Frjáls verslun - 01.03.2005, Blaðsíða 86
86 F R J Á L S V E R S L U N • 3 . T B L . 2 0 0 5
ÚR EINU Í ANNAÐ
Kaupmannahöfn er uppáhalds-
borg Svövu Liv Edgarsdóttur,
framkvæmdastjóra Kornax. Hún
nefnir að borgin sé gömul en að
sama skapi sé þar margt nýtt og
nútímalegt að finna. Í því sam-
bandi nefnir hún að Danir séu
framarlega í hönnun.
,,Þegar ég er í
Kaupmannahöfn fer ég alltaf í
Nýhöfn og fæ mér smørrebrød og
á Strikið sem mér finnst vera ein
skemmtilegasta verslunargatan í
þeim borgum sem ég hef komið
til. Í Oxford Street í London er
t.d. of mikil mengun og hávaði
að mínu mati en það er rólegra
andrúmsloft á Strikinu – enda
umferð ekki leyfð.
Þá er nauðsynlegt að koma
við á slóðum Fjölnismanna á
Hvids Vinstue, sem er í kjallara
við Kongens Nytorv, og fá sér
eina kollu. Ekki er verra að ná
sæti undir myndinni af Jónasi
Hallgrímssyni.
Það eru margir góðir veitinga-
staðir í Kaupmannahöfn. Um
daginn borðaði ég á stað sem
heitir Konrad og hef ég varla
borðað betri mat. Um miðnætti
breytist staðurinn skyndilega í
fjörugan næturklúbb.“
Þegar Svava er beðin um að
lýsa Kaupmannahöfn í nokkrum
orðum segir hún:
,,Þar er hár standard á þjón-
ustu og mat og viðmót Dana er
gott, þeir eru opnir og skemmti-
legir. Þarna ríkir svolítið frjáls-
ræði.“
Uppáhaldsborgin:
KÓNGSINS KÖBEN
,,Þegar ég er í Kaupmannahöfn
fer ég alltaf í Nýhöfn og fæ mér
smørrebrød.“
,,Vegna starfsins er fataval mitt
oft frekar sígilt,“ segir Sigríður
Olgeirsdóttir, framkvæmdastjóri
Ax hugbúnaðarhúss. ,,Ég geng
þó ekki í gráum jakkafötum eins
og karlarnir heldur nýt þess að
vera kona og geta valið úr miklu
meira úrvali. Stundum vel ég
viljandi sterka liti eins og rautt
til að greina mig frá körlunum
sem eru enn í miklum meirihluta
í minni atvinnugrein.“
,,Vegna starfsins
er fataval mitt oft
frekar sígilt.“
Stíll framkvæmdastjórans:
FATNAÐUR SKAPAR
ÁKVEÐNA ÍMYND
Sigríður segir að hún gangi
mikið í jökkum en er gjarnan
í bolum og blússum í sterkum
litum eins og gulum og rauðum
– eins og þegar hefur komið
fram.
,,Ég vel t.d. flottar stakar
buxur og stígvél við jakkana.
Fatnaður er hluti af ímynd og ég
tel nauðsynlegt að vera í fötum
sem hæfa starfi mínu sem
framkvæmdastjóri Ax. Ég er
andlit fyrirtækisins út á við og
með fatnaði og framkomu
skapa ég ákveðna ímynd
bæði af fyrirtækinu og
mér sem stjórnanda
þess.“