Morgunblaðið - 06.11.1985, Blaðsíða 28

28
MORGUNBLAÐIÐ, MIDVIKUDAGUR 6. NÓVEMBER1985
Yurchenko bað
sjálfur um hæli
í Bandaríkjunum
Engri nauðung beitt, segir
bandaríska utanríkisráðuneytið
Washington, 5. nóvember. AP.
BANDARÍSKA utanríkisráðuneyt
ið neitaöi alfarið í dag þeim ásök-
unum Sovétmannsins Vitaly Yurc-
henkos, að CIA hefði rænt honum
á götu í Róm í ágúst sl., gefið
honum deyfilyf og flutt hann
meövitundarlausan til Bandaríkj-
anna. „Yurchenko fór sjálfviljugur
í bandariska sendiráðið í Róm hinn
1. ágúst sl. og bað um hæli í Banda-
ríkjunum, sem honum var veitt,“
sagði í yfirlýsingu, sem bandaríska
utanríkisráðuneytið gaf út í dag.
Yurchenko hefði svo komið til
Bandaríkjanna daginn eftir og
hefði æ síðan verið reiðubúinn
til að láta bæði bandarísku leyni-
þjónustunni, CIA, og alríkislög-
reglunni, FBI, upplýsingar um
starfsemi sovézku leyniþjón-
ustunnar, KGB, í té, jafnt í
Bandaríkjunum sem annars
staðar í heiminum, svo og um
skipulagningu og starfsaðferðir
KGB.
Yurchenko hefði aldrei verið
haldið nauðugum né hann beittur
ólöglegum og siðlausum aðferð-
um. Hann hefði allan rétt á því
að snúa heim til Sovétríkjanna
er bandarísk stjórnvöld hefðu
fengið fullvissu um, að sú ákvörð-
un væri í raun og veru hans eigin.
Á fréttamannafundi, sem
haldinn var í sovézka sendiráð-
inu í Washington í gærkvöldi,
sagði Yurchenko, að bandarískir
embættismenn hefðu boðið sér
eina milljón dollara, en þar að
auki laun, svo lengi sem hann
lifði, og fé til kaupa á innbúi til
að koma sér fyrir í Bandaríkjun-
um. „Samkvæmt samningi þeirra
átti ég ekki að gera neitt. Það
eina, sem ég átti að gera, var að
búa í Bandaríkjunum, þegja og
vera ráðgjafi þeirra." Fyrir þetta
átti hann að fá eina milljón doll-
ara greidda 1. nóvember „og til
æviloka átti ég að fá greidda
62.500 dollara á ári, og átti
greiðslan að hækka í samræmi
við verðlag, ókeypis læknis-
AP/Símamynd
Vitaly Yurchenko á fréttamanna-
fundinum í sovézka sendiráðinu í
Washington í fyrrakvöld.
þjónstu og þar að auki 48.000
dollara fyrir húsgögnum."
Yurchenko sagði, að sér hefði
verið haldið í húsi einu hjá CIA
í Fredericksburg í Virginiu, unz
sér hefði tekizt að sleppa vegna
„augnabliks aðgæzluleysis varð-
mannanna".
David Durenberger öldunga-
deildarþingmaður, formaður
upplýsingamálanefndar öld-
ungadeildarinnar, sagði í gær-
kvöldi, að frásögn Yurchenkos
væri hreinn „þvættingur" og
kvaðst alls ekki viss um, að
Yurchenko hefði verið með sjálf-
um sér, er hann bar fram ásakan-
ir sínar í sovzka sendiráðinu.
Var Yurchenko
á mála hjá KGB
allan tímann?
Washington, 5. nóvember. AP.
ÝMSAR kenningar eru uppi um,
hver sé sannleikurinn að baki
hinnar reifarakenndu frásagnar
Yurchenkos. Sú fyrsta er, að hann
hafi sagt sannleikann. Önnur er á
þá leið, að hann hafi sjálfviljugur
beiðst hælis í Bandaríkjunum en
síðan snúizt hugur af einhverjum
ástæðum. Sú þriðja er, að hann
hafi í rauninni verið að blekkja,
er hann bað um hæli og að hann
hafi verið að vinna fyrir KGB,
sovézku leyniþjónustuna, allan
tímann. Markmið hans hafi verið
að kanna, hvernig Bandaríkja-
menn tækju á móti landflótta
Sovétmönnum og einnig að koma
bandarísku leyniþjónustunni í
vandræði og gera hana hlægilega.
Öldungadeildarþingmaðurinn
David Durenberger sagði strax,
að Yurchenko segði ekki satt.
Varpaði Durenberg fram þeirri
spurningu, hvort CIA hefði látið
manninn sleppa svo auðveldlega,
ef CIA hefði virkilega rænt
honum. Arkady Sevchenko, fyrr-
um háttsettur sovézkur sendi-
starfsmaður, sem gerðist land-
flótta fyrir mörgum árum og því
öðrum mönnum kunnari hugsun-
arhætti Rússa, sagði í dag:
„Yurchenko snerist einfaldlega
hugur."
