Félagsbréf - 01.05.1959, Blaðsíða 10

8
PÉLAGSBRÉP
En mundi ekki einmitt þessi stefna hæfa hér á íslandi? Hér
er allur meiriháttar rekstur aö komast í hendur ríkis- og bæjar-
félaga eða þá sambands samvinnufélaganna. Ýmsir segja þjóð-
nýtinguna alltof mikla, aðrir samvinnufélögin of sterk eða
heildarsamtök þeirra. Margir halda því fram, að hvort tveggja
keyri úr hófi, en langflestir eru þó sammála um, að ekki megi
efla hér fáa milljónera. Ljóst er svo, að rikis- og bæjarfyrirtækin
heyra beint undir stjórnmálamennina. Þá er því haldið fram,
að samvinnufélögin lúti 'pólitískri stjórn og víst er um það, að
einn stjórnmálaflokkur á þar mikil ítök. Lo.ks er álitið, að þau
einkafyrirtæki, sem einhvers mega sín, verði að leita til stjórn-
málamanna. En ef menn vilja ekki meiri þjóðnýtingu, ekki sterk-
ari heildarsamtök samvinnumanna og ekki fáa milljónera, hvem-
ig á þá að byggja upp þann stórrekstur, sem íslandi er nauðsyn-
legur ?
. .Liggur ekki beinast við, að hann sé byggður upp af fjöldanum,
mörgum einstaklingum, sem leggja fé sitt fram í von um hagnað
og stjórna fyrirtækjunum á hinn hagkvæmasta hátt án stjórn-
málalegra duttlunga? Er ekki líklegt, að margir efnalega sjálf-
stæðir einstaklingar — óháður almenningur — sé bezta trygg-
ingin fyrir lýðræði á íslandi?