Frjáls verslun - 01.03.2005, Blaðsíða 85
F R J Á L S V E R S L U N • 3 . T B L . 2 0 0 5 85
Það var slegið á létta strengi í Frjálsri verslun
fyrir aldarfjórðungi. Þá var að finna brandara
– af hinum ýmsu gerðum – í tölublöðunum.
Hér er einn góður:
Vinnuþjarkurinn hafði unnið fyrir sama fyrirtækið
í áratug. Aldrei komið of seint, aldrei verið fjar-
verandi, aldrei kvartað. En morgun einn kom
hann inn á skrifstofuna plástraður, blár og bólg-
inn, fötin rifin og tætt, handleggurinn í gipsi.
,,Hvers vegna kemur þú svona seint?“ spurði
skrifstofustjórinn.
,,Ég varð fyrir strætó, þegar ég var að fara hérna
yfir götuna og dróst með honum fjóra, fimm
metra,“ stundi aumingjans starfsmaðurinn.
Frjáls verslun fyrir 25 árum
Líkamsrækt:
ERFIÐARA AÐ
KOMA MANNI
ÚR JAFNVÆGI
Inga Lára Hauksdóttir, fjár-
mála- og starfsmannastjóri Anza,
stundar líkamsrækt í World
Class þrisvar sinnum í viku.
Tvisvar sinnum í viku mætir hún
klukkan hálfátta og hún mætir í
hádeginu einu sinni í viku.
,,Ég hef stundað líkamsrækt
með hléum í um tuttugu ár.
Upphaflega byrjaði ég í líkams-
rækt til að halda mér í formi og
vegna úthalds og þreks. Ég finn
mun á mér þegar ég er ekki að
æfa. Ég afkasta meiru þegar ég
er í æfingu, úthaldið er meira
auk þess sem ég verð jákvæðari.
Það verður allt miklu einfaldara.
Það er erfiðara að koma manni
úr jafnvægi. Þetta gefur mér
jafnaðargeð. Það er ennþá mikil-
vægara að stunda líkamsrækt
eftir því sem maður eldist.“
Inga Lára stundaði MBA-nám
við Háskólann í Reykjavík og
útskrifaðist í fyrravor. Þá sat
líkamsræktin á hakanum en
hún var þá í fullri vinnu og með
fjölskyldu. ,,Þá fór ég oft í um
hálftíma göngutúra eftir vinnu og
áður en ég byrjaði að læra auk
þess sem ég fór í göngutúra á
morgnana um helgar.“
,,Ég hef stundað líkamsrækt með hléum í um tuttugu ár.“
Í versluninni Gegnum
glerið er til mikið úrval af
húsgögnum, ljósum og
gjafavörum. Þar er gaman
að kíkja á frábæra hönnun
– hvort sem um er að ræða
smáhluti eða húsgögn.
Tom Dixon, sem er sjálf-
menntaður hönnuður, hann-
aði þennan stól, S-Chair,
árið 1991 og er hann fram-
leiddur hjá ítalska fyrirtækinu
Cappellini. Í Gegnum glerið
fengust þær upplýsingar
að stólinn sé hægt að fá úr
stráum, reyr, kálfskinni, leðri
eða áklæði. Stóllinn er þægi-
legur, sessan er breið og
góður stuðningur er við mjó-
bakið. Stóllinn nýtur sín frá
öllum sjónarhornum.
Þetta er í rauninni
skúlptúr til að tylla sér á.
Hönnun:
SKÚLPTÚR TIL
AÐ TYLLA SÉR Á
Tom Dixon hannaði stólinn,
S-Chair, sem er framleiddur
hjá Cappellini.
,,Ætlarðu að segja mér,“ hélt skrifstofustjórinn
áfram, ,,að þetta hafi tekið hálfan annan klukku-
tíma?“