Morgunblaðið - 06.11.1985, Blaðsíða 27
MORGUNBLAÐIÐ, MIÐVIKUDAGUR 6. NÓVEMBER1985
27
Morgunblaðið/Theodór
Þór Guðjónsson, veiðimálastjóri, í ræðustól, honum á vinstri hðnd situr Gylfi Pálsson, formaður LS.
Morgunblaðið/Theodór
Formaður LS, Gylfí Pálsson, í ræðustól.
Aðalfimdur stangaveiðimanna í Munaðarnesi:
„SVFR hefur stundað stórkostleg
yfirboð á stangaveiðimarkaðnumu
— sagði Sigmar Ingason formaður SVF Keflavíkur á fundinum
Borgarnesi, 30. október.
ÞRÍTUGASTI og fímmti aðalfundur Landssambands stangaveiðifélaga
var haldinn í Munaðarnesi í Borgarfírði 19. og 20. október 1985.
Fundinn sóttu 86 fulltrúar frá 11 félögum en 25 stangarveiðifélög eiga
aðild að sambandinu.
Formaður LS, Gylfi Pálsson,
flutti skýrslu stjórnarinnar fyrir
liðið starfsár og gat um helstu
málin, sem voru á dagskrá sam-
bandsins á árinu.
Dagana 3. til 5. maí var haldin
í Norræna húsinu í Reykjavík
vörusýning á vegum LS og nefnd-
ist hún Stangveiði 85. Sautján
aðilar tóku þátt í sýningunni og
þar voru sýnd veiðitæki, fatnað-
ur, öryggistæki, bátar o.fl. er
snertir stangveiðiíþróttina. Auk
þess voru flutt erindi og sýndar
kvikmyndir um sama efni. Sýn-
ingin tókst vel og sóttu hana hátt
á þriðja þúsund manns.
Ársfundur Nordisk Sport-
fisker Union (NSU) var að þessu
sinni haldinn á Islandi, eða í
Vaihöll á Þingvöllum, dagana 15.
og 16. júní. Fulltrúar frá öllum
Norðurlöndunum mættu á fund-
inum og báru menn saman bæk-
ur sínar um ýmis vandamál, sem
við er að etja, svo sem mengunar-
vandamál, sjávarveiðar á laxi
o.fl. Þá kom fram, að NSU hafði
sótt um styrk frá Nordisk Kult-
urfond, til að gera kvikmynd um
lanxveiðar í N-Atlantshafi en
fengið synjun.
Þann 23. júní efndi LS til
Stangveiðidags fjölskyldunnar.
Tókst þessi dagur með afbrigðum
vel og var boðið til ókeypis sil-
ungsveiði í a.m.k. 10 veiðivötnum,
ýmist á vegum stangarveiðifé-
laga eða veiðiréttareigenda.
Hyggst LS efna til stangveiði-
dags fjölskyldunnar árlega í
framtíðinni í samstarfi við veiði-
réttareigendur.
Þá stóð LS að útgáfu vegg-
spjalds, sem ætlað er sem hvatn-
ing til fólks til þess að leggja
stund á stangveiðiíþróttina og
þá ekki síst silungsveiði.
Stjórn LS átti fundi með ýms-
um aðildarfélögum og með stjórn
Landssambands veiðifélaga, en
mjög góð samvinna hefur verið
með landssamböndum þessum og
hafa þau í sameiningu látið gera
leiðbeiningar vegna útboða og
tilboða í veiðivötn og hvetja að-
ildarfélög sín til þess að nota
þær.
Veiðimálastjóri, Þór Guðjóns-
son, flutti erindi og skýrði frá
veiðinni sl. sumar, en það var
þriðja besta veiðiárið og veiddust
67 þús. laxar, þar af helmingur
á stöng. Hann gerði einnig giein
fyrir veiðihorfum næsta sumar,
sem hann telur góðar. Þá ræddi
hann nokkuð um sjávarveiðar á
laxi og laxverndunarstofnunina
í Edinborg, NASCO.
Eitt aðalefni fundarins var
staða stangarveiðifélaganna,
samskipti þeirra innbyrðis og við
veiðiréttareigendur. Urðu fjör-
ugar umræður um þetta efni, en
menn höfðu áhyggjur af hækk-
andi verði á laxveiðileyfum og
komu fram raddir um að veiði-
menn sneru sér í auknum mæli
að silungsveiði.
Töluvert var deilt á umsvif
Stangarveiðifélags Reykjavíkur
og sagði Sigmar Ingason, for-
maður SVF Keflavíkur, m.a., að
SVF Reykjavíkur, sem væri lang-
stærsta og öflugasta félagið í
landssambandinu „hefði stundað
stórkostleg yfirboð á stangveiði-
markaðinum á undanförnum
árum“. Væri verð á veiðileyfum
komið yfir öll skynsamleg mörk.
