Búnaðarrit - 01.01.1995, Side 55

sauðfjárræktin fengið ótrúlega mikilvirkt hjálpartæki. Sýnt er að með skipulegri
notkun á þessu mælitæki á að vera mögulegt að ná gríðarlega miklum árangri til
að bæta kjötsöfnunareiginleika hjá íslensku sauðfé á mjög skömmum tíma.
Öllum ætti að vera ljóst að í þeirri þröngu markaðsstöðu sem íslenska dilka-
kjötsframleiðslan er nú í má einskis láta ófreistað til að nýta slíka möguleika eins
og kostur er. Niðurstöður úr tilraunum á Hesti og úrvinnsla á fyrirliggjandi
gögnum höfðu gefið sterkar vísbendingar þar um á árinu 1993 sem allar frekari
niðurstöður hafa síðan sannreynt.
Sauðfjárrœktarnefnd tók haustið 1993 ákvörðun um að breyta formi
afkvæmasýninga í ljósi þessa. Sú ákvörðun kom það skömmu fyrir sýningar
haustið 1993 að þá fékkst ekki mikil þátttaka í hinu nýja formi. Haustið 1994
voru viðbrögð hins vegar nokkur og mun hátt á annað hundrar hrútar hafa komið
til afkvæmadóms eftir þessu nýja formi. Langsamlega mest var þátttaka í þessum
sýningum í Skagafirði. Ég hygg að það sé samdóma álit okkar sem að þessu
sýningarformi höfum komið að það beri að efla á komandi árum og þá fyrst og
fremst á kostnað sýninga á fullorðnum hrútum. Jón Baldur Lorange hefur í sam-
ráði við mig unnið hugbúnað til að auðvelda uppgjör vegna þessara sýninga þan-
nig að niðurstöður geta skilað sér strax til bænda á aðgengilegu formi.
Afkvœmarannsóknir. Afkvæmarannsóknir voru með hefðbundnu sniði hjá
mörgum þeim fjárbændum sem tekið hafa þátt í því starfi á undanförnum árum
þó að umfang þeirra sé eitthvað minna en haustið 1993. Einhverjir þeir sem áður
framkvæmdu afkvæmarannsóknir tóku nú þess í stað afkvæmadóm eftir nýja
sýningarforminu. Ég hygg að það sé nokkuð eftir aðstæðum hvaða leiðir þeir,
sem hafa verið virkir í þessu starfi, eigi að fara á næstu árum. Ég vann sjálfur að
afkvæmarannsóknum í Strandasýslu þar sem umfang þeirra var að vanda
langmest og í Eyjafirði. Á öðrum svæðum önnuðust viðkomandi héraðsráðu-
nautar framkvæmdina eða við nutum aðstoðar Stefáns Sch. Thorsteinssonar.
Þá ber einnig að geta þess að skipulegar mælingar á síðufitu og lærastigun á
föllum var eins og áður unnin í Vestur-Húnavatnssýslu af Gunnari Þórarinssyni
og í Skagafirði af Jóhannesi Ríkharðssyni og Eiríki Loftssyni. Þær niðurstöður
koma síðan til uppgjörs hér hjá BI í tengslum við skýrsluhald fjárræktarfélag-
anna. Augljós árangur af þessu starfi verður bændum á þessum svæðum gleggri
með hverju árinu sem líður.
Sauðfjársœðingarstöðvar störfuðu tvær í desember eins og verið hefur í
allmörg ár. Önnur er stöð Bsb. Suðurlands í Laugardælum en hún dreifir sæði á
búnaðarsambandssvæðinu auk Austur-Skaftafellssýslu og einnig sendi hún að
þessu sinni sæði til Vestfjarða. Hin stöðin starfaði á Möðruvöllum á vegum
búnaðarsambandanna á Norðurlandi en sú stöð er rekin þar annað hvert ár en hitt
árið starfar hún í Borgarnesi. Auk Norðurlands dreifði stöðin að þessu sinni
allmiklu sæði til Austurlands og nokkru á Vestfirði. Starfsemi stöðvanna gekk
með ágætum í vetur. Nokkur endumýjun var á hrútastofni stöðvanna. Af hyrnt-
53