Morgunblaðið - 14.10.2001, Qupperneq 9

FRÉTTIR
MORGUNBLAÐIÐ SUNNUDAGUR 14. OKTÓBER 2001 9
SAMGÖNGURÁÐUNEYTIÐ hefur
aftur tekið fyrir kæru Félags hóp-
ferðaleyfishafa og sent annað erindi
til Vegagerðarinnar og óskað eftir
áliti hennar á nýjan leik.
Félagið kærði meinta misnotkun
tiltekinna leyfishafa á sérleyfum til
Vegagerðarinnar og óskaði eftir at-
hugun og aðgerða af hennar hálfu,
en Vegagerðin taldi ekki ástæðu til
aðgerða eða frekari afskipta. Félag
hópferðaleyfishafa kærði þá niður-
stöðu til samgönguráðuneytisins,
sem vísaði henni frá á þeim grund-
velli að ekki væri um kæranlega
ákvörðun lægra stjórnvalds að ræða.
Umboðsmaður Alþingis komst
hins vegar að þeirri niðurstöðu að
ráðuneytinu hefði borið að taka efn-
islega afstöðu í málinu í stað þess að
vísa kærunni frá.
Jóhann Guðmundsson, skrifstofu-
stjóri í samgönguráðuneytinu, segir
að Félag hópferðaleyfishafa sé búið
sé að senda kæruna aftur til ráðu-
neytisins og ráðuneytið sé jafnframt
búið að senda kæruna á ný til um-
sagnar hjá Vegagerðinni. Hann seg-
ir að ráðuneytið muni síðan fá álit
Vegagerðarinnar og úrskurða á
þeim grundvelli, en ekki sé hægt að
segja til um á þessu stigi hver sá úr-
skurður verði.
Ráðuneyti
tekur kæru
fyrir á ný
HÆSTIRÉTTUR staðfesti í gær
dóm héraðsdóms um að 23 ára karl-
maður skuli sæta 12 mánaða fang-
elsi fyrir að hafa stolið vörum úr
verslun í Reykjavík og þar með rofið
skilorð dóms frá júní 1999. Var átta
mánaða skilorðsbundið fangelsi
samkvæmt þeim dómi dæmt með og
manninum gerð 12 mánaða fangels-
isrefsing í einu lagi. Honum var
einnig gert að greiða versluninni
þar sem hann braust inn tæpar 84
þúsund krónur í skaðabætur ásamt
vöxtum.
Ákærði krafðist þess fyrir dómi
að ekki yrði hróflað við skilorði
dómsins frá árinu 1999 þar sem
hann hafi ekki verið viðstaddur upp-
sögu dómsins og því hafi skilyrði al-
mennra hegningarlaga, um að dóm-
ari skuli kynna dómfellda rækilega
skilyrði fyrir frestun refsingar og
gera honum ljósar afleiðingar skil-
rofsrofa, ekki verið uppfyllt.
Í dómi Hæstaréttar segir að um-
ræddur dómur hafi verði birtur
manninum áður en hann hafi framið
þau brot sem hann sé nú sakfelldur
fyrir. Ekkert hafi komið fram um að
birtingu dómsins hafi verði áfátt.
Maðurinn haldi því ekki fram að
hann hafi ekki verið kvaddur til að
vera viðstaddur uppsögu umrædds
dóms, hann verði því að bera sjálfur
ábyrgð á því að dómara málsins hafi
ekki verði unnt að brýna fyrir hon-
um afleiðingar skilorðsrofa.
Hæstaréttardómararnir Gunn-
laugur Claessen, Árni Kolbeinsson
og Ingibjörg Benediktsdóttir
dæmdu í málinu. Hilmar Ingimund-
arson hæstaréttarlögmaður var
verjandi ákærða og flutti Bragi
Steinarsson vararíkissaksóknari
málið fyrir hönd ákæruvaldsins.
Hlaut 12 mánaða fangelsi
fyrir skilorðsbrot og þjófnað
FUNDIR kirkjuþings verða settir
næstkomandi mánudag en meðal
mála sem þar verða rædd er tillaga
um stofnun Lindasóknar og Linda-
prestakalls í Kópavogi, sameiningu
Barðastrandarprófastsdæmis og Ísa-
fjarðarprófastsdæmis og kynnt verð-
ur lagafrumvarp dóms- og kirkju-
málaráðherra um breytingu á lögum
um kirkjugarða, greftrun og lík-
brennslu.
Við upphaf kirkjuþings kl. 10 verð-
ur opnaður nýr vefur fyrir kirkjuþing
og markar hann upphaf á gagngerri
nýsköpun á vef þjóðkirkjunnar, segir
m.a. í frétt um þingið. Hægt verður
að fylgjast með störfum kirkjuþings
á slóðinni www.kirkjan.is/kirkju-
thing.
Auk mála sem þegar eru nefnd
verður fjallað um tillögu um að sam-
einuð verði Árnesprestakall og
Hólmavíkurprestakall og að Múla- og
Austfjarðaprófastsdæmi verði færð í
umdæmi vígslubiskups á Hólum í
stað Skálholtsbiskups eins og nú er.
Messa verður fyrir upphaf kirkju-
þings í Dómkirkjunni kl. 20 á sunnu-
dagskvöld. Sr. Pétur Þórarinsson
prédikar en biskup Íslands, Karl Sig-
urbjörnsson, og sr. Hjálmar Jónsson
þjóna fyrir altari. Börn úr barnakór-
um Reykjavíkurprófastsdæmis
eystra syngja undir stjórn Gróu
Hreinsdóttur.
Kirkjuþing hefst á mánudag
Fjallað um sam-
einingu sókna
FERÐAMÁLARÁÐ hefur látið
vinna bækling um Ísland sem var
prentaður í Slóveníu og eru íslenskir
prentarar margir hverjir ósáttir við
að íslensk prentsmiðja hafi ekki ver-
ið fengið til verksins, þar sem eitt af
hlutverkum Ferðamálaráðs er að
stuðla að verslun hér heima.
Magnús Oddsson ferðamálastjóri
segir að Ferðamálaráð verði, sem
ríkisstofnun, að bjóða svona stór
verk út á hinu evrópska efnahags-
svæði. „Ríkiskaup buðu verkið út og
því tilboði var tekið sem Ríkiskaup
töldu hagstæðast. Við höfum enga
aðra úrkosti,“ segir Magnús.
Hann segir að heildarkostnaður-
inn við bæklinginn sem er gerður ár-
lega sé um 18 milljónir króna, þar af
kosti prentunin um 9-10 milljónir
króna. Hann segir að öll ljósmynda-
vinna og umbrot hafi verið unnið hér
á landi. „Við hefðum að sjálfsögðu
viljað að allur kostnaður vegna þessa
bæklings lenti hér innanlands, en við
verðum að fylgja þeim lögum sem
okkur eru sett í því. Ég hefði verið
mjög ánægður ef þetta verk hefði
getað verið unnið hér heima,“ segir
hann.
Urðu að bjóða
verkið út
♦ ♦ ♦