Jarðskjálfti á
Tokyo-svæðinu
Tókýó, 5. nóvember. AP.
VÆGUR jarðskjálfti varð á Tókýó-
svæðinu í nótt og mældist hann 5,1
stig á Richter-kvarða, að sögn jap-
önsku jarðskjálftastofnunarinnar.
Talsmenn lögreglu kváðu engar
tilkynningar hafa borist um slys
eða tjón. Upptök skjálftans voru
sögð hafa verið um 56 km fyrir
austan Tókýó.
Veður
víða um heim
Lœgit Hmst
Akureyri *11 skýjað
Amslerdam 6 13 rigning
Aþena 14 21 heióskírt
Barcelona 23 skýjað
Berlín 5 10 rigning
Brussel 6 11 rigning
Chicago 3 6 skýjað
Dublín 4 9 skýjað
Feneyjar 10 þokumóða
Frankfurt 0 5 rigning
Genf +2 12 skýjað
Helsinki 3 5 skýjað
Hong Kong 22 26 heiðskírt
Jerúsalem 13 24 skýjað
Kaupmannah. 2 7 skýjað
Las Palmas vantar
Lissabon 16 20 rigning
London 9 15 skýjað
Los Angeles 14 27 skýjað
Lúxemborg 13 rigning
Malaga 25 skýjað
Mallorca 24 skýjað
Miami 16 28 heiðskírt
Montreal 3 11 skýjað
Moskva 0 4 skýjað
NewYork 11 13 rigning
Osló 5 6 skýjað
París 9 16 rigning
Peking 3 14 skýjað
Reykjavík .4 snjóól
Ríóde Janeiro 18 23 rigning
Rómaborg 12 19 rigning
Stokkholmur 3 7 skýjað
Sydney 19 26 heiðskírt
Tókýó 12 21 skýjað
Vínarborg 1 10 skýjað
Þórshöfn +1 snjóél
AP/Slmamynd
Kampakát fegurðardís
Hólmfríður Karlsdóttir, fegurðardrottning, sem starfar sem fóstra,
er nú í London að undirbúa sig undir keppni, sem fram fer þar í
borg 14. nóvember um hver í heimi fegurst er. Þrátt fyrir strangan
vinnudag gaf Hólmfríður sér tíma til að sitja fyrir hjá ljósmyndara
með þessa sniðugu brúðu í fangi sér.
Hvolfdi prammanum
vegna mistaka í hleðslu?

Osló, 5. nóvember. Frá Jan Krik Laure, frétta rítara Morpinblaómna.
NÍU karla og einnar konu er saknað
af steypupramma, sem hvolfdi í
Gandsfirði við Stavangur á mánu-
dagskvöld og eru þau nú talin af.
Tólf mönnum var bjargað af pramm-
anum og var þeim komið undir
læknishendur í Rogalandi. Þeir voru
ekki alvarlega slasaðir.
Steypupramminn, „Concem",
var notaður til að geyma sement
og blanda steypu fyrir olíuborpall,
sem verið er að reisa á olíu- og
gassvæði í Norðursjó. „Concem"
uppistendur af stafni gamals olíu-
skips, sem breytt var í pramma til
að geyma sement.
Líklegt er talið að farmi hafi
verið hlaðið þannig í prammann
að hann hélt ekki jafnvægi og valt
á augabragði. Á þilfari prammans
stóð fimmtán metra há steypu-
hrærivél og kann að vera að hún
hafi raskað þyngdarpunkti skips-
ins.
Nokkrum klukkustundum áður
en prammmanum hvolfdi tóku
starfsmenn um borð eftir því að
hann hallaði um nokkrar gráður.
Vitnisburður þeirra, sem lifðu
slysið af, bendir til þess að sem-
entssekkjum hafi verið hlaðið á
þilfarið. Að öllu réttu ætti farmur
að vera neðanþilja.
Fólksins sem saknað er, var leit-
að árangurslaust í alla nótt. Tvær
þyrlur og fjöldi báta, froskmanna
og hunda tóku þátt í leitinni.
Um ellefuleytið á mánudags-
kvöld glæddust vonir leitarmanna
er þeir heyrðu barið á byrðing
prammans og var talið að tímenn-
ingarnir væru enn á lífi inni í
prammanum. Pramminn var í
morgun dreginn inn á grynningar
til að koma í veg fyrir að hann
sykki og ætlunin er að snúa honum
við sem fyrst, ef einhver skyldi
vera á lífi í prammanum.
Vinna við olíuborpallinn „Gull-
**
Per Nyg&rd, Verdens gang/Simamynd
Steypupramminn, sem hvolfdi, var fluttur á grynningar í Gandsfirði í morg-
un. Þyrla flaug vfir orammanum í allan dag ef verið gæti að einhver
kæmist á Iffi út úr flakinu. Kafarar köfuðu inn í skipsskrokkinn í dag og
fundu engin verksummerki, sem bent gæti til bess að einhver tímenning-
anna, sem saknað er, væri á lífi.
faks“ hefur verið stöðvuð, en verið Um þúsund manns vinna við fram-
var að steypa stoðir undir pallinn. kvæmdirnar.