Morgunblaðið - 27.09.1988, Blaðsíða 34

34
MORGUNBLAÐIÐ, ÞRIÐJUDAGUR 27. SEPTEMBER 1988
AKUREYRI
Byggðastofiaun opnar á Akureyri:
Hátt í 200 boðsbréf aft-
urkölluð vegna „óvissu
í eftiahagsmálunumu
Byggðastofiiun opnar formlega útibú sitt á Akureyri næstkomandi
laugardag, 1. október, að Geislagötu 5. Af því tiiefhi höfðu hátt í 200
boðsbréf verið send út, en níu dögum síðar fengu væntanlegir gestir
önnur bréf inn um bréfalúgurnar sínar þar sem boðin voru afturkölluð
vegna „óvissu í efiiahagsmálum", eins og það er orðað.
„Það er vissulega ekkert gaman
að efna til veislu þegar ástandið í
þjóðfélaginu er eins og það er. Von-
andi birtir upp um síðir og bindum
við vonir við að hægt verði að halda
ráðstefnu á Akureyri í vetur í líkingu
við þá ráðstefnu, sem stofnunin hélt
með Sambandi íslenskra sveitarfé-
laga á Selfossi fyrir ári,“ sagði Guð-
mundur Malmquist forstjóri Byggða-
stofnunar í samtali við Morgunblaðið.
Boðsbréfin voru send út þann 7.
september sl., þar sem Byggðastofn-
un bauð gestum til opnunar útibús
síns á Akureyri. Athöfnin átti að
hefjast í Sjallanum klukkan 14.00
með ræðu Matthíasar Bjamasonar
stjómarformanns Byggðastofnunar.
Síðan átti Þorsteinn Pálsson forsæt-
isráðherra að flytja ræðu sína, þá
Guðmundur Malmquist og að lokum
Gunnar Ragnars forseti bæjarstjóm-
ar Akureyrar. Að loknum ræðuhöld-
um átti að sýna gestum húsakynni
Byggðastofnunar, Geislagötu 5, og
eftir skoðunarferðina var gert ráð
fyrir síðdegisdrykkju í Sjallanum frá
kl. 16.30 til 18.00. Þá ætlaði Byggða-
stofnun að bjóða gestum til kvöld-
verðar. Undir boðsbréfin rituðu nöfn
sín þeir Guðmundur Malmquist og
Benedikt Bogason fulltrúi hans. Neð-
anmáls var því beint til væntanlegra
gesta að láta Byggðastofnun vita
hvort boðið yrði þegið eða ekki og
jafnframt var væntanlegum gestum
bent á að stofnunin aðstoðaði við
útvegun hótelherbergja ef þess“væri
óskað.
Næst barst boðsgestum bréf dag-
sett þann 16. september sl. þar sem
textinn var á þessa leið: „Vegna
þess mikla óvissuástands, sem ríkir
í efnahags- og stjómmálum, hefur
orðið að hætta við fyrirhugaða fundi
stjómar Byggðastofnunar á Norður-
landi eystra að sinni. Jafnframt verð-
ur að fella niður athöfn á opnun
miðstöðvar Byggðastofnunar á Ak-
ureyri sem áður var búið að bjóða
til. Þetta eru okkur vonbrigði og við
biðjumst velvirðingar."
Guðmundur sagði að ýmislegt
hefði orðið þess valdandi að hætt var
við athöfnina á Akureyri. „Miklir
erfiðleikar og óróleiki eru í þjóðfélag-
inu og enginn veit með vissu hver
staðan í raun er. Það em erfiðleikar
í atvinnulífí á landsbyggðinni, bæði
í frystingunni og eins hefur gengið
illa að koma slátmn af stað, og því
var það samdóma álit okkar að ekki
væri við hæfí að fara að bjóða til
veislu við þessar aðstæður," sagði
Guðmundur.
Morgunblaðið/Trausti Þorsteinsson
Tveir bændur úr Svarfaðardal, Helgi Símonarson kennari og fyrrver-
andi skólastjóri á Dalvík og Þórarinn Jónsson bóndi á Bakka, stinga
saman nefjum um vanda sauðfjárbænda.
Niðurskurður vegna riðuveiki;
Bændur vilja ekki
viðurkenna breyttar
bótagreiðslureglur
Dalvík.
Ágreiningur er kominn upp á milli Sauðfjárveikivarna og bænda í
Svarfaðardal, Dalvík og á Olafsfirði varðandi niðurskurð sauðfjár
vegna riðuveiki. Undirritaðir voru samningar um niðurskurð nú í
haust í þeirri trú að bótagreiðslum yrði eins háttað og á síðasta ári.
Eftir að undirskrift þeirra lá fyrir breytti landbúnaðarráðuneytið
þessum reglum. Vilja bændur ekki fallast á nýjar reglur ráðuneytisins
um bótagreiðslur og átelja vinnubrögð þess. Þá átelja þeir Sauðfjár-
veikivarnir einnig fyrir það á hvern hátt staðið var að slátrun fjárins
á síðasta ári.
