Morgunblaðið - 12.02.2005, Side 21

MORGUNBLAÐIÐ LAUGARDAGUR 12. FEBRÚAR 2005 21
MINNSTAÐUR



 




 


 





 



 
  








Opið mán.-fim. frá kl. 9–18, fös. frá kl. 9-17
Ármúla 1, sími 588 2030 – fax 588 2033
Ægir Breiðfjörð löggiltur fasteignasali
Til sýnis í dag ca 70 fm íbúð á
neðri hæð í tvíbýli. Nýlega
uppgerð. Parket og nýlegar
innréttingar. Verð 13,8 millj.
SELVOGSGATA 5 HAFNARFIRÐI
SKIPTU VIÐ FAGMENN - ÞAÐ BORGAR SIG
Opið hús frá
kl.14 til 16 í dag
HÖFUÐBORGARSVÆÐIÐ
Reykjavík | Þörf er á varanlegri
merkingu katta vegna mikils fjölda
óskilakatta sem finnast í borginni á
ári hverju, að mati starfshóps um
endurskoðun á samþykkt um
kattahald. Í greinargerð sem hóp-
urinn hefur skilað af sér kemur
fram að Kattholt tekur við stærst-
um hluta óskilakatta sem finnast í
Reykjavík, þeir voru rúmlega 400
árið 2003 og 641 í fyrra. Um fjórð-
ung þessara katta þarf að aflífa.
Þá segir að Kattholt hafi þrýst á
að eigendum verði gert að merkja
ketti sína varanlega og er í drög-
um að nýrri samþykkt um katta-
hald gerð krafa um örmerkingu
skv. alþjóðlegum staðli. Örmerkin
geyma eingöngu númer og til að
tengja númerið við eiganda er farið
fram á að kattaeigendur tilkynni
Umhverfis- og heilbrigðisstofu um
nafn sitt og kennitölu ásamt núm-
eri örmerkis sem köttur þeirra
ber. Ekki sé stefnt að gjaldtöku
fyrir skráninguna.
Örmerkið geta starfsmenn borg-
arinnar síðan lesið af með sér-
stökum skanna, en jafnramt er tal-
ið nauðsynlegt að kettir beri hálsól
með upplýsingum um heimilisfang
eiganda og símanúmer.
Kostnaður 2,8
milljónir króna
Kostnaður Reykjavíkurborgar
vegna óskilakatta í borginni var 2,8
milljónir króna í fyrra fyrir utan
laun, launatengd gjöld, leigu bif-
reiðar og annan kostnað tengdum
starfsmönnum meindýravarna
borgarinnar. Á hverju ári þarf að
aflífa fjölda óskilakatta og mikið er
um kvartanir vegna ónæðis af
völdum katta, segir í greinargerð
starfshópsins.
Þá er gerð krafa um geldingu
fressa, annars vegar vegna óhóf-
legrar fjölgunar katta og hins veg-
ar þar sem fressir merkja sér
gjarnan svæði með „illa þefjandi
þvagi“ og tilheyrandi óþrifnaði,
segir þar.
Til að hafa eftirlit með og þrýsta
á að ákvæðum nýrrar samþykktar
um kattahald sé framfylgt er lagt
til að Umhverfis- og heilbrigð-
isstofa hafi heimild til að handsama
ketti í tilvikum þar sem ekki er
farið eftir ákvæðum samþykkt-
arinnar, t.d. er varðar hálsmerk-
ingar og örmerkingar. Samkvæmt
drögum að nýrri samþykkt um
kattahald er lausaganga katta
leyfð og skal því köttum sleppt
lausum að lokinni handsömun en
eigendum tilkynnt um hana.
Ómerktir kettir og kettir sem eru
haldnir í fjölbýlishúsum án sam-
þykkis skulu þó færðir í katta-
geymslu og verður eigendum gert
að greiða kostnað við handsömun,
vistun og fóðrun, að því er segir í
greinargerðinni.
Bíður umfjöllunar
Lögð voru fram drög að nýrri
samþykkt um kattahald ásamt
greinargerð á fundi umhverfisráðs
á mánudag, en málið ekki tekið
fyrir. Í bókun fulltrúa Sjálfstæð-
isflokks sem átti sæti í starfs-
hópnum kemur m.a. fram að hann
telur nýju samþykktina ganga of
langt í 3. gr. þar sem kveðið er á
um merkingu katta, sem sé aug-
ljóslega dulbúin skráningarskylda
og ávísun á skráningargjald síðar
meir. Eðlilegra sé að halda sig við
eyrnarmerki í stað örmerkis, þar
sem allir geti lesið þau og ekki
þurfi sérstakt tæki til að lesa úr
eyrnarmerkingum. Þá telur fulltrúi
Sjálfstæðisflokks að verið sé að
mismuna eigendum þar sem ein-
göngu sé farið fram á geldingu
fresskatta en ekki að læður verði
gerðar ófrjóar.
Morgunblaðið/Eggert
Köttur Meðal annars er rætt um að taka upp örmerkingar á köttum.
Vilja að
kettir verði
örmerktir
Drög að nýrri samþykkt um kattahald liggja fyrir
AUGLÝSINGADEILD
netfang: augl@mbl.is eða sími 569 1111