Búnaðarrit - 01.01.1995, Page 33

Á árinu 1993 hófst undirbúningsvinna á vegum BÍ að gerð forrits fyrir
áburðaráætlanir og tók ég ásamt öðrum þátt í þeirri vinnu. Fljótlega kom sú staða
upp að fleiri valkostir gætu verið í sjónmáli. Því var frekari undirbúningi frestað
meðan aðrir kostir voru skoðaðir. í október sl. skipaði svo BÍ samráðshóp um
forritun í þágu jarðræktar og jarðræktarleiðbeininga. Samráðshópinn skipa Jón
Baldur Lorange, Ottar Geirsson, Árni Snæbjörnsson, Kristján Bj. Jónsson,
Hjörleifur Olafsson og Guðmundur Helgi Gunnarsson. Samráðshópurinn hefur
ákveðið að leggja til að BI ráðist í gerð jarðræktarforrits og er undirbúningur
hafinn.
Á liðnu ári kom út ný bók um jarðvegsfræði eftir Þorstein Guðmundsson.
Ásamt Óttari Geirssyni lagði ég talsverða vinnu í undirbúning handrits fyrir
prentun, útboð prentverksins og að fylgja ritinu eftir í gegnum prentun. Það er
Búnaðarfélag Islands sem gefur bókina út.
I apríl sat ég tveggja daga ráðstefnu um votlendi og fugla. Þar var m.a. mikið
fjallað um áhrif framræslu á lífríki votlendis og hvernig ætti að huga að þeim
atriðum í framtíðinni.
Þá sat ég ráðstefnu Landverndar um umhverfismál sveitarfélaga og var síðan
fulltrúi BI á aðalfundi samtakanna.
Á liðnu ári hefur talsverður tími farið í störf fyrir NJF-samtökin en
undirbúningur fyrir aðalráðstefnu samtakanna stendur nú sem hæst. Ráðstefnan
verður haldin í Reykjavík dagana 26.-29. júní 1995. Ég hef setið í stjórn VIII
skorar NJF og sótt þar stjórnarfundi. Einnig er ég gjaldkeri íslandsdeilar NJF. Á
sl. hausti sótti ég námskeið lil Svíþjóðar sem VIII skor stóð fyrir. Námskeiðið
fjallaði um framræslu í ljósi nýrra tíma í landbúnaði, mengun og útskolun
tengda framræslu. Þetta var bæði fróðlegl og gagnlegt námskeið og færi ég BÍ
bestu þakkir fyrir að gera mér mögulegt að sækja námskeiðið.
Hlunnindi
Æðarrœkt. Yfirleitt gekk varp vel um mest allt land sl. vor og sýnist mér að
full ástæða sé til að ætla að dúntekja haldist mjög nálægt því magni sem mest
varð í kring um 1990.
Eins og undanfarin ár ferðaðist ég talsvert sl. vor og sumar og heimsótti
æðarbændur og aðra hlunnindabændur allt frá Suðurnesjum til Reykhólasveitar.
Mér hefur fundist þetta mjög nauðsynlegur liður í því að fylgjast með aðstæðum
hvers og eins og þeim vandamálum og þeim kostum sem hverjum stað fylgja.
Vonandi kemst líka einhver fróðleikur til skila í persónulegum viðræðum við
fólk. Á þessum tíma leit varp mjög vel út, tíðarfar var varpi yfirleitt hagstætt og
flestir sluppu áfallalítið út úr baráttunni við varg þann sem herjar á æðarvörp. Þó
ber að nefna sérstaklega vanda þann sem margir eiga við að glíma varðandi
fjölgun tófu og aukna ásókn hennar í varplönd æðarfuglsins. Jafnvel svo að á
stöku stað hafa menn allt að því gefist upp. Þá var hrafnaplága býsna erfið á
31