Læknaneminn - 01.04.2016, Blaðsíða 6

Á
vö
rp
o
g
an
ná
la
r
6
Það er hefð að formaður
Félags læknanema (FL)
skrifi ávarp í Lækna -
nemann og það verður sko
engin vöntun á því þetta
árið. Þetta er búið að vera
alveg ótrúlegt ár. Fullt af
ögrandi áskor unum og
skemmti legum verkefnum
sem ég hef fengið að takast
á við með frábæru fólki.
Skólaárið byrjaði vel, 237 læknanemar skráðu sig í
félagið en það er sennilega met. Í fyrsta skipti fengu
allir læknanemar senda valgreiðslukröfu sem hægt
var að greiða í heimabanka og með því gerast félagi í
FL. Þetta mæltist vel fyrir enda skráning með þessu
sniði mikið einfaldari fyrir alla. Þetta fyrirkomulag
mun því halda áfram á næsta ári.
Eitt helsta hagsmunamál læknanema hefur lengi
tengst námslánum. Námslán læknanema, einkum
þeirra sem eru í heilsárs áföngum hafa borist allt
of seint og oftast ekki fyrr en nemendur hafa
endurtekið haft samband við lánasjóðinn. Þetta er
ekki bara lýjandi og leiðinlegt heldur hefur komið
mörgum í mikla fjárhagslega klemmu á fyrstu
vikum ársins. Því var komið á fót embætti LÍN
fulltrúa læknanema sem skipað er 3. árs fulltrúa í
stjórn. Jóhanna Brynjarsdóttir gegndi þessu embætti
í ár. Undir hennar forystu náði stjórn FL að koma
því þannig fyrir að nánast allir læknanemar fengu
námslánin sín á réttum tíma og án vandræða þetta
árið. Þetta er gríðarlega ánægjulegt og ég er ótrúlega
stoltur af Jóhönnu og okkur í stjórninni fyrir þetta.
Kennslumál innan læknadeildar hafa verið efst
á baugi hjá FL á þessu ári. Í upphafi árs var
mótuð stefna FL í kennslumálum þar sem sett
voru fram fimm markmið sem stefnt er að því að
ná fram á næstu fimm árum. Þetta er fyrsti hluti
nýrrar heildarstefnu en mótun hennar mun halda
áfram á næsta ári. Eitt aðalmarkmið stefnu FL
í kennslumálum var að auka aðkomu klínískra
læknanema að kennslu grunnnema. Því hrinti stjórn
FL í samstarfi við Kennslu- og fræðslumálanefnd
af stað verkefni þar sem 5. og 6. árs nemar kenndu
2. árs nemum lífeðlis- og lífefnafræði við góðan
orðstír. Betur er fjallað um þetta verkefni í grein
seinna í þessu blaði.
Stærsta mál ársins var þó án efa yfirvofandi
endurskoðun námsskrár læknadeildar. Á fyrsta
deildarfundi læknadeildar á skólaárinu voru viðruð
áform um fjölgun læknanema um 25% þannig að
60 læknanemar myndu hefja nám haustið 2016.
Samhliða þessari fjölgun voru ekki lagðar til neinar
skipulagsbreytingar til að koma fleiri nemum fyrir
í klínísku námi. Þetta þótti okkur í stjórninni
algjörlega óásættanlegt og vegna þrýstings frá
okkur og fjölda annarra aðila innan læknadeildar var
ákveðið að slá þessari breytingu á frest og fara fyrst í
gegnum endurskoðun á námsskrá læknadeildar.
Slíkar breytingar fela í sér mikið tækifæri fyrir
okkur læknanema til að koma okkar sjónarmiðum
á framfæri. Til þess að nýta þetta tækifæri til hins
ýtrasta er gríðarlega mikilvægt að raddir okkar
séu samhljóma svo að þær séu sem háværastar og
að okkar hugmyndir komist inn í nýja námsskrá.
Því ákvað stjórn FL í samráði við kennslu-
og fræðslumálanefnd að taka saman þessar
hugmyndir læknanema og veita okkur sem koma
að endurskoðunarferlinu umboð til að bera þær
fram. Við lögðum fyrir sérstaka könnun sem 124
læknanemar og nýútskrifaðir kandídatar og læknar
tóku þátt í og greinilegt er að margir hafa sterkar
og skýrar skoðanir á framtíð læknanáms á Íslandi.
Einnig var haldinn sérstakur vinnufundur þar
sem 30-40 læknanemar komu saman og ræddu
mismunandi þætti læknanámsins til hlítar. Út úr
þessu hefur borist gríðarlega mikið af gögnum
sem enn er verið að vinna úr. Stefnt er að því að
gefa út formlega skýrslu þar sem þessi gögn verða
tekin saman í haust. Sú skýrsla mun vafalaust vera
ómetanleg fyrir FL í þessu endurskoðunarferli.
Á miðju skólaárinu var okkur gert kunnugt um
nýja stefnu Háskóla Íslands sem gerð er til 2021.
Drög sem sett voru fram á þeim tíma sýndu stefnu
sem okkur líkaði ekki. Hún var mótuð út frá
sjónarmiði stjórnenda, rannsakenda og kennara en
Formanns pistill
Sæmundur Rögnvaldsson
formaður Félags læknanema 2015-2016