Morgunblaðið - 24.03.1985, Blaðsíða 49
.Tgnv/MravowHvre
MORGUNBLAÐIÐ, SUNNUDAGUR 24. MARZ 1985
49
Niðjatal Þórarins á
Grund í undirbúningi
UNDANFARIN ár hefur verið vax-
andi áhugi á ættfræði hér á landi
og hefur hann þó alltaf verið mik-
ill. Dæmi um þetta eru ættarmót
sem eiga vaxandi vinsældum að
fagna og aukinn fjöldi niðjatala og
ættfræðibóka á markaðnum.
Morgunblaðið hefur fregnað að í
undirbúningi sé niðjatal Þórarins
sýslumanns Jónssonar á Grund f
Eyjafirði í útgáfu Skuggsjár hf.
Niðjatalið verður búið til útgáfu af
Jóni Gíslasyni póstfulltrúa, Grími
M. Helgasyni forstöðumanni og
Guðjóni Lárussyni lækni.
Morgunblaðið hafði tal af
Guðjóni Lárussyni um undir-
búning þennan. Hann sagði:
„Niðjatal þetta er framhald af
ættfræðiathugunum föður míns,
Lárusar Jóhannessonar hæsta-
réttardómara, en hann fékkst
mikið við ættfræðirannsóknir
síðasta áratug ævi sinnar. Af því
sem hann lét eftir sig í handriti
er þegar komin útá vegum
Skuggsjár Blöndalsættin, 1981,
og annaðist Jón póstfulltrúi þá
útgáfu. Við Grímur M. Helgason
aðstoðuðum hann nokkuð við
það og því var sjálfsagt að það
samstarf héldi áfram.
Blöndalsættin er eins og kunn-
ugt er niðjatal Björns Blöndals
sýslumanns í Hvammi í Vatns-
dal og Guðrúnar Þórðardóttur.
Þetta er mikið rit, yfir 500 bls.
með 726 myndum. Það líður nú
að 200 ára afæmli Björns og
ástæða er til að byrja að ýta við
niðjum hans að nota það tæki-
færi til að efna til ættarmóts."
— Er niðjatal Þórarins á
Grund eitthvað sambærilegt?
„Það er miklu stærra verk.
Þórarinn var uppi tveimur
kynslóðum á undan Birni, frá 23.
desember 1717 og dó 22. maí
1767. Hann átti fimm syni með
konu sinni, Sigríði yngri Stef-
ánsdóttur. Stefán Þórarinsson
var þeirra elztur og einn mesti
valdsmaður landsins um langt
árabil. Hann fæddist 24. ágúst
1754 og dó 12. marz 1823. Hann
bjó að Möðruvöllum í Hörgárdal
og var amtmaður í suður- og
vestur-amtinu, þekktur fram-
farasinni og barðist mjög fyrir
menntun almennings. Kona
hans var Ragnheiður Vigúsdótt-
ir Scheving, fædd 15. júlí 1763,
dáin 9. ágúst 1843. Þau áttu 18
börn og af þeim komust 13 á legg
en ekki eru niðjar frá þeim öll-
um.“
— Verða þetta mörg bindi?
„Trúlegt er að niðjatal Stefáns
amtmanns verði tvö til þrjú
bindi af sömu stærð og Blöndals-
ættin og er það bara byrjunin á
niðjatali Þórarins á Grund. Þá
eru hinir fjórir synirnir eftir.
Synir Þórarins á Grund, allir
merkir menn, kenndu sig að ís-
lenzkum hætti við föður sinn.
Það eru svo afkomendur þeirra
sem taka upp danskan sið í sam-
bandi við nafngiftir og kalla sig
Thorarensen.
Inn í Thorarensen-ættina gift-
ast svo margar aðrar merkar
ættir, innlendar og erlendar.
Hér koma við sögu Schevingar,
Hafsteinar, Melstedar o.fl. Kona
Vigfúsar Þórarinssonar sýslu-
manns var t.a.m. dóttir Bjarna
Pálssonar landlæknis. Jón Esp-
ólín sýslumaður og annálaritari
var hálfbróðir þeirra Þórarins-
sona, sammæðra."
