Morgunblaðið - 08.03.1985, Qupperneq 27

MORGUNBLAÐIÐ, FÖSTUDAGUR 8. MARZ 1985
27
Áfram barist á
móti lokun náma
Shemeld, Enghndi, 7. m»ra. AP.
FORYSTUMENN breskra náma-
manna hétu því í dag að berjast
áfram gegn lokun náma þótt ákveðið
hefði verið að hætta verkfallinu. Að-
eins 4% námamanna hafa enn ekki
komið til vinnu á ný.
Á fundi framkvæmdanefndar
námamannasambandsins var
ákveðið að vinna áfram gegn lok-
un náma og krefjast samninga við
ríkiskolafélagið um það mál. Var
þetta fyrsti fundurinn eftir að
verkfalli lauk en illa þykir nú
komið fyrir sambandinu, sem einu
sinni var öflugasta í Bretlandi.
Eru ekki síst fjármálin í miklum
ólestri enda lögðu dómstólar hald
á sjóði þess að hluta þegar Scarg-
ill, formaður sambandsins, sinnti í
engu dómskvaðningu.
Langflestir námamenn eru nú
komnir aftur til vinnu sinnar og í
dag var unnið við allar námur i
Skotlandi.
Fyrsta fegurðarsam-
keppnin frá byltingu
Peking, 6. mara. AP.
Æskulýðsfylking kínverska
kommúnistaflokksins mun í kvöld
efna til fyrstu fegurðarsamkeppn-
innar, sem haldin hefur verið, síð-
an kommúnisma var komið á i
landinu fyrir 36 árum. Þykir þetta
vottur um frjálslyndari afstöðu yf-
irvalda til fyrirbæris, sem eitt sinn
var talið til „borgaralegrar úrkynj-
unar“.
Tíu karlar og tíu konur munu
spóka sig i tískufötum, syngja,
dansa, leika á hljóðfæri, lesa ljóð
og svara spurningum tíu manna
dómnefndar í glæsisal í hinu
íburðarmikla Hótel Kína i Kant-
on í Suður-Kína. Viðstaddir
verða 800 áhorfendur.
„Keppendur geta klæðst að
vild, nema hvað bannað er að
vera i sundskýlum eða bikini-
baðfötum," sagði Lisa Sheung,
blaðafulltrúi hótelsins.
Á mánudag tilkynnti utanrík-
ismálaskrifstofa Quangdong-
héraðs, að aðeins kínverskum
fjölmiðlum yrði leyft að sækja
samkomuna.
Keppendur eru á aldrinum 21
til 28 ára, allir frá Kanton-
svæðinu. Sigurvegararnir munu
hljóta verðlaunagripi og „nokkra
minjagripi“, að sögn Lisu She-
ung, en enga peninga eða önnur
verðmæti.
KOMSTEINAF
Lögregluþjónar í víkingasveit lögreglunnar í Los Angeles með 2ja mán-
aða stúlkubarn í fangi sér. Barninu var bjargaö úr húsi í Watts-hverfinu
eftir hildarleik. Allt bendir til að heimilisfaðirinn hafi útkljáð illdeilur á
heimilinu með því að myrða konu sína og móður stúlkubarnsins og
framið síðan sjálfsmorð. Er lögregluþjónarnir réðust inn í húsið eftir
þriggja stunda umsátur fundu þeir aðeins kornabarnið lifandi.
Brasilía:
Sprenging í verk-
smiðju drap tíu
Rio de Janeiro, 6. mars. AP.
Hnetuhýðingarverksmiðja í borg-
inni Fortaleza sprakk í loft upp í
kjölfariö á mikilli sprengingu í suðu-
geymi i dag. Eldur læsti sig um allt
og hver sprengingin rak síðan aðra.
Sú fyrsta var þó langsamlega öflug-
ust og þá létust flestir hinna 10
manna sem biðu bana. 45 til viðbót-
ar slösuðust, sumir allmikið.
„Þetta var hræðilegt, glóandi
málmflísar þeyttust í allar áttir,
allt að 15 metra, þetta varð á
svipstundu að einum allsherjar
vítisloga," var haft eftir verk-
smiðjustarfsmanni sem slapp
naumlega með minni háttar
brunasár. Slökkviliðsmenn sögðu
8 hinna látnu hafa verið verk-
smiðjustarfsmenn, en hinir tveir
voru fasteignasalar sem höfðu
skrifstofur sínar í áföstu húsi, en í
því kviknaði eftir fyrstu spreng-
inguna. Ástæður fyrir sprenging-
unni voru ókunnar, en brunaverðir
töldu skort á eftirliti hafa verið
vítaverðan.
Mikill kolafundur
r
á Norður-Irlandi
BtllM, 7. marz, AP.
TILKYNNT var í dag um meiriháttar
kolafund á Norður írlandi. Kolin
kunna að eiga eftir að draga verulega
úr orkukostnaði í héraðinu, að sögn
embættismanna.
Kolaflekkurinn fannst nærri
Crumlin á austurströnd vatnsins
Lough Neagh. Er um að ræða mjúk
mókol, sem eftir áratug ættu að
geta séð fyrir þriðjungi raforku-
þarfar N-írlands. Talið er að þarna
leynist a.m.k. milljarður lesta af
kolum.
Að sögn embættismanna eru kol
margfalt ódýrara eldsneyti við raf-
orkuframleiðslu en olia, sem nú er
notuð til framleiðslu raforku á
N-lrlandi. Raforka á N-írlandi er
20% dýrari en í Englandi vegna
flutningskostnaðar.
Enska kolafyrirtækið Burnett
and Hallamshire hóf kolaleit við
Crumlin, sem er 20 km vestur af
Belfast, í júlí í fyrra. í dag stóð til
að brenna 200 lestum af kolum úr
námunni í tilraunaskyni i orkustöð
í Belfast. Vonast er til að reist
verði raforkuver við námuna á
næstunni.
verðmæta sem standa undir þörfum einstaklinga og fjölskyldna.
Eru þér ljós þau áhrif sem skyndilegt fráfall þitt myndi hafa á
stöðu þinna nánustu?
Verðtryggð líftrygging veitir fjölskyldu þinni vernd gegn fjár-
hagslegum áföllum við óvænt fráfall þitt.
Við bjóðum verðtryggingu allt tryggingartímabilið svo líftrygging-
in heldur ætíð verðgildi sínu.
Verðtryggða líftryggingu er hægt að taka annaðhvort sem
einstaklingstryggingu, eða fyrir tvo eða fleiri aðila sem bera
fjárhagslega ábyrgð sameiginlega.
Hafðu samband við tryggingaráðgjafa okkar - þeir veita allar
frekari upplýsingar.
M'lIftrygging
GAGNKVíMT TRVGGINGAFtLAG
BRUNABÖTAFÉLAG ISLANDS
Skrifstofur. Laugavegur 103 105 Reykjavík Sími 91 26055 UMBOÐSMENN UM ALLT LAND