Náttúrufræðingurinn - 1960, Page 54

220
NÁTTÚRUFRÆÐINGURINN
8. mynd. Líkan af ísaldarjökli á íslandi. Þykktarlínur sýna 1500, 1000 og 500
m þykkt. Skyggða svæðið er lega rannsóknarsvæðisins. — A model of the last
Glacial ice in Iceland. The isopachytes mark 1500, 1000 and 500 m thickness.
The research area is shaded
Þykkt ísaldarjökulsins. Margar tilraunir hafa verið gerðar til að
ákveða þykkt ísaldarjökulsins á íslandi. Ennþá eru þessar rann-
sóknir brotakenndar og árangur ósamhljóða. Ég hef ekki talið mér
fært að leita í öllum heimildum um fjöll, sem jökull hefur farið
yfir og ekki farið yfir á ísöld, og reyna þannig að finna þykkt
jökulsins. Ekki er ég lieldur neitt sérlega trúaður á, að það
bæri nokkurn árangur. Fyrst og fremst hefur jökullinn á Suður-
landi fært í kaf öll fjöll, sem nú eru jökulvana og þá voru til og
því ekki unnt að fá nema lágmarksþykkt jökulsins. En lágmarks-
þykkt hef ég lítið gagn af, því hin raunverulega þykkt getur verið
rétt aðeins, en h'ka verið nokkrum sinnum lágmarksþykktin.
Vatnajökull er nú 8400 km2 að flatarmáli og venjulegust þykkt
600—800 m en mest þykkt 1040 m (J. Eyþórsson 1951). Finnst
mér því sízt of hátt áætlað, að jökull, sem þakti ísland allt, hafi