Búnaðarrit - 01.01.1995, Side 94

Á árinu kenndi ég einnig bæði um kynbætur hrossa og kynbótadóma við
Búvísindadeildina á Hvanneyri. Þá aðstoðaði ég útgáfufélag Eiðfaxa ögn en þeir
hafa mikinn hug á að auka myndbandsgerð sína um kynbótadóma. I fyrra
samþykkti Búnaðarþing að styrkja þá starfsemi og sér þegar verkanna stað.
Þann 4. mars 1994 var mér boðið á Norðlenska hestadaga í Reiðhöllinni og
var það hin ágætasta sýning sem fyrr. í október kom hingað í Búnaðarfélagið
norskmenntaður búvísindamaður að nafni Davíð Jónsson og sýndi okkur í
notkun nýtt forrit frá Landbúnaðarháskólanum að Ási í Noregi til að skipuleggja
fóðrun hrossa og er það allrar athygli vert og væri gaman að reyna það á stóð-
hestastöðinni. Þann 23. nóvember sótti ég fund á Hvanneyri sem Hagþjónusta
landbúnaðarins og Búvísindadeildin stóðu fyrir og fjallaði um núverandi stöðu
og framtíð íslensks landbúnaðar. Þá var ég kallaður fyrir sem vitni í máli sem háð
var fyrir héraðsdómi Reykjavíkur, þann 16. desember. Eg sit í samninganefnd
landsráðunauta varðandi kaup og kjör og á sæti í kjararáði Félags íslenskra
náttúrufræðinga.
Hundarœktin.
Á árinu 1993 var stofnað félag eigenda og ræktenda íslenska fjárhundsins,
heitir félagið Fjári. Fljótlega hófu forsvarsmenn Fjára að leita eftir því við
Búnaðarfélag íslands að fá aðstoð Búnaðarfélagsins til að hefja skipulegar kyn-
bætur á íslenska fjárhundinum. Tóku forsvarsmenn Búnaðarfélagsins beiðni
Fjára vel eins og er ætíð gert þegar leitað er hingað eftir faglegri aðstoð til að efla
búfjárræktina í landinu. Var gerður samstarfssamningur á milli Búnaðarfélagsins
og Fjára um á hvern veg skyldi staðið að þessu kynbótaátaki. Að beiðni búnaðar-
málastjóra tók ég að mér að vera fagráðunautur í hundaræktinni. Var þegar
hafist handa við að undirbúa gerð á tölvuforriti til að halda utan um skýrsluhald
í hundarækt og skrá niðurstöður mælinga og dóma. Hönnuð voru og prentuð
grunnskráningarblöð fyrir hunda, dómblöð og upprunavottorð, skráning hafin og
lögð drög að dómkvarða. Öllum verkum beindi ég í farveg hliðstæðan þeim sem
ég hafði áður mótað í hrossaræktinni. Til að halda utan um starfsemina að þes-
sum málum, sérstaklega þeim er lúta að dómunum, var skipuð þriggja manna
nefnd. Auk mín sitja í nefndinni Jóhanna Harðardóttir formaður Fjára og
Bemharð Laxdal dýralæknir sem yfirdýralæknir fékk til starfa í nefndinni að
beiðni Fjára.
Þetta átak til eflingar á ræktun íslenska fjárhundsins var kynnt á blaðaman-
nafundi þann 20. apríl og kom stutt viðtal við mig um hundaræktina í kvöldfrétt-
um Ríkisútvarpsins þann dag.
Þann 26. ágúst efndi Búnaðarfélag íslands og Fjári til ráðstefnu um hunda-
rækt, sem fram fór í Bændahöllinni, og mættu á milli 20 og 30 manns. Við
Jóhanna Harðardóttir skipulögðum ráðstefnuna og flutti ég þar erindi um kyn-
bótafræðilegar forsendur ræktunarlegs átaks í hundarækt.
92