Síðastliðið haust var um 900 fjár
fargað og það urðað. Bændur em
sammála því að rétt sé að skera
niður allt fé á svæðinu til að vinna
bug á riðuveikinni án tillits til þess
hvort um sé að ræða sýkt fé eða
ekki. í samningum þá lagði land-
búnaðarráðuneytið áherslu á að
losna við að vigta fé og spara þann-
ig mannafla og útgjöld við vigtun-
ina. Sættust bændur á þá málsmeð-
ferð og fengu greidd 25 kg af kjöti
fyrir hverja kind sem fargað var. Á
gmndvelli þessa og því hvernig stað-
ið var að bótagreiðslum á síðasta
ári skrifuðu þeir undir samning um
niðurskurð alls sauðfjár á svæðinu.
Viku eftir að samningar vora sendir
suður barst þeim bréf frá Sauðfjár-
veikivörnum þar sem þeim er til-
kynnt um nýjar reglur varðandi
bótagreiðslur fyrir það fé sem fargað
er. Skal nú tekin upp sú regla að
allt fé skal vigtað og skal það hafa
verið hýst í sólarhring og svelt áður
en vigtun fer fram. Eiga bændur
síðan að fá ákveðna upphæð á hvert
kíló. Á þessar breytingar vilja þeir
ekki fallast og fínnst landbúnaðar-
ráðuneytið koma aftan að þeim og
neita því að láta vega og meta féð
og flokka það eftir aldri.
Þann 22. september komu saman
til fundar sauðfjárbændur í Svarfað-
ardal, á Ólafsfirði og á Dalvík til
að ræða sín mál. Samþykktu þeir
einróma harðorða ályktun vegna
þessa máls og hefur hreppsnefnd
Svarfaðardalshrepps tekið undir
ályktun þeirra. Stór orð hafa farið
á milli en talsverður hiti er í bændum
vegna þessa máls. Heyrst hefur frá
landbúnaðarráðuneytinu að það
muni ekki hvika frá þessari ákvörð-
un sinni, frekar verði hætt við niður-
skurðinn. Bændur benda hins vegar
á að þeir hafi ekki óskað eftir niður-
skurðinum.
Eins og er er því alls óljóst hvort
af fyrirhuguðum niðurskurði verður
nú í haust. Afstöðu ráðuneytisins
kenna menn við sauðþráa og fædd-
ist eftirfarandi staka varðandi þetta
mál.
Engum ber að blöskra það
þótt bændur hár sitt reiti
fyrst sauðþráinn er sestur að
suður í ráðuneyti. Fréttaritari
„Spjótkast", verðlaunamynd Axels Ámasonar
Verðlaunamynd Axels
AXEL Ámason, átta ára Akureyringur, vann sem kunnugt er fyrstu
verðlaun í teiknisamkeppni í tengslum við Ólympíuleikana í Seoul. Mynd
Axels heitir „Spjótkast". Þáttakendur vom 17.000 böm frá 73 löndum.
Tólf ára drengur frá Kóreu, Kim Hoy-shik, hlaut einnig fyrstu verð-
laun. Verðlaunin vom afhent við hátíðlega athöfn í Seoul s.l. laugar-
dag. Axel var ekki viðstaddur, en hann sagði í samtali við Morgunblaðið
í gær, að líklega hefði einhver íslenzku íþróttamannanna á leikunum
tekið á móti verðlaununum.
Stjórnunarfélag íslands
Ananaustum 15 Simi 6210 66
fræiil
- haldið á Akureyri
Sími
621066
Umræöa og þekking á markaðsmálum hefur
stórlega aukist hér á landi á síðustu misser-
um, ekki síst vegna skilnings manna á mikil-
vægi fræðigreinarinnar. Stjórnunarfélag ís-
lands býður nú upp á kynningu á helstu
hugtökum og viðfangsefnum markaðsfræð-
innar. Námskeið þetta á Akureyri er hið
fyrsta sinnar tegundar, en stefnt er að því
að fara með þetta námskeið víðar um landið.
Efni:
- Hlutverk markaösfræðinnar.
- Söluráðar.
- Stefnumörkun og áætlanagerð.
- Markaðsupplýsingar.
- Æviskeið vöru.
- Hlutverk markaðsstjóra.
- Sölustjórnun.
- Útflutningur/innflutningur.
- Viðskiptahættir og menning í alþjóðaviðskiptum.
- Nám í markaðsfræðum.
Þátttakendur: Kynning þessi er ætluð öllu áhugafólki
um markaðsmál, út- og innflutning og fleiri þætti við-
skipta.
Leiðbeinendur: Sigurður Ágúst Jensson, viðskiptafræð-
ingur, og Friðþjófur Johnson, framkvæmdastjóri Biikk-
smiðjunnar hf., og fleiri.
Skráning: Tölvutæki-Bókval sf., sími 96-26100.
Tími og staður: 30. september 1988 kl. 9:00
til 17:00 á Hótel KEA
VR OG STARFSMENNTUNARSJÓÐUR BSRB STYRKJA FÉLAGSMENN SÍNA
TIL ÞÁTTTÖKU í ÞESSUM NÁMSKEIÐUM.