Goðasteinn - 01.09.2004, Qupperneq 183

Goðasteinn 2004
Látnir 2003
fremstur í flokki. Hann var verkmaður og verkhagur, fylginn sér en þó góðlyndur
og laðaði fram framkvæmdaáhugann í öllum þeim er að búskapnum komu.
Jón steig gæfuspor þegar leiðir hans og Þóru Bernódusdóttur lágu saman og
þau gerðust lífsförunautar. Þau áttu og eiga barnaláni að fagna og var mikil gleði
tengd börnunum sem fæddust og uxu upp á heimilinu mannmarga og gestrisna í
Bakkakoti. Synir eru þrír: Elstur er Arsæll fæddur 1963. Býr með Önnu Fíu
Finnsdóttur og eiga þau börnin Ragnheiði Hrund og Jón Finn. Næstur er Þorvald-
ur, fæddur 1965, sambýliskona er Bára Rúnarsdóttir. Þau eiga börnin Maríu Arsól
og Jón Pétur. Þá er næstur Þórður, fæddur 1966, giftur Jónínu Hildigunni Ólafs-
dóttur. Þeirra börn eru Þóra Kristín, Jón, Emil og Dagur. Dætur eru einnig þrjár:
Elst er Ragnheiður fædd 1970, hennar lífsförunautur er Ágúst Rúnarsson. Börn
þeirra eru Hildur, Elísabet Rún og Kolbrá Lóa. Næst er Elísabet María, fædd
1975. Sambýlismaður er Lúðvík Bergmann. Þeirra börn eru Róbert og Saga
Tíbrá. Yngst er svo Sigríður Vaka fædd 1977, í sambúð með Guðmundi
Baldvinssyni.
Skemmst er frá að segja að afkomendur allir hafa borið gæfu til að setjast að
nálægt heimaslóðum hér í Rangárþingi og bendir það til þess að römm sé sú taug
sem rekka dregur föðurtúna til, eins og segir í fornum fræðum. Ætla má að Jón
Ársælsson hafi þar lagt að góðum orðum, sannkallaður og góður fulltrúi lands-
byggðarinnar, hann sá þá kosti sem felst í að alast upp við landsins kosti og kynj-
ar. Hann bjó börnum sínum og barnabörnum kringumstæður sem allir hafa gleði
af. Virðing fyrir landi og búfé, markviss vinna fyrir og við hið daglega brauð og
gleðin yfír að vera hluti af heilladrjúgu sköpunarverki almættisins.
Að öðrum ólöstuðum má segja að Jón hafi verið eins og klettur í ólguróti skift-
andi vinda og veðra. Framfarasinnaður og jákvæður en þó fastheldinn á gamlar
venjur og hugsanir. Örlátur og víðsýnn en þó sparneytinn varðandi eigin þarfir.
Ávaxtaði pundið sitt með natni og góðvild og lét aldrei bugast af mótlæti eða
vandræðum. Fann lausnir á flestum málum, einn af stólpunum í sinni grein.
Farsæll maður og vinsæll.
Sem bóndi var Jón alhliða, hvort sem um var að ræða kúa-, kinda eða hesta-
búskap, alls staðar var hann vel á vegi staddur. Nefna ber sérstaklega hesta sem
landsfrægir urðu og sem báru nafn Bakkakots langt út fyrir umdæmi Rangár-
héraðsins. I viðbót við bústörf og ræktunar-framkvæmdir vann Jón oft utan heim-
ilisins, sérstaklega við vörubílaakstur. Hann vann með bíl við virkjunarfram-
kvæmdir, við sláturfjárflutninga og ýmis önnur störf tengd framkvæmdum í
héraðinu. Við fjárskiptin fyrir um 50 árum síðan sótti hann lífgimbrar í fjarlæg
héruð og hjálpaði til við að koma upp nýjum fjárstofni. Hann var snemma á fótum
að öllu jöfnu og má segja að drjúgmargir og langir yrðu hans vinnudagar gegnum
árin.
Sinn skerf til félags- og framfaramála lagði Jón einnig í félagi vörubílstjóra,
þar sinnti hann einnig formannsstörfum um árabil. Hann var farsæll bflstjóri og
-181-