Morgunblaðið - 13.12.1985, Blaðsíða 34
34
MORGUNBLAÐIÐ, FÖSTUDAGUR13. DESEMBER1985
Ljóöasafn Arnar Arnar-
sonar endurútgefið
ILLGRESI, Ljóðasafn Arnar Am-
arsonar er nú aftur komið á mark-
að og er útgefandi Vaka — Helga-
fell.
I fréttatilkynningu frá út-
gefanda segir m.a.:
„Magnús Stefánsson, sem tók
Magnús Stefánsson
sér skáldanafnið Örn Arnarson,
var skáld af Guðs náð. Aðeins
átta ára gamall sagði hann við
móður sína: „Mamma, nú veit ég
hvað ég ætla að verða. Ég ætla
að verða smiður, skáld og krafta-
maður!"
Þetta var enginn óraunsær
draumur. Örn varð mikið skáld;
höfundarverk hans er kröftugur
óður til fegurðarinnar og lífsins
— ekki síst til þess sem er lítið,
umkomulaust og vanmetið:
....illgresið er oft og tíðum
yndislegast, sýnist mér ...“,
segir hann í einu af sínum feg-
urstu ljóðum.
Örn var einnig skáld hafsins
og sjómennskunnar, skáid þeirra
heiðursmanna sem ganga
„ ... móti straumþungri röst,
yfir stórsjó og holskefluföll...“
— svo vitnað sé til kvæðis hans
„Hrafnistumenn".
í þessu ljóðasafni eru auk bók-
ar Arnar, Illgresis, ljóðaþýðing-
ar og ýmis ljóð sem fundust að
honum látnum.
Illgresi er prentuð í prent-
smiðjunni Hólum hf. en bundin
hjá Bókfelli hf.
Smásögur eftir Þórunni
Elfu Magnúsdóttur
BÓKAÚTGÁFA Menningarsjóðs
hefur gefið út bókina Á leikvelli
lífsins eftir Þórunni Elfu Magnús-
dóttur, en þar birtast fimmtán
sögur hennar er samdar hafa verið
á löngu áraskeiði, og getur þetta
Þórunni Elfu og þessa nýju bók
hennar:
„Sögur Þórunnar Elfu Magn-
úsdóttur gerast á löngu ára-
skeiði og spegla því miklu breið-
ara svið en þjóðlíf nútímans.
Megingildi þeirra felst í kvenleg-
um næmleik hvort heldur skáld-
konan tekur málstað smælingja
eða hellir úr skálum reiði sinnar
yfir stórbokka. Þórunn Elfa er
fulltrúi íslensku konunnar sem
krefst réttlætis og vill stefna í
áttina til bjartari framtíðar.
Hún ann því lífi sem oft á í vök
að verjast en ber i sér frjómagn
og táknar mannlega uppreisn.
þess vegna eru sögur hennar
tímabærar og athyglisverðar."
Á leikvelli lífsins er 204 bls. að
stærð. Bókin er sett, prentuð og
bundin í Prentsmiðju Hafnar-
fjarðar. Kápu teiknaði Sigurður
Orn Brynjólfsson.
Þórunn Elfa Magnúsdóttir
talist eins konar sýnisbók af smá-
sögum hinnar kunnu skáldkonu.
Á bókarkápu segir m.a. um
Tvö fiskiskip
seldu erlendis
INNLENT
TVÖ íslenzk fiskiskip seldu afla
sinn í Bretlandi á fimmtudag.
Fengu þau um 50 krónur að meðal-
tali fyrir hvert kíló.
Patrekur BA seldi 82,8 lestir í
Grimsby. Heildarverð var
3.987.800 krónur, meðalverð 48,17.
Gunnjón GK seldi 89,4 lestir í
Hull. Heildarverð var 4.557.500
krónur, meðalverð 50,96.
Bólstaðarhlíð 51 er fremri byggingin á myndinni og hefur fólk nú þegar flutt inn í bygginguna. Verið er að
byggja samskonar íbúðarblokk við Bólstaðarhlíð 45 og sést sú bygging einnig á myndinni auk tengibyggingar-
innar á milli blokkanna.