Ekki væri einungis við SVFR að
sakast í þeim efnum, fleira kæmi
þar til. Taldi Sigmar að stang-
veiðimenn ættu að stuðla að því
að bændur tækju rekstur veið-
iánna í sínar hendur. Það væri
hagstæðara en „uppboðsmarkað-
urinn", sem viðgengst í dag.
Hvatti Sigmar fulltrúa félaga
innan LS til þess að fara gætilega
í samningamálum á næstunni og
stefna ekki stangarveiðifélögum
í fjárhagslegar ógöngur vegna
ofmetnaðar við að halda I alltof
dýr veiðisvæði.
Eftirfarandi tillaga frá
Stangaveiðifélagi Hafnarfjarðar
var samþykkt einróma á fundin-
um:
Aðalfundur landssambands
stangarveiðifélaga, haldinn í
Munaðarnesi 19. og 20. október
1985, varar við þeim hugmyndum
sem uppi eru um að hefja fiskeldi
í kvíum eða á annan hátt i feng-
sælum veiðivötnuum.
Bent er á mengunar- og smit-
hættu, sem af þessu stafar.
Formaður LS, Gylfi Pálsson,
var einróma endurkjörinn, aðrir
í stjórn eru: Rósar Eggertsson
SVFR, Sigurður Pálsson SVFK,
Hjörleifur Gunnarsson SVFH og
Rafn Hafnfjörð SVFR. í vara-
stjórn eru: Matthias Einarsson,
Akureyri, Sigurður Sveinsson,
Selfossi, og Garðar Þórhallsson,
Reykavík. — TKÞ.
Kjördæmissamband
Framsóknarflokksins
Norðurlandi eystra:
Konur fengu
fimm stjórn-
armenn af sjö
KONUR tóku völdin í stjórn kjör-
dæmissambands Framsóknarflokks-
ins í Norðurlandskjördæmi eystra
nú ura helgina, því fímm konur voru
kjörnar í stjórn, en þær voru aðeins
tvær áður. Valgerður Sverrisdóttir
frá Lómatjörn var kosin formaður
stjórnarinnar.
„Þriðjungur fulltrúa á þinginu
var konur, og þær stóðu saman,
með þeim árangri að við fengum
fimm konur kjörnar," sagði Val-
gerður Sverrisdóttir, nýkjörinn
formaður stjórnar kjördæmissam-
bandsins, í samtali við blaðamann
Morgunblaðsins. Auk Valgerðar
voru þær Úlfhildur Ágústsdóttir,
Halldóra Jónsdóttir, Áslaug
Magnúsdóttir og Þóranna Björg-
vinsdóttir kjörnar í stjórnina.
Tveir karlar voru kjörnir í stjórn-
ina, en þeir voru áður fimm. Þeir
sem náðu kjöri eru Snorri Finn-
laugsson og Jón Sigurðarson. Þeir
sem gengu úr stjórn eru Bjarni
Aðalgeirsson, Jóhannes Geir Sig-
urgeirsson, Ari Teitsson, Gunnar
Hilmarsson og Tryggvi Svein-
björnsson. Tveir þessara manna,
þeir Gunnar og Tryggvi, voru í
kjöri, en náðu ekki kosningu. Þeir
voru báðir kjörnir í varastjórnina.
„Ég álít að þessi kosning muni
hafa viss áhrif á störf kjördæmis-
sambandsins," sagði Valgerður,
„af því að nú eru sveitarstjórnar-
kosningar framundan, og við
munum að sjálfsögðu vinna að því
að framsóknarkonur komist inn í
sem flestar sveitarstjórnir." Val-
gerður sagði að eitt af viðfangsefn-
um kvennanna og stefnumálum á
næstunni yrði að finna konu sem
frambjóðanda í öruggu sæti í
næstu Alþingiskosningum. Hún
sagði að allir væru sammála um
nauðsyn þess, jafnvel þingmenn
Framsóknarflokksins, þó að eng-
inn þeirra hefði áhuga á að standa
upp fyrir konu.
Morgunblaðið/RAX
Fullt út úr dyrum á Ostadögum ’85
Mjög góð aðsókn var að Ostadögum ’85 um helgina. Á sunnudag þegar
þessi mynd var tekin, var fullt út úr dyrum af fólki sem vildi kynna sér
þá osta sem á boðstólum eru og fá að smakka.
r
ASEA
rafmótorar
Nú eru ASEA rafmótorar í næsta nágrenni viðskiptavina sinna: —
AUSTURLAND: Rafmagnsverkstæði Leifs Haraldssonar, Seyðisfirði
VESTMANNAEYJAR: Geisli, Vestmannaeyjum.
SUÐURNES: Rafiðn, Keflavík
VESTFIRÐIR: Póllinn, ísafirði
NORÐURLAND: Raftækni, Akureyri.
Sölumenn okkar veita frekari upplýsingar ef óskað er.
JTRÖNNING ISTeSoa
RÖNNNG^