— Verða myndir í bókinni?
„Já, það er ómögulegt annað.
Allir sem fletta svona bókum,
hvort heldur niðjatölum eða
Stefán Þórarinsson
bókum eins og læknatali eða
lögfræðingatali, eru sammála
um að það séu miklu ánægju-
legri bækur sem innihalda
myndir. Auk þess sem þær verða
með tímanum miklu merkari
heimildir. Hitt er svo annað að
söfnun mynda og niðurröðun er
tímafrek og reynir á samstarf og
skilning þeirra sem getið er í
niðjatalinu.
Eg get ekki annað en notað
tækifærið til að biðja niðja Stef-
áns Þórarinssonar að bregðast
vel við og snarlega er leitað verð-
ur til þeirra um myndir. Við
munum líka auglýsa, en þetta er
slíkur fjöldi að ógerlegt verður
að hafa persónulegt samband við
þá alla.
Lárus Jóhannesson
Mig langar að nota tækifærið
til að þakka samstarfið við Oliv-
er Stein, forstjóra Skuggsjár.
Það er mikill stórhugur hjá hon-
um að ráðast í útgáfu svona mik-
illa verka eins og niðjatöi Lárus-
ar Jóhannessonar verða. Það er
sagt að niðjatöl og ættfræðibæk-
ur seljist alltaf, og það kann að
vera. En ég held þó að slík sala
sé alltaf hæg og hljóti að dreif-
ast á mörg ár.
Það er einnig mikil vinna að
koma slíku út, en við byggjum á
10 ára undirstöðuvinnu höfund-
ar verksins. Að vísu hafa margir
Thorarensenar bætzt við frá því
Lárus Jóhannesson lézt og okkar
starf er misjafnlega langt kom-
ið.“
I
I
BEMT FLUGISMSKINW
3. APRÍL: Örfá sæti laus í páskaferðina, en hún er í tvær vikur. Alveg
einstakleea þægileg ferð í spánska vorið.
17. APRIL: Þnggja vikna ferð með sérstökum 15% afslætti.
8. MAI: Ferð elan borgara. I ferðinni verður sérstakur leiðsögumaður
og hjúkrunarfræðingur þeim ætlaður. Ferðin er farin í samvinnu við
Fe lagsn\álastofnun Keylcj avíkurborgar.
15. MAÍ: BENIDORM/MADRID - tveggja vikna ferð með viðkomu
í einstakri stórborg og á góðri sólarströna. vika á hvorum stað, á góðu
verði.
BENIDORM er á Suður-Spáni og einn vinsælasti, sólríkasti og snyrtilegasti staðurínn
á sólarströnd Spánar. Það er staðfest.
Gististaðir eru bæði íbúðir eða hótel með eða án fæðis. Pantið tímanlega og tryggið
ykkur sæti í sólskinið á ströndinni hvítu. Ferðaáætlun til BENIDÓRM: 3. og 17.
apríl / 8. og 29. maí / 19. júní / 10. og 31. júlí / 21. ágúst / 11. sept. / 2. okt.
FERÐAÁÆTLUN 1985 . þú lest ferða-
bæklinginn okkar af sannri ánægiu. I honum
eru ferðamöguleikar sem Feröamiðstöðin
hefur ekki boðið áður og eru mjög gimilegir
og freistandi.
Við bjóðum t.d. ferðir til Grikklands,
Frakklands, USA, Marokkó, Ítalíu, Spánar,
sumarhús í Þýskaíandi, Danmörku, Frakkl-
andi og Englandi. AuÓvitað færðu líka hjá
Ferðamiðstoðinni farmiða og hótel viljir þú
heimsækja Norðurlöndin eða stórborgir
Evrópu, Ameríku eða jafnvel Asíu! -
Þetta er bara brot af því sem FERÐAÁ-
ÆTLUN 1985 segir frá . . ! Hringdu í síma
28133 og við senaum þér hana í póstinum.
Strax!
FERÐAMIÐSTÖDIIM
AÐALSTRÆTI9
SÍMI28133
___JL