Samtök aldraöra:
33 íbúðir fullbúnar
við Bólstaðarhlíð
Morgunblaöið/Júlíus
Marta Þorsteinsdóttir er einn hinna nýju íbúðareigenda og fengu blaða-
menn og aðrir gestir m.a. að skoða vistarverur hennar.
— 33 í viðbót til-
búnar að ári
SAMTÖK aldraðra afhentu 33
íbúðir í Bólstaðarhlíö 41 til kaup-
enda sinna í lok nóvember, tveim-
ur mánuðum á undan áætlun. Allar
íbúðirnar eru fullfrágengnar en
framkvæmdir hófust í júní 1984.
Þetta er helmingur þeirra íbúða er
samtökin hafa í smíðum við Ból-
staðarhlíð. Gert er ráð fyrir aö hitt
húsið, Bólstaðarhlíð 45, verði til-
búið að ári. Á sama tíma er fyrir-
hugað að þjónustumiðstöðin að
Bólstaðarhlíð 43, sem er í tengi-
byggingu milli íbúðarhúsanna og er
reist á vegum Reykjavíkurborgar,
hefji starfsemi sína einnig, a.m.k.
aö hluta til.
Hans Jörgensen, formaður
Samtaka aldraðra, sagði að sam-
tökin hefðu aðeins fengið hin
venjulegu húsnæðisstjórnarlán til
að fjármagna íbúðirnar, en þó
fengið það greitt í formi fram-
kvæmdaláns, þ.e. mánaðarlegar
greiðslur meðan á byggingu
stendur. „Samtök aldraðra hvar
sem er á landinu þurfa að fá
aðstoð í formi stærri langtima-
lána en nú eru veitt og með föstum
vöxtum svo hægt sé að kaupa sig
inn í slíkar þjónustuíbúðir fyrir
hluta af byggingarkostnaðinum
og greiða svo ákveðna leigu af
eftirstöðvunum. Sveitarfélög fá
einhvern styrk úr Framkvæmda-
sjóði aldraðra viðvíkjandi íbúðar-
byggingum aldraðra, en okkar
samtök hafa ekki fengið neinn
styrk."
Endanlegt uppgjör á íbúðunum
verður að bíða næsta sumars
þangað til búið er að ganga frá
lóð, bílastæðum, stéttum og gang-
stígum. Þó er gert ráð fyrir að
þriggja herbergja íbúðir, sem eru
77,4 fermetrar að innanmáli, kosti
2.950.000 krónur, tveggja her-
bergja íbúðir, sem eru 61 fermetri,
kosti 2.360.000 krónur og 43,3
fermetra einstaklingsíbúðir kosti
1.800.000 krónur.
Samtök aldraðra er bygging-
arsamvinnufélag ellilífeyrisþega
og annarra sem áhuga hafa á því
að bæta aðbúnað aldraðs fólks. í
félaginu eru nú um 700 manns.
íbúðirnar eru seldar til fólks,
hjóna og einstaklinga, eldri en 63
ára og í endursölu hefur félagið
forkaupsréttinn til að selja sínum
félagsmönnum.
Fyrsti byggingaráfanginn, 14
íbúðir, er í Akralandi 1—3, en
byggingu þeirra íbúða lauk að
fullu haustið 1983. Annar bygg-
ingaráfanginn rís nú í Bólstaðar-
hlíðinni og nú er verið að semja
um þriðja byggingaráfangann og
að líkindum verður hann í Vestur-
bænum og hafist handa þar næsta
sumar.
Samtökin eiga aðild að dagvist-
arheimilinu Múlabæ, Ármúla 34,
sem er fyrir aldraða og öryrkja.
Þar er dagvistun fyrir allt að 60
manns og reka samtökin heimilið
í samvinnu við Reykjavíkurdeild
Rauða krossins og Samband ís-
lenskra berklasjúklinga.
