Morgunblaðið - 08.12.2007, Síða 61

MORGUNBLAÐIÐ LAUGARDAGUR 8. DESEMBER 2007 61
GESTIR í spurningaleiknum Orð
skulu standa í dag eru Hildur Lillien-
dahl ljóðskáld og Úlfar Þormóðsson
rithöfundur. Á milli þess sem þau velta
fyrir sér m.a. „kollusteini“ og „gós-
entíð“ botna þau þennan fyrripart:
Það er dimmt og kalt í desember
og drungi yfir bænum.
Um nýliðna helgi var fyrriparturinn
þessi:
Fullveldið er flestum gleymt,
fáir þess nú minnast.
Í þættinum botnaði Ingibjörg Har-
aldsdóttir:
Lýðveldið sem var loksins heimt
líka farið að þynnast.
Davíð Þór Jónsson:
Allt sem hafði okkur dreymt
mun útvatnast og þynnast.
Séra Baldur Kristjánsson:
Árin hafa áfram streymt
og okkar vit að þynnast.
Úr hópi hlustenda botnaði Auðunn
Bragi Sveinsson m.a.:
Margt er þó í muna geymt;
má það eigi þynnast.
og
Lengi hafði lýði dreymt
lýðfrelsi að kynnast.
Hallberg Hallmundsson sendi
þessa tvo:
Það hafði lýðinn lengi dreymt
en lítið þótt ávinnast.
Þar mun lengi í ranni reimt
sem rökkvuð skotin finnast.
Halldór Halldórsson:
Er nú fólk á eyrum teymt,
auðmenn margir finnast.
Magnús Halldórsson á Hvolsvelli:
Er frelsið var að hálfu heimt
og helsi danskt að þynnast.
Dimmur og kaldur desember
Hlustendur geta sent sína botna í
netfangið ord@ruv.is eða bréfleiðis
til Orð skulu standa, Ríkisútvarp-
inu, Efstaleiti 1, 150 Reykjavík.
Morgunblaðið/Ómar
Skothúsvegurinn Fyrriparturinn í dag fjallar um desembermánuð.
Orð skulu standa
Á PLÖTUNNI Einhversstaðar
einhverntímann… aftur hefur
söngkonan ástsæla, Ellen Krist-
jánsdóttir, sett flest af sínum vin-
sælustu lögum í nýjan búning. Ey-
þór Gunnarsson stjórnar upptökum
auk þess sem Ellen hefur fengið
einvalalið hljóðfæraleikara til þess
að koma fram með sér á plötunni.
Það vekur athygli hve vel er vand-
að til við útsetningar laganna. Þau
ljá plötunni heildarsvip þrátt fyrir
að vera eftir ólíka listamenn á ólík-
um tímum. Einnig einkennast út-
setningarnar af þroska og yfirsýn.
Ekki reynt að
breyta lögnum
og gera þau að
nýjum verkum,
heldur fá þau að
njóta sín í sígild-
ari, og sum hver
smekklegri, útgáfum en áður. Gott
dæmi um þetta eru lögin „Ein-
hversstaðar einhverntímann aftur“
og „Lifði og dó í Reykjavík“. Bæði
njóta sín sem lögin sem þau hafa
alltaf verið en hafa verið keyrð nið-
ur í blúsaðri útfærslur af fyrri út-
gáfu. Þetta heppnast mjög vel,
einkum og sér í lagi vegna kunn-
áttu Ellenar. Hún þekkir lögin út
og inn og leikur sér með flutning
þeirra og sérlega vandaðan og yf-
irvegaðan hátt. Hún er ekki að
reyna að enduruppgötva lögin sem
slík – heldur flytja þau í þeirri
stemmingu sem henni hentar í dag.
Við þetta má bæta að „When I
Think of Angels“ er hér í sérlega
fallegri útgáfu og það sama má
segja um „Litla systir“ en það kom
mér mjög á óvart.
Lagavalið er gott og lýsir ferli
hennar ágætlega. Platan er eilítið
rislág sökum fastrar stefnumörk-
unar í útsetningum en fyrir vikið
er hún mun þægilegri og samfelld-
ari en hefðbundið safn þessara laga
hefði verið. Útkoman er því afar
vönduð og eiguleg safnplata fyrir
aðdáendur Ellenar Kristjáns-
dóttur.
Fallegt safn góðra laga
TÓNLIST
Íslenskur geisladiskur
Ellen – Einhversstaðar einhverntímann…
aftur  Helga Þórey Jónsdóttir
SOUTH River Band leikur sérlega
vandaða þjóðlagatónlist sem er að
miklu leyti undir austurevrópskum
áhrifum. Á plötu þeirra Allar stúlk-
urnar má bæði finna frumsamin lög
auk þjóðlaga úr ýmsum áttum.
Lögin eru öll full af lífi og sál og á
þar textahöfundurinn Kormákur
Bragason stóran hlut að máli. Hlust-
andinn er dreginn með í ferðalag um
lendur ástar og örlaga þar sem
staldrað er við einlægar og ljúfsárar
minningar. Aðrir textar eru spaug-
samar vísur um hegðun landans,
kvennafar auk hinna bráðnauðsyn-
legu drykkjuvísna. Helgi Þór Inga-
son á einnig mjög góða texta –
skemmtilegar frásagnir af ástum og
sveitalífi.
Það er að sjálf-
sögðu umfjöll-
unarefni að Geir
H. Haarde for-
sætisráðherra
skuli syngja á
plötunni en hann
kemur fram í laginu „Ég hlusta á
hjartað“ sem er ágætlega þýdd
ábreiða af lagi Johnnys Cash „Walk
the Line“. Geir kom mér talsvert á
óvart því hann er mun lipurri söngv-
ari en ég hafði gert mér í hugarlund.
Skemmtileg viðbót það.
Því miður get ég ekki kallaði for-
sætisráðherra vorn gullmola plöt-
unnar því það hlýtur að vera lag
Ólafs Þórðarsonar tileinkað Szymon
heitnum Kuran sem nefnist einfald-
lega „Szymon“. Lagið er einkar fög-
ur smíð – angurvær og blíð. „Szy-
mon“ er virðuleg og viðeigandi
kveðja til eftirtektarverðs tónlistar-
manns.
Meðlimir South River Band eru
allir stjörnur þessarar plötu, laga-
smíðar þeirra eru afskaplega góðar
auk þess sem þeir hafa gott nef fyrir
tökulögum. Það er þó hljóðfæra-
leikur þeirra sem skarar fram úr,
hvergi er feilnóta slegin og er flutn-
ingurinn fullur af sál, frá fyrsta lagi
til hins síðasta.
Vönduð og skemmtileg plata
TÓNLIST
South River Band – Allar stúlkurnar
 Helga Þórey Jónsdóttir
Íslenskur geisladiskur
smáauglýsingar
mbl.is