Morgunblaðið - 13.12.1985, Blaðsíða 14

14
MORGUNBLAÐIÐ, PÖSTUDAGUR13. DESEMBER1985
Morgunblaðið/Olafur
Egilsstaðir:
í skólanum, í skólanum
Brugðið út af venjubundinni stundaskrá í Egilsstaðaskóla
Kgilsstöóum, 9. desember.
ÞAÐ VAR mikið um að vera í
Egilsstaðaskóla í dag — þótt venju-
bundinni stundaskrá væri vikið til
hliðar um sinn. í handavinnustof-
unum var smíðað af kappi eða
mótað úr leir, í eldhúsinu var
harðsnúið lið nemenda úr 8. og 9.
bekk við piparkökubakstur og í
öðrum stofum fóndruðu nemendur
ásamt foreldrum sínum og kennur-
um og sinntu í engu tímamörkum
stundaskrárinnar. Afrakstri handa-
vinnunnar var síðan jafnharöan
komið fyrir á sérstöku sýningar-
svæði á göngum og stigapöllum.
Síðla dags var opnuð sérstök
sýning á framleiðslu dagsins og
verður hún opin á skólatíma allt
til jólaleyfis — 20. þ.m. Á sýning-
unni gefur að líta hvers kyns
föndur- og handavinnu, jóla-
skraut og myndir tengdar jólum
fyrr og nú — allt unnið af nem-
endum undir stjórn kennara.
Við opnun sýningarinnar í dag
lék Skólahljómsveit Egilsstaða
undir stjórn Magnúsar Magnús-
sonar — auk þess sem nemendur
Tónskóla Fljótsdalshéraðs léku
einleik á hin ýmsu hljóðfæri og
nýstofnaður blásarakvintett
skólans lék. Þá tóku samkomu-
gestir lagið — og gæddu sér á
piparkökum og ágætum drykk —
sem blandaður var úr mysu og
ávaxtasafa. Að lokum léku tvær
upprennandi popphljómsveitir
— skipaðar núverandi og fyrr-
verandi nemendum skólans —
við góðar undirtektir áheyrenda.
Það virtist einróma mál
manna að starfsdagur þessi hefði
í alla staði tekist vel og mátti
heyra nemendur segja „að nú
væri sko gaman í skólanum!"
Hátt á þriðja hundrað manns
munu hafa komið á sýninguna í
Egilsstaðaskóla í dag.
— Ólafur
Fagrir gripir
fyrir fólk með fágaðan smekk
Itölsku gler-messing smáborðin og frönsku lamparnir
frá Le Dauphin eru stofuprýði á hverju heimili.
HEIMILIS- OG RAFTÆKJADEILD
IhIhekiahf
LAUGAVEGI 170- 172 SÍMAR 11687 • 21240
Viðtalsbók við kon-
ur í stjórnmálum
á Norðurlöndum
Viðtöl við stjórnmálakonur á
Norðurlöndum er nýútkomin
bók, sem Norræna ráðherra-
nefndin hefur gefið út. Þar hef-
ur Drude Dahlerup frá Dan-
mörku átt viðtöl við nokkrar
stjórnmálakonur í hverju Norö-
urlandanna um stöðu þeirra og
störf í stjórnmálaheiminum, þar
sem karlaveldi ríkir af gamalli
hefð, en síðustu 10 árin hafa
konurnar í flestum landanna í
sívaxandi mæli haslað sér þar
völl.
Viðtölin eru skrifuð á þremur
tungumálum, dönsku, sasnsku og
norsku. íslensku konurnar tjá sig
á dönsku og þær finnsku á
sænsku, viðtal við grænlenska
fulltrúann er líka tekið á dönsku,
en við þann færeyska snúið úr
færeysku á dönsku. Orðalisti yfir
algengustu orðin og stofnanirnar
á öllum málunum fimm er fremst
í bókinni. Bókin er 359 blaðsíður
og ber heitið „Blomster & Spark,
Samtaler med kvindelige politik-
era í Norden".
A bókarkápu eru nokkrar glefs-
ur úr viðtölunum, svo sem um-
mælin: „Það var stórkostleg upp-
lifun að vera allt í einu valin í
einhverja stöðu af því að maður
er kona, en ekki þrátt fyrir það
að maður er kona“, „Konur eiga
að rækja nákvæmlega sama hlut-
verk sem karlar í stjórnmálum,
þar er enginn munur á“, „Tvennt
gat flokkurinn minn aldrei fyrir-
gefið mér: að ég hefi aldrei unnið
í fiski - og að ég er kona“. Þarna
eru viðtöl við margar þekktar
stjórnmálakonur á Norðurlönd-
um. Á íslandi var rætt við Soffíu
Guðmundsdóttur fyrrverandi
bæjarfulltrúa á Akureyri, Guð-
rúnu Agnarsdóttur og Kristínu
Halldórsdóttur þingmenn
kvennalistans, Úlfhildi Rögn-
valdsdóttur bæjarfulltrúa á Ak-
ureyri, Ragnhildi Helgadóttur
Höfundurinn Drude Dahlerup sýnir
bókina „Blóm og spark“ með við-
tölum við stjórnmálakonur á Norð-
urlöndum.
menntamálaráðherra, og Vigdísi
Finnbogadóttur fyrsta kvenfor-
setann. Bókinni er skipt í 13 kafla,
er bera yfirskriftina: Nú er því
lokið, Húsfreyjan og heimahús-
móðirin verður sveitarstjórnar-
fulltrúi, Með nýju kvennahreyf-
ingunum/ kvennahreyfingar í
stjórnmálin, Valdakonur í sveit-
arstjórnarmálum, Sveitarstjórn-
arkonur í litlum samfélögum, Frú
ráðherra, Fyrrverandi ráðherrar,
Frammámenn í stjórnarand-
stöðuflokkum, Mæður smábarna
í stjórnmálum, Fáar konur í
stjórnmálum, Rétturinn til að
vera öðruvísi, Fyrsti kvenforset-
inn og loks upplýsingakafli um
ástandið á Norðurlöndum. Aftast
í bókinni eru upplýsingar um hvar
hægt sé að fá hana á Norðurlönd-
um. Á Islandi er hana að fá í
Bókaverslun Máls og menningar.