Búnaðarrit - 01.01.1995, Qupperneq 143

Annað. í svínarcektinni og loðdýrarcekinni var nokkurt umrót. Pétur
Sigtryggsson svínaræktarráðunautur er kominn með aðsetur hjá BI og ákveðið
hefur verið að bjóða svínabændum upp á skýrsluhaldsþjónustu. Svínaræktarfélag
íslands hefur látið semja íburðarmikið tölvuforrit fyrir skýrsluhald í greininni og
hefur BI óskað eftir að nota forritið við skráningu og uppgjör á skýrsluhaldi þeir-
ra bænda sem þess óska. Ég kynnti mér forritið og kemur lölvudeildin til með að
skrá skýrsluhaldsgögnin. Ég hefi falið Valdimari Tryggvasyni að hafa umsjón
með málinu fyrir hönd tölvudeildar og vera Pétri innan handar í tæknimálum.
í loðdýrarcektinni hefur kynbótanefndin, ásamt Arvid Kro loðdýraræktar-
ráðunauti, ákveðið að taka til prófunar forritið DanMink frá Dansk
Pelsdyravlerforening. Eintök af forritinu bárust í haust. Hingað kom einnig Dani
sem við í tölvudeild fengum til að sýna okkur virkni forritsins. Til þess að forrit-
ið megi nýtast þeim loðdýrabændum sem hafa verið þátttakendur í skýrsluhaldi
BI í greininni er nauðsynlegt að unnt sé að lesa inn eldri gögn úr skýrsluhaldi
okkar inn í DanMink forritið. Dönsku aðilarnir hafa verið að skoða þennan þátt
en m.a. vegna mikilla anna þeirra úti hefur ntálið tafist.
í upphafi ársins skipaði búnaðarmálastjóri nefnd sem var ætlað að útbúa efni
til kynningar á Búnaðarfélaginu og starfsemi þess. Mér var falið að leiða hópinn
en aðrir í honum voru Óskar ísfeld og Ólafur R. Dýrmundsson. Nefndin samdi
kynningarefni sem sett var upp af Óskari á áhrifaríkar skyggnur. Landbúnaðar-
og fjárhagsnefnd Alþingis og búnaðarþingsfulltrúum var síðan boðið á kynningu
þar sem þetta kynningarefni var notað.
Að síðustu. Eins og vonandi hefur komið fram í starfsskýrslu minni var árið
starfssamt og árangursríkt. Afraksturinn af því uppbyggingarstarfi sem unnið
hefur verið að í tölvumálum félagsins undanfarin þrjú ár fór að skila sér einkum
til bænda og búnaðarsambanda. Það eru vissulega tímamót þegar slíkt gerist og
hvati til frekari dáða. Ég vil þakka öllurn þeim sem ég hefi átt ánægjulegt og
giftusamt samstarf við á árinu. Það er von mín til hinna nýju bændasamtaka að
þeim megi auðnast að bæta hag bændastéttarinnar og finna samhljóm með fólk-
inu í landinu.
Ritaskrá:
Forrit fyrir hrossaræktendur. Freyr 1994; 90(12):463.
Forritið sem sauðfjárbændur hafa bcðið eftir. Freyr 1994; 90( 17):584-5.
Tíðindi af tölvumálum. Freyr 1994: 90(19):712.
Tíðindi af tölvumálum. Freyr 1994; 90(22):861.
Bændur tölvuvæðast. Hatulbók bœnda 1995; 45(óbirl).
141