Nýlega fóru borgaryfirvöld
fram á það við stjórn Múlabæjar
að taka að sér rekstur dagvistar-
heimilis fyrir heilaskerta sjúkl-
inga og hefur Reykjvíkurborg
þegar keypt stóra húseign að
Flókagötu 53 í þessum tilgangi.
Styrktarsjóður aldraðra, sem
stofnaður var innan samtakanna
fyrir nokkrum árum, stendur
undir þeim kostnaði sem samtök-
in hafa af rekstri Múlabæjar og
koma til með að þurfa að kosta
til við undirbúning og rekstur
þessa nýja heimilis. Þessi styrkt-
ar- og hjúkrunarsjóður er aðal-
lega fjármagnaður með sölu
happdrættismiða.
Á síðari árum hefur verið tekið
upp almennt félagsstarf innan
samtakanna þar sem farnar hafa
verið stuttar ferðir á sumrin og
síðdegissamkomur verið haldnar
á veturna. í ráði er að auka þessa
starfsemi félagsins og m.a. fara
af stað næsta sumar með dvalar-
viku fyrir 50-60 félaga og hafa
jafnvel utanlandsferðir komið til
greina. Samtökin hafa opna skrif-
stofu að Laugavegi 116 þar sem
veitt er margvísieg upplýsinga-
þjónusta fyrir aldraða.
Hollir vinir — heilbrigt líf:
Verðlaun veitt í alþjóðlegri myndasam-
keppni til viðnáms gegn vímuefnaneyslu
ICAA, Alþjóðaráð um áfengis- og
fíkniefnamál, efndi til myndasam-
keppni í byrjun ársins á meðal 12-16
ára barna og ungiinga í tilefni árs
æskunnar og þess að 100 ár voru
liðin frá fyrstu alþjóðaráðstefnunni
ím áfengismál. Framkvæmd hér á
&ndi önnuðust samtök skólamanna
um bindindisfræóslu í samvinnu við
menntamálaráðuneytið og áfengis-
varnaráð.
Fimm verðlaun voru veitt og voru
myndir verðlaunahafa sendar til
úrslitakeppni í alþjóðlegri teikni-
samkeppni. Verðlaunahafar fengu
10.000 krónur hver. Fyrstu verðlaun
hlaut Hildigunnur Árnadóttir
Byggðarholti 7, Varmá, Jónas L.
Jóhannsson, Eyrarlandsvegi 16,
Akureyri, hlaut önnur verðlaun,
Kári Þór Guðjónsson, Víðihlíð 34,
Reykjavík, þriðju verðlaun, Ragn-
heiður Jónsdóttir, Grímshaga 4,
Reykjavík, fjórðu verðlaun og Þrúð-
ur Óskarsdóttir, Grænuvöllum 3,
Selfossi, hlaut fimmtu verðlaun.
Auk myndanna fimm valdi íslenska
dómnefndin 25 myndir til viðbótar
til aukaverðlauna og voru auka-
verðlaunin hijómplötur og bækur.
Hvert land skipulagði eigin
teiknimyndasamkeppni þar sem
leggja átti áherslu á gildi vináttu
en þörfin fyrir vini leiðir stundum
til skaðlegrar neyslu áfengis, tób-
aks eða annarra fíkniefna, eins og
segir í frétt frá framkvæmdanefnd-
inni. Samkeppnin fór fram í tengsl-
um við 34. alþjóðaráðstefnu ICAA
sem haldin var í borginni Calgary
í Albertafylki í Kanada í ágúst sl.
Við val myndanna tók dómnefnd
mið af listrænu gildi þeirra svo og
hugkvæmni og færni höfunda við
að sýna þema samkeppninnar sem
var „Hollir vinir - heilbrigt líf“.
Verðlaunahafar þeir er hlutu verðlaun 1 myndasamkeppninni hér á landi eru:
Hildigunnur Árnadóttir Varmá, Jónas L. Jóhannsson Akureyri, Kári Þór
Guðjónsson Reykjavík, Ragnheiður Jónsdóttir Reykjavík og Þrúður Óskars-
dóttir Selfossi. Að baki verðlaunahöfunum standa Edda Svavarsdóttir og Árni
Einarsson hjá Áfengisráði.