Náttúrufræðingurinn - 1960, Qupperneq 26
192
NÁTTÚRUFRÆÐINGURINN
kallar C. arcticum Lge. var. arcticum Hult. og Áskell og Doi'is Löve
kalla C. arcticum Lge. ssp. arcticum Löve ir Löve. Þau eru nefni-
lega eingöngu stutthærð, hafa ekki þessi löngu hár, sem E. Hultén
kallar „alpinum-hár“, og eru mjög lítið og sum alls ekki kirtilhærð,
og þá sízt á bikarblöðunum. Mætti í samræmi við þessar niðurstöð-
ur gera smáleiðréttingar á útbreiðslukortinu hjá Áskeli og Doris
Löve, 1956, bls. 111. Það virðist þannig að sumu leyti óheppilegt
að kalla þessa plöntu-tegund kirtilfræhyrnu á íslenzku.
17. Sagina intermedia Fenzl, S næ k r æ k i 11.
í Flóru ísl., III. útg., 1948, bls. 147, er þessi tegund sögð sjaldgæf
á Austurlandi. Helgi Jónasson (1952, bls. 139) getur hennar frá Ós-
fjöllum við Útmannasveit.
8. ágúst 1956 finn ég tegundina í smágrýttu leirflagi í ca. 400
m hæð yfir sjávarmál við Vegahnúk í Norðfirði og svo 7. júlí 1959
í Mjóafirði, þar sem hún óx í ca. 560 m hæð yfir sjó í lítt gróinni
urð niður undan Drangaskarði.
18. Ranunculus auricomus L. coll. Sifjarsóley.
Þessi tegund finnst fyrst hér á landi árið 1928, þá finnur Einar
B. Pálsson hana „í grýttum jarðvegi, gróðurlítilli skriðu“, í 4—500
m hæð yfir sjávarmál í suðvestanverðu Torfnafjalli nálægt Hrauni
í Fljótum (Guðmundur G. Bárðarson, 1929, bls. 49). Sumarið 1929
finnur Baldur Johnsen hana svo „þar sem mætast skriður og klett-
ar undir Skálatindum í Nesjum" og sama sumar „á sams konar
vaxtarstað í Kálfafellsstaðarfjalli" í Suðursveit (Baldur Johnsen,
1941, bls. 53), en báðir þeir staðir eru í Austur-Skaftafellssýslu.
Að þessu athuguðu fæ ég ekki séð, hvernig getur staðið á því, að
í Flóru ísl., III. útg., 1948, bls. 159, er sagt frá því, að þessi sóleyjar-
tegund vaxi „í grýttu graslendi“.
Sumarið 1952 finnur Helgi Jónasson þessa tegund á tveimur
stöðum í Njarðvík við Borgarfjörð eystra, „á báðum stöðunum
hátt uppi í smágrýttum lausaskriðum", (Helgi Jónasson, 1955, bls.
37) og 1945 finnur Steindór Steindórsson hana við Bjarnarfossa á
Snæfellsnesi (Steindór Steindórsson, 1956, bls. 30), en staðhátta á
vaxtarstaðnum er ekki frekar getið.
Sumarið 1951 fann ég þessa tegund fyrst í Norðfirði og hef nú
fundið liana á 7 stöðum alls í fjallinu norðan Norðfjarðar; þeir