Morgunblaðið - 24.03.1985, Blaðsíða 33

MORGUNBLAÐIÐ, SUNNUDAGUR 24. MARZ 1985
33
Selfoss:
Hitaveitan undirbýr
borun nýrrar holu
Selfossi, 1S. nurs.
UNDIRBÚNINGUR að borun nýrrar holu fyrir Hitaveitu Selfoss er hafinn af
fuilum krafti. Unniö er að því að styrkja veg að borunarsvæðinu og gera plan
undir borinn Dofra sem væntanlegur
Rftir bilanahrinuna um sl. ára-
mót varð ljóst að ekki var nægj-
anlegt vatn fyrir hendi svo anna
mætti miklum álagstíma að vetri
til. Að tillögu Orkustofnunar var
ákveðið að bora nýja holu við hlið-
ina á holu nr. 8 á virkjanasvæði
Hitaveitunnar. Sú hola hefur
reynst vel á liðnum árum en hún
hefur verið að kólna upp að und-
anförnu og nánast hætt að nýtast
veitunni. Gert er ráð fyrir að bora
í 2000 metra og búist er við að þá
fáist heitara vatn en holan gaf áð-
ur.
um næstu mánaðamót
Frá þvi um sl. mánaðamót hefur
höggbor verið í gangi og mun
hann bora niður á 50 m svokallaða
stýriholu fyrir borinn Dofra sem
væntanlegur er undir næstu mán-
aðamót. Búist er við að uppsetn-
ingu hans ljúki fyrir páska og
byrjað verði að bora strax að
loknu páskaleyfi.
Stjórn veitustofnana á Selfossi
stóð frammi fyrir því að láta bora
holuna strax eða ekki fyrr en í
ágúst. Fyrri kosturinn var valinn
til þess að unnt væri að koma
þessari nýju holu i gagnið fyrir
næsta vetur, en það tekur 6—7
mánuði að bora og virkja eina
holu.
Kostnaður við þessa fram-
kvæmd er áætlaður 23 milljónir
króna sem teknar eru af fram-
kvæmdafé veitunnar en það fé er
að mestu leyti frá Rafveitunni.
Þessi borun leiðir af sér 10%
hækkun á gjaldskrá Hitaveitunn-
ar sem þegar hefur verið ákveðin.
Frá því aðalholur Hitaveitunn-
ar komust i lag i byrjun janúar
hefur verið nóg vatn að sögn Jóns
Arnar Arnarsonar, enda verið ein-
muna tíð og vatnsþörf því litil.
Sig. Jóns.
Hitaveituframkvæmdir á Selfossi. Morgunblaíift/Sigurtur J6n»on
Rjómatertur
Valhnetutertur
Bananatertur
Brauðtertur
Snittur
Marsipantertur
Marsipantertur
„Bolero"
Kiwitertur
Kransakörfur
Pantið tímanlega
í síma 77060