Náttúrufræðingurinn - 1960, Qupperneq 23

NÁTTÚRUFRÆÐINGURINN
189
30. ágúst 1955 finn ég þessa tegund í Fáskrúðsfirði, bæði á Kumla-
tanga milli Kolfreyjustaðar og Skálavíkur og svo upp af bænum
Árnagerði, þar sem hún óx á allstóru svæði í 90—100 m hæð yfir
sjávarmál. 12. ágúst 1956 finn ég hana einnig í Sandvík í 100—120
m hæð yfir sjó í hlíðinni upp af eyðibýlinu Parti.
Nú má því heita, að hagastörin sé á Austurlandi fundin í hverjum
firði og vík frá Stöðvarfirði norður til Seyðisfjarðar, og suins stað-
ar vex gríðarmikið af henni, t. d. við norðanverðan Norðfjörð þar
sem hún vex að heita má í hverri mýri, sem ekki er of rök.
12. Carex pilulifera L. Dúnliulstrastör.
í Flóru ísk, III. útg., 1948, er þessarar tegundar getið frá fjórum
stöðum á Austurlandi, Sigmundarhúsum við Reyðarfjörð, Norð-
firði, Njarðvík og Sörlastaðadal við Seyðisfjörð. 1950 finnur Ing-
ólfur Davíðsson hana í Mjóafirði (Ingólfur Davíðsson, 1950 b, bls.
188), 1951 í Stöðvarfirði og 1953 í Loðmundarfirði (Ingólfur Davíðs-
son, 1954, bls. 31) og svo síðast 1958 í Vaðlavík (Ingólfur Davíðsson,
1958, bls. 99).
29. ágúst 1955 fann ég þessa tegund í Fáskrúðsfirði, hún óx þar í
þurru graslendi í 80—90 m hæð yfir sjávarmál milli bæjanna Árna-
gerðis og Höfðahúsa.
13. Carex subspathacea Wormskj. Flæðastör.
í Flóru ísl., III. útg., 1948, er þessarar smávöxnu sjávarflæða-
plöntu aðeins getið frá fjórum stöðurn á Austurlandi, Reyðarfirði,
Eskifirði, Ósi í Breiðdal og Búlandsnesi.
1948 finnur Ingólfur Davíðsson liana við botn Fáskrúðsfjarðar
(Ingólfur Davíðsson, 1948, bls. 162), Helgi Jónasson finnur hana við
ósa Selfljóts við Héraðsflóa sumarið 1951 (Helgi Jónasson, 1952,
bls. 138). 1954 finnur skozkur maður, D. N. McVean, hana í Loð-
mundarfirði (D. N. MacVean, 1955, bls. 325).
21. júlí 1959 fann ég hana svo við fjarðarbotninn í Hellisfirði.
14. Juncus squarrosus L. Stinnasef.
í Flóru ísl., útg., 1948, er þessarar tegundar aðeins getið frá ein-
um stað á landinu, Goðdal í Strandasýslu. 1953 finnur Helgi Jón-
asson stinnasefið svo í Loðmundarlirði á Austurlandi (Helgi Jón-
asson, 1955, bls. 37) og 1955 í Reykjarfirði hinum syðra á Strönd-