Goðasteinn - 01.09.2013, Blaðsíða 186

184
Goðasteinn 2013
vinnumaður af hugsjón og lifði samkvæmt henni.
Frá haustinu 2007 dvaldist Magnús á dvalarheimilinu lundi þar sem hann
naut góðrar aðhlynningar og umhyggju. Hann andaðist 28. desember sl. og var
jarðsettur í Skarðskirkjugarði 12. janúar 2013.
Sr. Halldóra J. Þorvarðardóttir
Ólafur Oddgeirsson
Ólafur Oddgeirsson var fæddur að Eyvindarholti
Vestur Eyjafjöllum 2. október árið 1929. Foreldrar
hans voru Þórunn Einarsdóttir frá Miðey og Oddgeir
Ólafsson frá dalsseli. Óli var yngstur bræðra sinna
en þeir voru Einar, Símon eldri og Símon yngri. Óli
ólst upp í Eyvindarholti hjá foreldrum sínum ásamt
börnum Kjartans Ólafssonar föðurbróður síns og Guð-
bjargar Jónsdóttur, þeim Ólafi, Jóni og Sigríði. Mjög
kært var á milli allra barnanna og leit Óli á þau sem
systkini sín.
Árið 1954 flutti fjölskylda Óla frá Eyvindarholti að dalsseli í sömu sveit,
sem var einn af svonefndum Hólmabæjum, staðsett vestan Markarfljóts. Í fram-
haldi af þessum flutningum hófst vélvæðing á bænum og hreifst Óli af þessari
nýju tækni. Hann gerðist fljótt bifreiðastjóri, fyrst á gömlum Ford vörubíl en
fljótlega var keyptur nýr Volvo l-56 . Á þessum tíma var verið að byggja og
bæta varnargarða fyrir Markarfljót. Fljótið hafði runnið í Þverá og braut mikið
land í Fljótshlíðinni. Þótti brýnt að stemma stigu við landbrotinu og var unnið
við þessi mannvirki eins og kostur var og fjármagn leyfði. Óli tók mikinn þátt í
þessari fyrirhleðslu og nýi bíllinn kom að góðum notum. Einnig vann Óli fyrir
bændur á bílnum t.d. við áburðarflutninga og ýmislegt annað sem til féll. Allt
fram til ársins 1957 vann Óli að búinu ásamt foreldrum sínum og bræðrum.
Eins fóru bræðurnir oft til vers til Vestmannaeyja og lögðu síðan allt sitt að
mörkum í búskapinn.
Óli kvæntist dóru ingvarsdóttur frá Rauðuskriðum í Fljótshlíð. Þau gengu
í hjónaband 4. ágúst árið 1957 og fluttu til Reykjavíkur í september sama ár..
Fyrst eftir komuna til Reykjavíkur vann Óli í Mjólkursamsölunni en færði sig
síðan til Strætisvagna Reykjavíkur. Þar starfaði hann í átta ár eða allt þar til
hann hóf leigubílaakstur. Fyrst hjá BSR og síðar hjá Hreyfli. Aksturinn stund-
aði hann á meðan heilsan leyfði
Árið 1964 eignuðust dóra og Óli dótturina Þórunni. Hún kom eins og sólar-
geisli inn í líf þeirra beggja. Óli var alla tíð mikill fjölskyldumaður. Honum