Frjáls verslun - 01.03.2005, Blaðsíða 15

F R J Á L S V E R S L U N • 3 . T B L . 2 0 0 5 15
BESTA RÁÐIÐ
SEM ÞÚ HEFUR FENGIÐ
Sigurður Helgason,
fráfarandi forstjóri
FL-Group.
Stjórnað án leyndarmála
„Ég fann best þegar ég var í háskólanámi, fyrst á Íslandi og
síðar í Bandaríkjunum, hvað fólk hér heima og vestra er gjör ólíkt.
Samanburðurinn er eins og svart og hvítt. Íslendingar eru frekar
lokaðir en Bandaríkjamenn opnir. Konan mín, Peggy Helgason,
sem er bandarísk, ráðlagði mér að vera opinn í mannlegum
samskiptum; slíkt væri lykillinn
að góðum árangri í viðskiptum og
stjórnun. Að það borgaði sig að
leggja sig fram um að kynnast því
fólki sem maður ætti samskipti við.
Þessi ráð hafa dugað mér vel. Áður,
þegar Flugleiðir voru minna fyrir-
tæki, þekkti ég meginþorra starfsmanna með nafni og jafnvel ein-
hver deili á þeim. Íslendingar kunna alltaf að meta slíkt, saman-
ber þann mikla ættfræðiáhuga sem lifir með þjóðinni. Ég hef líka
kostað kapps að kalla sem flesta til við stjórnun fyrirtækisins,
vera ekki með nein leyndarmál og að fólk geti alltaf talað við
mig um þau mál sem eru í brennidepli. Dyrnar á skrifstofunni
minni standa opnar, sem samstarfsfólk mitt kann vel að meta.“
„Ráðlagði mér
að vera opinn
í mannlegum
samskiptum.“
SIGURÐUR HELGASON
GÓÐRA
MANNA
RÁÐ