Búnaðarrit - 01.01.1995, Page 109

sveit, í ágústlok. Var ákveðið að vera í samstarfi við Upplýsingaþjónustu land-
búnaðarins um sýningarsvæði. Ráðinn var útstillingahönnuðurinn Sólveig B.
Agústsdóttir til að hanna sýningarsvæðið og setja upp kynninguna. Vil ég hér með
þakka henni og Agústi Guðmundssyni, sem sá um allar smíðar og aðstoðaði við
uppsetningu, fyrir mjög gott og fagmannlegt starf. Arangurinn var stórglæsileg
kynning á leiðbeiningaþjónustunni og ekki síður kynningarefni og sýningarkerfi
sem hægt er að nota aftur og aftur við kynningar á starfsemi félagsins og
leiðbeiningaþjónustunnar. Kerfið hefur þegar verið notað aftur af Ferðaþjónustu
bænda á ferðasýningu sem haldin var í Hafnarfirði sl. haust. Við gerð kynningar-
efnisins var m.a. stuðst við þá vinnu sem ég hafði áður unnið á árinu.
Landsráðunautarnir Jón Viðar Jónmundsson, Ketill A. Hannesson Magnús
Sigsteinsson, Margrét Jóhannsdóttir, Jón B. Lorange og undirritaður skiptust á að
vera á sýningarstaðnum. Vegna þessarar sýningar var ég í Eyjafirði síðari hluta
ágústmánuðar.
Var þetta stórgóð sýning með gestum alstaðar að af landinu og greinilegt á
öllum að tími var kominn fyrir sýningu eins og þessa. Vil ég hér með þakka þeim
framtakssömu einstaklingum sem gengust fyrir þessari sýningu kærlega fyrir
framtakið og ánægjulegl og gott samstarf.
I tengslum við sýninguna var gerður nýr kynningarbæklingur, fjórblöðungur,
um Búnaðarfélagið og leiðbeiningaþjónustuna. Sýningarnefndin fól þeim
Margréti Jóhannsdóttur og Jóni B. Lorange umsjón með þessu verki og kann ég
þeim bestu þakkir fyrir.
Eg hygg að kynningar- og sýningarstarf eins og hér hefur verið lýst þar sem
lögð er áhersla að kynna nokkra helstu þætti í starfsemi félagsins og
leiðbeiningaþjónustunnar í landbúnaði sé nokkurt nýmæli í starfi félagsins og
hafa ýmsir sagt að meira hefði mátt gera af því á undanförnum árum. Það verður
þó alltaf álitaefni og eitt er víst að ekki er allir á eitt sáttir í þessum efnum.
Eg hafði nokkra reynslu af kynningar- og markaðsstarfi áður en ég tók að mér
þessi verkefni en hafði ekki haft tækifæri áður að setja mig inn í hin ýmsu starfs-
svið félagsins og annarra ráðunauta. Var það mjög fróðlegt að fá að kynnast
ólíkum starfsvettvöngum starfsfélaga minna og því mikla og fagmannlega starfi
sem þeir vinna hver og einn. Vil ég hér með þakka þeim sérstaklega fyrir
ánægjulegt samstarf í þessum verkefnum sem og öðrum störfum.
Að lokum vil ég þakka stjórn Búnaðarfélags íslands og öllum samstarfs-
mönnum, bæði innan félagsins og einnig þeim sem starfa hjá ýmsum stofnunum,
sem ég hef haft samskipti við á árinu, fyrir gott og ánægjulegt samstarf á árinu.
FISKELDI ÁRIÐ 1994.
Eins og fyrr eru upplýsingar þær sem hér eru birtar fengnar frá Veiði-
málastofnun að langmestu leyti. Það skal tekið fram að þessar tölur eru grófar
107