Goðasteinn - 01.09.2013, Blaðsíða 174

172
Goðasteinn 2013
Hanna Guðrún Jónsdóttir
Hanna Guðrún Jónsdóttir fæddist 9. janúar 1921
á Suðureyri við tálknafjörð. Foreldrar hennar voru
Jón Kristófersson fæddur 1888, dáinn 1977, kenn-
ari, skólastjóri og sjómaður og Guðbjörg Káradóttir
fædd 1920, dáin 1974, kennari og húsmóðir. Hanna
flutti með foreldrum sínum til Reykjavíkur í kring-
um þriggja ára aldurinn og ólst þar upp. Hún var
elst af fimm systkinum, þau eru: Ragna fædd 1922,
eiginmaður hennar er theodór Jóhannesson. Anna
Ólafía fædd 1927, eiginmaður hennar var William
Stephen Kárason, hann er látinn. tvíburarnir Margrét og Kristófer fædd 1932,
Kristófer lést eftir veikindi aðeins þriggja ára að aldri, Margrét er sömuleiðis
látin. Hanna átti notalega æsku, naut góðrar umhyggju foreldra sinna sem gáfu
börnum sínum ríkulega af tíma sínum. Á æskuheimili hennar var mikið lesið
og spilað á spil.
Hún gekk í barnaskóla í Reykjavík og vann við ýmis störf m.a. við skrif-
stofustörf hjá Sandholts bakaríi. ung hafði hún áhuga á ferðalögum og fór í
ferðir með Ferðafélaginu. Það var í einni slíkri ferð sem hún kynntist Runólfi
Hákoni Einarssyni. Hann fæddist í Vestmannaeyjum 1. mars 1913, foreldrar
hans voru Einar Runólfsson og Kristín traustadóttir. Hanna og Hákon gengu
í hjónaband 16. mars 1946 og hófu búskap í Reykjavík. lengst af bjuggu þau í
Hólmgarði. Börn þeirra eru: Einar Örn fæddur 1946, hann er kvæntur Margréti
Björnsdóttur, þau eiga 3 börn og 8 barnabörn. Jón Haukur fæddur 1953, hann
er í sambúð með Svövu Árdísi Jóhannsdóttur en á 2 syni með Önnu Sigurjóns-
dóttur og 1 barnabarn. Kolbrún fædd 1955, hún var gift Kjartani Erlingssyni og
þau eiga 3 börn og 2 barnabörn.
Hanna vann heima alla tíð. Húsmóðurstarfið fórst henni afar vel úr hendi,
var hún mikil mamma og hugsaði vel um börnin sín, var gestrisin og gladdist
við að færa gestum sínum krásir og ekkert var til sparað. Hún var einnig góð
hannyrðakona og prjónaði fallegar flíkur sem hún gaf.
Þau hjónin voru mjög samhent og auðnaðist að eignast sinn sælureit, Bakka-
sel, bústað sem þau byggðu um 1946 við Meðalfellsvatn af mikilli smekkvísi og
fegurð og hugsuðu einstaklega vel um allt innanstokks sem utan. Bústaðurinn
varð þeirra annað heimili og dvöldu þau þar löngum stundum. Í Bakkaseli voru
allir aufúsugestir og ekki síst veiðimenn sem áttu þar leið um og í Kjósinni
eignuðust þau marga og trygga vini. Þau höfðu einnig gaman af því að ferðast
af landi brott.