snúið sér að einhverju
hagnýtara, a.m.k. í hjáverkum. Sérviturt fólk,
sagði ég, því ég hef seinna orðið þess var að þeir
eru álitnir undarlegastir allra sem stunda nám
með annað í huga en tekjur og völd. Það er
önnur saga. Allt önnur. Og hún verður ekki sögð
hér á þessum blöðum.
Akureyri í september 1986
G 585 E:
Margt býr í djúpinu
Samviskufangi augna þinna
leitar í sífellu útgöngu.
Hann dreymir um þyt sverðsins
sem veitir frelsi í sólinni.
Næturljóð
Ljós í stjaka
lýsir ekkert
nú.
Andvakan er mín
og myrkrið
þú.
46