Morgunblaðið - 17.06.1994, Blaðsíða 11

MORGUNBLAÐIÐ
FÖSTUDAGUR 17. JÚNÍ 1994 11
LYÐVELDIÐ ISLAND
-Xr

50 ARA
Leiðir til Þingvalla
og aðstæður þar
í DAG, 17. júní, verður einstefna
um Mosfellsheiði (Þingvallaveg) frá
mótum Vesturlandsvegar að Kára-
stöðum í Þingvallasveit frá kl. 7
að morgni til kl. 13. Þá verður veg-
urinn lokaður allri umferð frá
klukkan 9.30 til kl. 10. Mosfells-
heiði verður opin allri umferð í báð-
ar áttir frá kl. 13 til kl. 15 en hins
vegar lokuð allri umferð frá kl. 15
til 16. Einstefna verður um Mos-
fellsheiði frá Þingvöllum að Vestur-
landsvegi frá kl. 16 til kl. 19. Með-
an einstefna ríkir á Mosfellsheiðinni
er vinstri akgrein eingöngu ætluð
langferðabílum. Nesjavallaleið frá
Hafravatni og Grafningsvegur frá
Ljósafossi að Þingvöllum verður
lokuð almennri umferð frá kl. 7 að
morgni til kl. 16, en þjónar sem
öryggis- og neyðarleið fyrir sjúkra-
og lögreglulið. Opið verður um
Hellisheiði og Grímsnes allan dag-
inn, og einnig um Lyngdalsheiði.
Reiknað er með að 12 þúsund
einkabifreiðar geti farið yfir Mos-
fellsheiði frá 8 til 11 fyrir hádegi.
Rútur flytja fólkið
Langferðabílar sem aka til Þing-
valla í dag, 17. júní, fara frá Mjódd
í Breiðholti og Umferðarmiðstöð
BSÍ við Vatnsmýrarveg frá klukkan
7 til hádegis.
Aætlunarbílarnir eru í ferðum frá
Þingvöllum frá klukkan 16 til
klukkan 19. íbúar sunnan Reykja-
víkur og íbúar austurbæjar Reykja-
víkur, eru sérstaklega hvattir til að
nota brottfararstöð í Mjódd. Bif-
reiðastæði fyrir einkabifreiðar
verða á báðum stöðum. Fargjald
verður kr. 400 fyrir fullorðna, kr.
200 fyrir börn á aldrinum 7-11 ára
og kr. 100 fyrir börn 4-7 ára. Næg
bílastæði eru fyrir einkabifreiðir á
Þingvöllum og strætisvagnar aka
eridurgjaldslaust allan tímann frá
bílastæðunum inn á hátíðarsvæðið.
30 þúsund bílastæði
Stæði eru fyrir 30.000 bíla á
Þingvöllum á sex bílastæðum. Bif-
reiðastæðin eru sérstaklega merkt
með fánaborgum og nöfnum: Al-
mannagjá (fyrir fatlaða), Oxará,
Tæppistígur, Skógarhólar, Gjá-
bakki og Leirar. Fólk er hvatt til
að sameinast í bifreiðar og reyna
eftir fremsta megni að hafa eins
fá sæti laus í hverri bifreið og kost-
ur er. Ökumenn eru beðnir um að
hlusta eftir útvarpssendingum um
umferð og sýna tillitsemi í umferð-
inni. Tvö aukabílastæði eru til taks
fyrir 25.000 manns til viðbótar ef
nauðsyn krefur. Björgunarsveitir
frá Suðurlandi og lögregla munu
aðstoða ökumenn og farþega á bíla-
stæðunum og strætisvagnar munu
aka endurgjaldslaust frá öllum bíla-
stæðum að hátíðarsvæðinu á Efri-
völlum og til baka aftur. Þjóðhátíð-
argestir eiga því greiðan aðgang
frá hátíðarsvæðinu að bílastæðun-
um allan daginn. Bílar sem koma
yfir Mosfellsheiði geta lagt fyrir
ofan Almannagjá og eru þau bíla-
stæði einkum ætluð fötluðum. Síðan
eru stæði fyrir 12.000 bíla við Öxar-
árbrú, við Tæpastíg (við innkeyrslu
í þjóðgarðinn) eru stæði fyrir 4.000
og við Skógarhóla eru stæði fyrir
8.000 bíla. Þeir sem aka gegnum
Grímsnes frá Suðurlandi geta lagt
við Gjábakka þar sem 800 bílar
rúmast, og við þjónustumiðstöðina
á Leirum eru stæði fyrir 4.000 bíla.
