Frjáls verslun - 01.03.2005, Blaðsíða 24
FORSÍÐUGREIN
24 F R J Á L S V E R S L U N • 3 . T B L . 2 0 0 5
Framtíðin veltur á þér
„Framtíðin veltur á mörgu en fyrst og fremst á þér. Þetta var boð-
skapurinn sem ég fékk beint í æð fyrir svona 18 árum þegar ég
var að stíga mín fyrstu spor í stjórnun. Þá vann ég hjá þeim Páli
Stefánssyni, Sveini R. Eyjólfssyni og
Herði Einarssyni á DV. Svona eftir á
að hyggja skil ég ekki í þeim félögum
að hafa treyst mér fyrir því sem mér
var falið, gjörsamlega blautri á bak við
eyrun. Þeir sáu eitthvað í mér sem mér
sjálfri var hulið en síðan þá hef ég reynt
að tileinka mér þennan hugsunarhátt, sem ég nefndi, í hverju því
sem ég tek mér fyrir hendur. Þetta viðhorf þýðir að maður gerir ekki
óraunhæfar væntingar til annarra. Getur ekki kennt öðrum um ófarir
sínar eða væntir þess að hlutirnir falli manni sjálfkrafa í skaut. Því
verður maður síður fyrir vonbrigðum ef hlutirnir fara ekki eins og
vænst hefur verið. Maður kann betur að meta allt það góða sem á
fjörur manns rekur í lífinu.“
Rétti tíminn kemur
með ákvörðun
„Agi, virðing og gæði var vegnesti mitt úr foreldrahúsum. Agaðu
sjálfan þig til að gera ávallt meiri kröfur til þín sjálfs en til annarra.
Slíkt leyfir þér að gera miklar kröfur sem aðrir munu virða. Berðu
virðingu fyrir öðru fólki, tíma þess og skoðunum. Þannig byggir þú
upp virðingu fyrir því sem þú þarft að
biðja um. Passaðu að allt sem þú gerir
sé þess eðlis að þú hafir ávallt reynt að
gera þitt besta, það verður til þess að
þér verður treyst.
Bíddu þar til svarið kemur til þín, er
annað atriði sem ég hef haft að leiðarljósi. Ég hef átt það til að
vilja ljúka hlutum af til að geta snúið mér að næsta verkefni. Hef
þess vegna stundum viljað taka ákvörðun aðeins til að geta lokið
einhverju máli og byrjað á næsta verkefni. Eiginkona mín, Sólveig
Magnúsdóttir, sem er læknir, sagði eitt sinn við mig: „Ekki reyna
að taka rétta ákvörðun, þú veist hvað
er rétt þegar rétti tíminn kemur
til að taka ákvörðunina.“ Hún
sagði mér að samtöl hennar við
sjúklinga sem stæðu frammi fyrir
vandamálum sem virtust óyfir-
stíganleg hefðu kennt henni að
til er lausn á öllu, þó hún sé
ekki alltaf augljós við
fyrstu sýn.“
SVAFA GRÖNFELDT
BOGI PÁLSSON
Bogi Pálsson,
stjórnarfor-
maður Flögu
Group.
Svafa Grönfeldt, framkvæmdastjóri stjórnunarsviðs
Actavis Group.
„Agi, virðing
og gæði var
veganesti mitt úr
foreldrahúsum.“
„Kann betur
að meta allt
það góða sem
á fjörur manns
rekur í lífinu.“