Sveitarstjórnarmál - 01.09.1995, Page 9
AFMÆLI
Þarfir nemendanna eiga að vera
í fyrirrúmi
Páll Pétursson félagsmálaráðherra
Ávarp flutt í Háskólabíói 11. júní 1995
Samband íslenskra sveitarfélaga
hefur starfað í 50 ár og reynslan
sýnir að það gegnir veigamiklu
hlutverki sem sameiginlegur vett-
vangur sveitarstjómarmanna inn-
byrðis og sem samskiptaaðili við
ríkisvaldið. Sveitarfélögin em einn
mikilvægasti þáttur stjómsýslunn-
ar. Akvarðanir sveitarstjóma skapa
fjölmarga þætti sem snerta hið
daglega líf borgaranna. Sveitar-
stjómarmenn em kjömir til þess að
sjá um sameiginlegar framkvæmd-
ir og þjónustu í sveitarfélaginu.
Þeim ber að sjá til þess svo sem
kringumstæður leyfa að velsæld og
velferð íbúa sveitarfélagsins sé
sem mest. Þeir eiga að hafa skil-
yrði til þess að þekkja best þarfir
og óskir íbúanna og að ráða fram úr viðfangsefnum
sveitarfélagsins á farsælan hátt. Þess vegna fylgir því
mikil ábyrgð að sitja í sveitarstjóm.
Sveitarstjómarmenn em yfirleitt stórhuga og vilja taka
við verkefnum af ríkinu. Það er æskilegt þar sem sveitar-
stjóm veit oft betur en ríkisvaldið hvað hentar á hverjum
stað. Sveitarstjórn þarf auðvitað að hafa fjárráð til að
annast verkefnin á sómasamlegan hátt en hún á að hafa
kunnugleika til þess að verja fjármunum af hagsýni.
Næsta stóra verkefnið sem sveitarfélögin taka við af
ríkinu er grunnskólinn. Mikið og vandasamt verk er
óunnið varðandi yfirtökuna og því þarf að hraða svo sem
kostur er.
Mismunandi stærð og bolmagn sveitarfélaganna gerir
verkefnið flóknara en ella en þó hvergi óleysanlegt ef fé-
lagsþroski er fyrir hendi. Miklu varðar að sveitarstjómir
hafi metnað og framsýni til þess að standa sem myndar-
legast að grunnskólanum. Framtíð þjóðarinnar veltur
mjög á því að menntun sé sem best og þar er gmnnskól-
inn mikilvægur þáttur. Gmnnskólinn er til vegna nem-
endanna og þeirra þarfir eiga að vera í fyrirrúmi.
Miklar framkvæmdir hafa verið
á vegum sveitarfélaganna á undan-
förnum áratugum. Mikið er þó
óunnið. Eg nefni sérstaklega um-
hverfismál en á síðustu ámm hafa
augu manna opnast fyrir því hve
dýrmætt hreint og ómengað um-
hverfi er. Við erum hamingjusöm
þjóð, Islendingar, að eiga þetta
góða land og okkur ber skylda til
að ganga vel um það.
Tilraunin með reynslusveitarfé-
lög er að hefjast. Fróðlegt verður
að fylgjast með þróun mála þar og
lærdómar verða af þeim dregnir í
framtíðinni. A næstu árum þurfa
ríki og sveitarfélög að vinna náið
saman að mörgum málum. Eg tel
að baráttuna gegn atvinnuleysinu
beri þar einna hæst. Við megum aldrei sætta okkur við að
vinnufúsar hendur hafi ekki verkefni og samræmdar að-
gerðir ríkis og sveitarfélaga era líklegri til að skila ár-
angri en að hver sé að bauka í sínu homi.
I húsnæðismálum er samvinnu þörf og í jafnréttismál-
um er mjög brýnt að samhæfa aðgerðir.
Samband íslenskra sveitarfélaga gegnir Iykilhlutverki í
samskiptum sveitarfélaga og ríkisins. Væri það ekki við
lýði væri flutningur stórverkefna frá riki til sveitarfélag-
anna mjög torveldur. Það var mikið heillaspor þegar sam-
bandið var stofnað. Þar sannast sem annars staðar gildi
samvinnu og samhjálpar. Margir smáir geta orðið öflugir
með samstöðu og samtakamætti.
Við stöndum í þakkarskuld við frumherjana og einnig
þá sem hafa verið í framvarðarsveit allar götur síðan.
Ég vænti góðrar samvinnu ríkisstjómarinnar og Sam-
bands íslenskra sveitarfélaga. Þar þarf að ríkja gagn-
kvæmt traust. Ég vil á þessum tímamótum árna Sam-
bandi íslenskra sveitarfélaga allra heilla, þakka því góð
störf á undangengnum 5 áratugum og óska því farsældar í
framtíðinni.
1 35