Sjómannadagsblað Snæfellsbæjar - 01.06.2016, Qupperneq 68

vera með Sigga Jóns því hann var alltaf snemma í landi og ég gat
því mokað snjó fram á kvöld ef það þurfti. Bærinn notaði okkur bara
í hallæri," segir Svanur en þetta átti eftir að breytast.
Löndunarþjónustan boðin út
Það er svo þegar Fiskmarkaður Snæfellsness hefur starfsemi að
þá kemur nýtt atvinnutækifæri til sögunnar og reyndar fyrr. „Við
fórum að nota lyftara við löndun úr bátunum en þá voru allir komnir
með körtil að landa úrbátunum en málin sem allirhöfðu notað voru
lögð til hliðar. Við keyrðum körin á bryggjuna og fiskinum var raðað
í þau og þau svo hífð upp og sett á vörubílinn. Svo kom að því að
þessi vinna við löndun úr bátunum var boðin út af mörkuðunum
báðum en þá var Fiskmarkaður Breiðafjarðar tekinn til starfa líka.
Það bauð engin í þetta svo að við sögðum við forsvarsmenn
markaðanna að við tækjum þetta að okkurfyrir eina krónu á kíló og
því var tekið. Það voru svo sem ekkert allir ánægðir með þetta t.d.
vörubílstjórarnir voru í einhverri fýlu við okkur," segir Svanur.
Landað úr 126 bátun
Þeir feðgar keyptu sér lyftara og lítinn vörubíl og sáu um þetta
á þeim. Þeir gerðu meira til að þjónusta útgerðina. Til dæmis fóru
þeir að keyra bjóðum fyrir línubátana á bryggjuna og hífa þau um
borð og einnig að fara með netin í bátana. Fyrsti báturinn sem
nýtti sér löndunarþjónustuna var Firönn, sem Bakki átti, en Ríkarð
Myndin er tekin nú í maí er fjölskyldan tók á móti nýrri og tæknilegri vinnuvél. Frá vinstri er Stefán Þór,
Lára Margrét Pálsdóttir, Svanur, Páll Gunnar og Tómas Sigurðsson. Pess má geta að Tómas er búin að
eiga trillu frá því að hann var sextán ára og alls fjórar. í dag á hann trillu sem heitir Hvalsá SH.
Ljósm: Pétur Steinar.
Magnússon var skipstjóri á þeim bát á þessum tíma. Þeir lönduðu
líka úr trillunum og eitt sinn lönduðu þeir úr 126 bátum eftir 1. maí
eitt árið. Þá settu trillurnar fiskinn á bryggjuna í körum og merktu
þau en þeir feðgar máttu ekki vinna þennan dag samkvæmt
einhverjum samningum. Svo kom að þeir hættu og aðrir tóku við
og að lokum sáu markaðirnir sjálfir um þessi verk.
Þrír ættliðir að störfum
Það er búið að vera mjög gaman að ræða við Svan um sjómennsku
hans og fleiri störf. Sjómennskan var ekki löng en hún var áhugaverð.
Svo er sagan um löndunina líka góður punktur í atvinnusögunni
sem flestir ættu muna sem eldri eru. Þótt sjómennska hans sé stutt
þá er nær öll hans vinna á gröfunni og þeim tækjum sem hann
hefur unnið á svo nátengt sjómennskunni eins og gefur að skilja í
okkar bæjarfélagi. Og það er leitun að eins nákvæmum og góðum
vinnubrögðum og útsjónarsemi sem hann sýnir við störfin og allir
vilja fá hann og þá feðga í vinnu og synir hans tveir eru komnir
í dæmið líka og því ættliðirnir orðnir þrír. Svanur er lykilmaður í
bæjarfélaginu, en hann er líka slökkviliðsstjóri yfir öflugri sveit
velþjálfaðra manna. Svanur er í sambúð með Láru Margréti
Pálsdóttur og eiga þau tvo syni þá Stefán Þór og Pál Gunnar.
Viðtal: Pétur Steinar Jóhannsson
Löndun úr Jóa á Nesi og Svanur stendur við lúguna.
66