Morgunblaðið - 12.02.2005, Síða 18

Höfuðborgin | Akureyri | Árborg | Landið
Minnstaður
Höfuðborgarsvæðið Brjánn Jónasson, brjann@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri Margrét Þóra Þórsdóttir,
maggath@mbl.is og Kristján Kristjánson, krkr@mbl.is, sími 461-1600. Vesturland Ásdís
Haraldsdóttir, asdish@mbl.is, sími 898-5258. Austurland Steinunn Ásmundsdóttir, aust-
urland@mbl.is, sími 669-1115. Árborgarsvæðið og Landið Helgi Bjarnason, helgi@mbl.is,
sími 569-1310 og 669-1310 og Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Hið árlega þorrablót Djúpavogshrepps
var haldið síðustu helgina í janúar. Að venju
var margt um manninn og kom fólk víða af
landinu til að njóta dagskrár heimamanna.
Blótið var líflegt og skemmtilegt og tókst
nefndinni að koma skýrt til skila því helsta
sem á daga Djúpavogsbúa hefur drifið á síð-
asta ári. Hákarl, hangikjöt og hrútspungar
voru að sjálfsögðu á boðstólum og að lokum
var stiginn dans.
  
Í Grunnskólanum eru nýafstaðnir svo-
kallaðir keppnisdagar en þetta er þriðja ár-
ið sem skólastarfið er brotið upp á þennan
hátt. Á þessum dögum er nemendum skipt í
aldursblandaða hópa sem keppa í ýmsum
greinum. Má þar nefna stærðfræði, ís-
lensku, íþróttum, dansi og hæfileikakeppni.
Á öskudag var haldin lokahátíð þar sem for-
eldrum var boðið í íþóttahúsið til að sjá af-
rakstur keppnisdaganna. Það var samdóma
álit allra að vel hefði tekist til og börnin
héldu syngjandi kát út í veðurblíðuna í
skrautlegum öskudagsbúningum með von
um að fá eitthvað gott í pokann sinn.
  
Lokahátíð Stóru upplestrarkeppninnar
verður haldin á Djúpavogi í mars. Nemend-
ur úr Grunnskóla Djúpavogs urðu í fyrsta
og þriðja sæti í keppninni í fyrra og þóttu
standa sig með stakri prýði. Undirbúningur
er þegar hafinn og er von á keppendum frá
Hafnarskóla, Hrolllaugsstaðaskóla og Hof-
staðaskóla. Stóra upplestarkeppnin hefur
náð að festa sig í sessi víða um land og er
það fagnaðarefni að slík áhersla skuli vera
lögð þennan þátt námsins.
  
Djúpavogshreppur hefur keypt þrotabú
fiskimjölsverksmiðjunnar Gautavíkur.
Unnið er að stofnun hlutafélags um rekst-
urinn og munu þau mál skýrast betur á
næstu dögum.
  