Tveimur bensínstöðvum ' hefur
verið komið fyrir á Þingvöllum
vegna lýðveldishátíðarinnar. Önnur
er við þjónustumiðstöð en hin vest-
an þjóðgarðs. Á hátíðarsvæðinu eru
180 salerni og hreinlætisaðstaða
fyrir fólk í hjólastólum sérstaklega
merkt.
Aðstaða fyrir fatlaða
Sérmerkt bílastæði fyrir fatlaða
er ofan við Almannagjá. Fatlaðir
sem óska eftir að fylgjast með
morgundagskrá og þingfundinum
sem hefst kl. 11 um morguninn, fá
aðstöðu með og án hjólastóla á
göngubrú og palli á Lögbergi.
Helstu atriði hátíðardagskrár verða
túlkuð á táknmáli. Sérstaklega auð-
kennt aðstoðarfólk á staðnum mun
hjálpa fötluðum að komast á pallinn
og af honum aftur, og til að kom-
ast á hátíðarpallinn við Efri-Velli.
Börn og foreldrar þeirra
í upplýsingatjaldi verður gestum
veittar allar upplýsingar. Þar verður
einnig hægt að hafa upp á týndum
börnum sem verða í góðum höndum
fóstra þar til aðstandendur vitja
þeirra. Ungbarnaaðstaða er á sal-
ernum sérmerktum fyrir fatlaða.
Meðferð elds og hunda með
öllu bönnuð
Varúð er ítrekuð í umgengni á
Þingvöllum og þjóðgarðsvörður bið-
ur gesti að hafa ávallt í huga hversu
viðkvæmur gróðurinn á Þingvöllum
er. Meðferð elds er stranglega
bönnuð og einnig er óheimilt að
hafa með sér hunda. Skipulag um-
ferðar og hátíðarhalda á þjóðhátíð
veldur því að hefðbundin tjaldsvæði
í þjóðgarðinum eru lokuð til 18.
júní. Oleyfilegt er að tjalda innan
þjóðgarðsgirðingar. Hins vegar eru
opin tún og flatir innan girðingar
í Skógarhólum fyrir tjaldbúa og þá
er einnig heimilt að reisa tjöld í
Bolabás, sem er norðan girðingar.
Einnig er fólki heimilt að tjalda í
austurhlíðum Ármannsfells og á
Hofmannsflöt. Ekkert gjald verður
innheimt vegna tjöldunar á þessu
tímabili, en þjónusta verður jafn-
framt í lágmarki. Vatn og snyrting-
ar verða aðeins í Skógarhólum og
Bolabás. Bílastæði verða á báðum
stöðum og því hægt að aka bifreið-
um alla leið. Björgunarsveit skáta
úr Garðabæ aðstoðar tjaldgesti
þjóðhátíðardaginn. Einnig ganga
strætisvagnar allan daginn frá
Skógarhólum og Bolabás til hátíð-
arsvæðisins á Efri-Völlum og til
baka. Ferðirnar verða án endur-
gjalds og geta gestir hagað þeim
að vild frá tjaldstæðinu að hátíðar-
svæðinu.
Drykkur og fæði
Sala varnings fer fram í 6 tjöld-
um með tveimur sölubásum í hvetju.
Sömu vörur eru í öllum tjöldunum
á sama verði. í sölubásunum verða
til sölu drykkjarvörur, sælgæti,
pylsur, ís, samlokur, harðfiskur,
fánar og blöðrur. Líknar- og
íþróttafélög reka sölutjöldin til fjár-
öflunar. Verði verður stillt i hóf en
sölu- og veitingatjöld taka aðeins
við peningum og ávísunum.
