Búnaðarrit - 01.01.1995, Page 44

Það vandamál sem upp úr stendur og verður ekki leyst á þessum grunni er
heildsöludreifing vörunnar frá framleiðendum. Það vandamál er nú að verða það
alvarlegt að ef ekkert verður að gert munu fleiri aðilar og þá jafnt þeir sem eru til-
tölulega lítið skuldsettir, sem og hinir, lenda í ógöngum sem ekki verður snúið úr.
GATT. GATT kom aftur upp á borðið eftir að ríkistjórnin hafði gert tilboð sitt
til GATT. I tilboðinu var miðað við að jafnmikill innflutningur og kom inn árið
1988 yrði á lægsta tolli (40%). Viðmiðunarár GATT almennt voru árin 1986-
1988 en vegna breytinga á tollalöggjöf hér til samræminga við EFTA/EB sem
tók gildi í ársbyrjun 1988 var árið 1988 valið.
A því ári var geysimikill innnutningur bæði á afskornum blómum og potta-
plöntum hvort sem miðað er við árin á undan eða á eftir. Reynt var að kanna hver
áhrif hinar ýmsu Ieiðir hefðu á samkeppnishæfni garðyrkjubænda.
Ráðunautafundiu: A Ráðunautafundinum sem haldinn var 8.-11. febrúar hélt
ég erindi um samskipti ráðunauta og bænda í kreppu.
Ljóst er að það þrengir verulega að hjá mörgum bændum við þær aðstæður
sem þeir búa við í dag. Auðvelda þarf ráðunautum að koma bændum til aðstoðar
á krepputímum.
Kartöflur. Að beiðni Agætis hf. leiðbeindi ég kartöflubændum við túlkun
niðurstaða úr jarðvegssýnum sem tekin voru úr görðum víðs vegar um landið.
Það var gert til að kanna hvort skortur eða ofgnótt næringarefna gæti verið
orsök lítils geymsluþols kartaflna. Áburðartilraunir eru forsenda þess að unnt sé
að leiðbeina um áburðarnotkun. Ofgnótt köfnunarefnis og kalís er þó líklegur
hluti af skýringum. Slæmt útlit kartaflna er í flestum tilfellum vegna blöðrukláða.
Mjög áríðandi er að tekið verði á gæðamálum í kartöflum ef tryggja á tilvist
kartöfluræktar hér á landi.
Á fundi með kartöflubændum í Þykkvabæ þann 10. maí kom fram eindreginn
vilji kartöflubænda til að tekið verði á þessum málum.
Blómatrips. Meindýrið, blómatrips, gerði usla í grænmetisræktun í fyrsta
sinn hér á landi í ár. Það hefur verið viðloðandi í nokkrum blómastöðvum síðan
1988 en ekki borist í grænmetisstöðvar fyrr. Vandamálið við þetta meindýr er að
það er ónæmt fyrir flestum plöntulyfjum sem eru á skrá hérlendis. Blómatrips
ásamt öðrum komnum og ókomnum skaðvöldum kemur og mun koma með inn-
fluttum plöntum og blómum. Fyrirbyggjandi ráðstafanir eru því eina lausnin
gagnvart þessum vanda. Við Sigurgeir Ólafsson plöntusjúkdómafræðingur hjá
Rala héldum fræðslufund með garðyrkjubændum í Borgarfirði þann 20. okt., á
Flúðum 26. okt., Hveragerði 27. okt. og með dreifingaraðilum 4. nóv.
Aðrir frœðslufundir. Þann I. mars fjallaði ég um varnir gegn illgresi á fundi
með garðyrkjubændum úr uppsveitum Árnessýslu. Á fundum f uppsveitum
Árnessýlsu, í Blómamiðstöðinni í Hveragerði og á haustfundi Sambands
garðyrkjubænda fjallaði ég um þær leiðir sem lágu á borðinu varðandi útfærslu
væntanlegra GATT-samninga.
42