Nýlega var lokið við steypa grunn fyrir
nýjan leikskóla sem á að vera tilbúinn
næsta haust. Djúpavogsbúar eru ánægðir
með framkvæmdina og hafa nokkrar ungar
konur sýnt stuðning sinn í verki því von er á
að a.m.k. níu „Djúpavogsbörnum“ í heiminn
á árinu. Á Djúpavogi býr mikið af ungu fólki
sem stefnir að því að búa hér áfram enda að-
staða fyrir barnafólk til fyrirmyndar. Má
þar nefna gott íþróttahús, glæsilega sund-
laug og tónlistarskóla.
Úr
bæjarlífinu
DJÚPIVOGUR
EFTIR SÓLNÝJU PÁLSDÓTTUR FRÉTTARITARA
Nýja bújörðin – bú-skaparskógrækt,beitarstjórnun og
nýting lands. Þetta er yf-
irskrift ráðstefnu sem
verður haldin dagana 16.–
17. mars á Núpi í Dýra-
firði. Fjallað verður um
hvernig skógrækt, kvik-
fjárrækt og akuryrkja fari
saman, hvert sé hlutverk
beitar í vistkerfi skóga,
hvað gerist við beit-
arfriðun og hver eigi að
gæta kindanna. Ræktun
verðmætra timburteg-
unda á ökrum og hönnun
skjólbelta verður krufin.
Fleira verður til umræðu
hjá helstu sérfræðingum
okkar á þessum sviðum og
tveimur erlendum. Ráð-
stefnan er haldin af Skjól-
skógum á Vestfjörðum,
Landgræðslunni, Land-
búnaðarháskóla Íslands
og Skógrækt ríkisins.
Nýja bújörðin
Nýi gervigrasvöllurinn á Flúðum er mikið not-aður. Börnin fara þangað í frímínútum og eftirskóla til að sparka bolta. Völlurinn er upphit-
aður og er því hægt að nota hann allan veturinn.
Hefur völlurinn til að efla mjög knattspyrnuáhuga í
skólanum og sveitinni. Myndin var tekin þegar Heimir
Gunnarsson var að þjálfa hóp áhugasamra knatt-
spyrnumanna.
Morgunblaðið/Sigurður Sigmundsson
Sparkað í allan vetur
Davíð Hjálmar Har-aldsson las Morg-unblaðið vel og
vandlega og orti síðan
þetta:
Miklar fréttir Mogginn ber
en mjólkurkýr og huðna
saman myndað hafa her
ef Halldór styður Guðna.
Og fyrst Davíð Hjálmar
er nefndur til sögunnar
verður að birta limru eft-
ir hann:
Þeir komu að Jónínu kátri
með kjaftinn svo troðinn af slátri
að enginn það sá
sem nú álykta má
að hún var að drepast úr hlátri.
Björn Ingólfsson orti um
limrusmíðar Davíðs
Hjálmars Haraldssonar á
bolludaginn:
Þær koma eins og krakkar í fríi
eða kríur í fljúgandi skýi,
limrurnar hans,
þessa léttkvæða manns,
eða bollur úr bakaríi.
Komu að
Jónínu kátri
pebl@mbl.is
Vatnsleysuströnd | Sauðburð-
ur er hafinn í Halakoti á Vatns-
leysuströnd. Í gærmorgun voru
sex ær bornar og tíu lömb fædd.
Talið er að ærnar í Halakoti hafi
það gott, kannski of gott.
Útvegsbændurnir Magnús og
Ragnar Ágústssynir eru með
um tuttugu ær í Halakoti, sér til
skemmtunar eins og Ragnar
kemst að orði. Þeir reiknuðu
með að standa í sauðburði í
byrjun maí en fyrsta lambið
fæddist 16. janúar. Ragnar telur
að helmingur fjárstofnsins beri
núna en hinn helmingurinn á
eðlilegum tíma. „Þetta hefur allt
gengið hratt og vel fyrir sig. Ég
er orðinn svo gamall að ég get
ekki verið að vaka yfir þessu en
lömbin hafa verið komin á spena
þegar ég hef komið í húsin á
morgnana. Þetta verður ekki
betra,“ segir Ragnar.
Ærnar frá Halakoti voru í
haust í gerði með öðru fé af
Vatnsleysuströnd og þar hafa
þær gengið og komist í kynni
við hrút mörgum mánuðum áð-
ur en við mátti búast. „Það er
einkennilegt að þessar ær okkar
skuli ganga svona snemma en
ekki féð af hinum bæjunum,“
segir Ragnar. Þeir bræður
fengu litlar skýringar hjá dýra-
lækninum á þessum skrítna
gangi náttúrunnar, aðra en þá
að Halakotsánum hljóti að líða
vel og hafa það gott. „Ég veit
ekkert hver faðirinn er. Það
gerir ekkert til, þetta virðist vel
ættað,“ segir Ragnar.
Morgunblaðið/Helgi Bjarnason
Nýfædd Ragnar Ágústsson með tvö snemmbornu lambanna fyrir utan fjárhúsin.
Óvíst um faðernið
Sauðburður
Akranes | Stjórn Dvalarheimilisins
Höfða á Akranesi hefur samþykkt að taka
upp viðræður við stofnaðila heimilisins
um hvort sækja eigi um fjárveitingu til
ríkisins til byggingar nýrrar sjúkradeild-
ar, að hluta til lokaðrar deildar fyrir
heilabilaða. Ef af verður er gert ráð fyrir
að umrædd bygging myndi rísa norð-
austan við dvalarheimilið í átt að Inn-
nesvegi.
Bæjarráð Akraness hefur nú þegar
fagnað hugmyndum stjórnar Höfða varð-
andi samþykktina og er gert ráð fyrir við-
ræðum við heilbrigðisráðuneytið á næstu
vikum varðandi málið segir í frétt á vef
Akraneskaupstaðar.
Ræða nýja
sjúkrabygg-
ingu Höfða
Borgarnes | Kjöri íþróttamanns Borg-
arfjarðar var lýst á íþróttahátíð UMSB á
dögunum. Gauti Jóhannesson hlaut þá tit-
ilinn íþrótta-
maður Borgar-
fjarðar fyrir
árið 2004.
Gauti er talinn
vera einn af
bestu hlaupur-
um landsins í
800, 1.500 og
3.000 metra
hlaupum.
Gauti er í
læknisnámi í
Svíþjóð og gat
því ekki verið
viðstaddur af-
hendingu
verðlaunanna
og tók faðir hann, Jóhannes Guðjónsson,
við viðurkenningunni.
Í 2. sæti var Sigurkarl Gústafsson
spretthlaupari og í 3. sæti Sigurður Guð-
mundsson sundmaður.
Frá árinu 1980 hefur farið fram kjör
íþróttamanns Borgarfjarðar á vegum
UMSB, en sá fyrsti sem hlaut þennan titil
var langhlauparinn Jón Diðriksson frá
Helgavatni. Árið 1981 var Einar Vil-
hjálmsson spjótkastari kjörinn og ári síð-
ar 1982 Íris Grönfeldt spjótkastari en hún
hlaut þessa viðurkenningu fimm sinnum
eftir það.
Gauti bestur
í Borgarfirði
♦♦♦