Búnaðarrit - 01.01.1995, Side 101

er að taka fram að ég hef ávallt verið reiðubúinn að framkvæma afkvæma-
rannsóknir og kjötrannsóknir hjá þeim svínabændum sem þess hafa óskað.
A árunum 1980-1984 vann ég við að koma á skipulögðu skýrsluhaldi og
fyrstu skipulögðu afkvæmarannsóknum og kjötrannsóknum í svínarækt hér á
landi á svínabúi Kristins Sveinssonar að Hamri, Mosfellssveit. Alls voru mældir
og rannsakaðir 7993 sláturgrísir. Með tilkomu skýrsluhaldsins og niðurstaðna
afkvæmarannsóknarinnar var fyrst hægt að leggja mat á það hvernig íslenski
svínastofninn var miðað við svínastofna í nágrannalöndunum.
A árunum 1984-1988 mældi ég 2-3 þúsund sláturgrísi í sláturhúsum víðs
vegar um land og sendi viðkomandi svínabændum niðurstöður þessara mælinga.
Aðaláherslan var lögð á að minnka fitusöfnun sláturgrísanna, en það er tiltölu-
lega auðvelt, þar sem arfgengi fitumála er ntjög hátt eða 0,50-0,60. Óhætt er að
fullyrða að mikill árangur hafi náðst með þessum mælingum því að í stað þess
að heyra neytendur kvarta um að íslenska svínakjötið væri of feitt miðað við
svínakjöt erlendis var æ algengara að heyra neytendur fullyrða að íslenska svína-
kjötið væri síst of feitt og jafnvel bragðbetra en svínakjöt erlendis.
A árunum 1989-1993 vann ég að afkvæmarannsóknum og kjötrannsóknum á 9
svínabúum sem voru með viðunandi skýrsluhald. Alls voru mældir og rannsakaðir
4634 sláturgrísir á þessum árum. Aðalmarkmið þessara afkvæmarannsókna og kjö-
trannsókna var að auka vaxtarhraða og fallþunga sláturgrísa með ströngu úrvali
ásetningsdýra þannig að vaxtarhraði, fallþungi og fitusöfnun þeirra yrði svipaður og
lijá svínabændum á Norðurlöndum. Með öðrum orðum að fínna kynbótadýr sem
ættu afkvæmi sem næðu 90-100 kg þyngd á 170-180 dögum og væru með hæfile-
ga fitu á bóg og hrygg. Þegar búið er að fá fram slík kynbótadýr, á að vera auðvelt
fyrir færustu og duglegustu svínabændur að lækka framleiðslukostnaðinn og korna
þannig til móts við kröfur neytenda um gott svínakjöt á viðráðanlegu verði.
Þessu áðurnefnda markmiði hafa áhugasömustu og duglegustu svínabænd-
urnir sem nota sér niðurstöður afkvæmarannsókna og skýrsluhalds náð nú þegar.
Svínaslátrun 1993 (Fjölrit Rcila nr. 170).
Eins og undanfarin ár eða allt frá árinu 1983 gerði ég skýrslu um svína-
slátrunina á liðnu ári. Skýrsla þessi er byggð á gögnum frá Framleiðsluráði land-
búnaðarins og skýrslum sláturleyfishafa. I skýrslunni eru upplýsingar um fjölda
slátraðra svína, magn svínakjötsframleiðslunnar hjá hinum ýmsu sláturleyfishö-
fum, niðurstöður kjötmats, óseldar birgðir, o. s. frv.
Framleiðsluspá fyrir árið 1994 (Fjölrit Rala nr. 170).
Á sama hátt gerði ég sem áður framleiðsluspá fyrir árið 1994.
Ekki þarf mikið að fjölyrða um hversu gagnlegt það er fyrir svínabændur að
nokkurn veginn sé vitað, um hver áramót, hve mikil svínakjötsframleiðslan
verður á komandi ári.
99