Læknaneminn - 01.04.2016, Síða 122

Fr
óð
le
ik
ur
Sk
em
m
tie
fn
i o
g
pi
stl
ar
122
Ímyndaðu þér stað við
fagran fjörð á björtum
sumardegi. Þú hefur ný-
lokið fimmta árinu í læknis-
fræði og ert afleysinga-
læknir á staðnum. Þú
starfar á heilsugæslunni á
daginn. Á heilsugæslunni
er afar stutt bið og oftast
hægt að komast að hjá
lækni samdægurs. Það
leiðir af sér að þú hittir margt fólk með bráð
vandamál. Reglulega þarft þú að leggja inn á
spítalann í bráðainnlögn fólk sem kom í bókaðan
tíma á heilsugæslunni. Þess utan sinnir þú auðvitað
langvinnum vandamálum, ungbarnaeftirliti,
ferðamannabólusetningum og svo framvegis.
Á næstu stofu við þig starfar ungur og metnaðarfullur
sérnámslæknir sem þú hefur ótakmarkaðan aðgang
að varðandi ráðleggingar og aðstoð. Þá getur þú
einnig fengið aðstoð frá öllum öðrum læknum
stofnunarinnar sem og hjúkrunarfræðingi og
sjúkraliða á heilsugæslunni. Ef þörf er á getur þú
fengið blóðprufur, röntgen eða tölvusneiðmyndir
samstundis. Þú hefur aðgang að ómtæki og getur
hæglega fengið aðstoð lækna sem hafa mikla reynslu
af ómskoðunum. Þú hefur aðgang að slitlampa,
HNE smásjá og góðri aðstöðu til gynskoðana og
vaginal ómskoðana. Þú færð að sjálfsögðu alla þá
aðstoð sem þú þarfnast við það. Á staðnum starfar
reyndur og afar fjölhæfur skurðlæknir.
Ef þú greinir sjúkling með vandamál sem þarfnast
skurðaðgerðar er sjálfsagt mál að fá að aðstoða í
aðgerðinni. Þá er einnig stutt bið eftir maga- og
ristilspeglunum og tilvalið að vera sjálfur viðstaddur
speglanir þinna sjúklinga. Bekkjarfélagi þinn sem er
einstaklega klár og góður drengur vinnur einnig við
stofnunina. Þið hafið ómetanlegan stuðning hvor
af öðrum og berið gjarnan áhugaverð tilfelli undir
hvorn annan.
Sumar í héraði
Bergþór Steinn Jónsson
sjötta árs læknanemi 2015-2016
Gamla sjúkrahúsið sem nú er Safnahús.
„.. þú lærir líklega
nánast jafn mikið á einu
sumri og þú lærðir á
síðastliðnum fimm árum í
læknisfræðinni.“