Frjáls verslun - 01.03.2005, Blaðsíða 16
FORSÍÐUGREIN
16 F R J Á L S V E R S L U N • 3 . T B L . 2 0 0 5
Eyðslan éti
ekki hagnaðinn
„Ég hef verið svo lánsamur í lífinu að hafa notið þess að eiga góða
vini sem hafa lagt mér lífsreglur sem hafa komið sér vel. Það yrði allt
of langt að rekja það allt hér en ég skal nefna tvö dæmi. Eitt heil-
ræði sem ég hef ætíð farið eftir er frá vini mínum Björgvini heitnum
Vilmundarsyni, fyrrum bankastjóra
Landsbankans, sem sagði eitt sinn
þegar fyrirtækið var í tímabundnum
rekstrarvanda og hann hafði greitt
götu mína: „Jón minn, passaðu þig
alltaf á að fara ekki fram af bjargbrún-
inni.“ Ég hef gætt þess síðan. Eitt sinn
spurði ég Þorvald á Hótel Holti, sem
líka er látinn, hvernig hægt væri að reka veitingahús með hagnaði.
Hann svaraði: „Að vera ætíð hálfur ofan í ruslatunnunni.“ Mér þótti
svarið vont og hváði. Þorvaldur sagði: „Þú verður að passa nýtinguna
á hráefninu, annars fer hagnaðurinn á haugana.“ Ég hef ætíð gætt
þess að óþarfa eyðsla éti ekki hagnaðinn.“
Jón Hákon Magnússon, framkvæmdastjóri Kynningar og markaðs.
„Passaðu þig
alltaf á að fara
ekki fram af
bjargbrúninni.“
Komdu hreint fram
„Ég man ekki eftir því að hafa fengið nein ráð frá öðrum í mínum
rekstri, önnur en þau að vera heiðarleg og koma hreint fram í
öllum samskiptum. Slíkt er gott ráð fyrir alla og það hef ég ein-
dregið lagt mig fram um í mínu starfi sem kaupkona í 35 ár.
Áhugi og vinnusemi, ásamt þekkingu á starfinu, skiptir öllu máli
til þess að ná árangri í viðskiptum. Ég er svo lánsöm að hlakka
nánast alltaf til þess að fara í vinnuna á morgnana og að sjálf-
sögðu hlýtur slíkt að skila sér á móti til viðskiptavinanna. Ef þú
brosir framan í veröldina færðu bros á móti. Það skiptir líka máli
að mæta til vinnu og sýna ákveðna ögun, skilja vandamálin eftir
heima og bera ekki allar byrðar heimsins á bakinu. Í starfinu hér
í versluninni kemur margt upp í dagsins önn sem þarf að taka á
og þá hefur maður á langri reynslu
að byggja - sem einhvers staðar
segir að sé á stundum dýrmætasti
skólinn.“
Erla Vilhjálmsdóttir,
framkvæmdastjóri
Tékk-kristals.
„Áhugi og
vinnusemi, ásamt
þekkingu á starfinu,
skiptir öllu máli.“
JÓN HÁKON MAGNÚSSON
ERLA VILHJÁLMSDÓTTIR