Lög, regla og öryggi
Öll löggæsla í þjóðgarðinum er í
höndum sýslumannsembættisins á
Selfossi. Lögreglumönnum úr
mörgum umdæmum hefur verið
safnað saman til gæslu og þeim til
aðstoðar eru félagar úr björgunar-
sveitum á Suðurlandi. Sérstök
bráðamóttaka verður á stjórnsvæði
með lækni og hjúkrunarfræðingi
og slökkvilið og brunabílar hafa þar
aðsetur. Félagar úr FÍB verða til
aðstoðar bifreiðareigendum í vanda
og þyrla Landhelgisgæslunnar
verður í viðbragðsstöðu.
REIÐMENN í Almannagjá 1944
Hópmynd af
gestum 1944
►ÞJÓÐHÁTÍÐARNEFND biður
alla þá þjóðhátíðargesti sem voru
staddir á Þingvöllum 17.júní
1944, að safnast saman til hóp-
myndatöku á gestapallinum við
þingpallinn fyrir neðan Lögberg
klukkan 12.15 í dag, 17. júní.
Nefndin biður einnig allar þær
konur sem klæðast þjóðbúning-
um á Þingvöllum í dag, að koma
til ljósmyndatöku á sama stað
hálftíma síðar, eða klukkan
12.45. Myndirnar eru hugsaðar í
senn sem söguleg heimild og til
að fanga stemmninguna sem rík-
ir, auk þess sem þær verða hugs-
anlega birtar í bók um lýðveldis-
afmælið sem er í bígerð.
Lýðveldisdag-
skrá textuð
►DAGSKRÁ þjóðhátíðarinnar
verður öll sýnd í beinni útsend-
ingu Sjónvarpsins. Til að koma
til móts við heyrnarlausa og
heyrnaskerta verður eins stór
hluti hátíðardagskrárinnar text-
aður í textavarpi og kostur er,
og er þessi þjónustu studd af
félagsmálaráðuneytinu. Þeir sem
hyggjast notfæra sér þennan
möguleika, eiga að nota síðu 888
í textavarpinu og sést þá venju-
leg sjónvarpsmynd og íslenskur
texti eins og áhorfendur þekkja
af þýddum myndum.
Þjóðhöfðingjar
gróðursetja
►ÞJÓÐHÖFÐINGJAR Dan-
merkur, Finnlands, Noregs og
Svíþjóðar gróðursetja trjáplönt-
ur í Vinaskógi í dag að lokinni
hátíðarsamkomu á Þingvöllum.
Við sama tækifæri verður stjórn
Vinaskóga afhent peningagjöf
frá sömu þjóðum, samtals 1,6
milljónir íslenskra króna, eða 400
þúsund kr. frá hveiju landi.
Fulltrúar
stórvelda
►NÚ er orðið ljóst hveijir eru
fulltrúar Bandaríkjanna og Rúss-
lands á lýðveldisafmælinu. Frá
fyrrnefnda landinu kemur John
Deutch, aðstoðarvarnarmálaráð-
herra ásamt Walter B. Slocomb,
starfandi aðstoðarráðherra í
varnarmálaráðuneytinu, Bruce
Carlson, aðstoðarforingi, Mich-
ael Parmly, aðstoðaryfirmaður
N-Evópudeildar utanríkisráðu-
neytisins og Philip Dufour,
prótókollstjóri. Fulltrúi Rúss-
lands er Júrý Rhestov, sendi-
herra hérlendis.
Staóreyndir um Skoda
Allir þekkja SkocTa, en færri þá byltingu
sem Skoda hefur gengiö í gegnum.
Skoda framleiðir nú eftir gæðastöölum
móðurfyrirtækisins Volkswagen Grouþ.
Skoda er því t.d. ryðvarinn eins og aðrir
bílar VW Group - með 6 ára ábyr gð.
Skoda Favorit er mjög vel búinn m.a. með
samlæsingar, styrktarbita í hurðum, o.fl.
Skoda er með bensínsparandi Boseh
innspýtingu og kveikju.
Skoda er þrátt fyrir allar nýjungar,
ódýrasti evrópski bíllinn á
markaðnum.
Nýr bíll frá Evrópu.
Skoda Favorit Colour Line
kr. 718.000 ágötuna.
SKODA
Volkswagen Group
Nýbýlavegur 2, Kópavogur, sími 42600