Morgunblaðið - 06.05.1986, Blaðsíða 17

MORGUNBLAÐIÐ, ÞRIÐJUDAGUR 6. MAÍ1986
17
í tilefni skrifa Richards
Björgvinssonar 22. apríl sl.
eftir Rann veigu
Guðmundsdóttur
Þann 22. apríl var Richard Björg-
vinsson bæjarfulltrúi Sjálfstæðis-
flokksins í Kópavogi með grein í
Morgunblaðinu sem bar yfirskrift-
ina „Öryggið í umferðinni oggatna-
kerfið í Kópavogi".
í inngangi greinar sinnar setur
Richard fram tölur um slysatíðni
áranna 1980—1984 og segir Kópa-
vog eiga dapurlegt met. Ég hef
ekki undir höndum gögn um þetta
árabil og legg því ekki mat á rétt-
mæti þessara talna, hins vegar
kemur fram í töflu yfír umferðar-
slys á árinu 1984, að íjöldi um-
ferðarslysa í Kópavogi voru 481 á
móti 602 í Hafnarfirði, svo ég nefni
samanburð við nágrannabæ án þess
að fara frekar út í talnasamanburð.
Ekki hef ég tekið mér penna í hönd
til að draga úr því hve alvarlegra
fórna umferðin í nútímaþjóðfélagi
krefst, I því efni verður að finna
leiðir til úrbóta. Hinsvegar segir
Richard að gatnakerfíð í Kópavogi
sé lélegt og ákveður að það sé orsök
siysatíðni í bænum sem hann gefur
I skyn að sé hrikaleg og óbeint má
draga þá ályktun að duglitlir stjóm-
endur hafí ekki sinnt gatnagerðinni
og þar með beri þeir ábyrgð á slys-
unum.
Gegnumakstur
Hann getur þess f greininni að
staðsetning Kópavogs á miðju höf-
uðborgarsvæðisins orsaki mikinn
gegnumakstur. Það kemur hins
Rannveig Guðmundsdóttir
„Kópavogur er góður
bær að búa í og þar
hafa málefni fjölskyld-
unnar setið í fyrirrúmi
í allri uppbyggingu.
Sjálfstæðisf lokkurinn
hefur ekki stutt þá
stefnu og hefur það
komið skýrt í ljós við
afgreiðslu fjárhags-
áætlana á liðnum
árum.“
vegar ekki fram hvað hefur verið
að gerast undanfarin ár með auk-
inni atvinnuuppbyggingu á austur-
svæðum og þá ekki síst með tilkomu
Höfðabakkabrúarinnar. Umferð frá
sveitarfélögum sunnan Kópavogs
hefur flætt inn á íbúðagötur í
bænum, þar sem menn stytta sér
leið gegnum Kópavog, hraðakstur
og þungaumferð fer um götur sem
ekki eru í stakk búnar, umferðar-
lega séð, að taka við henni og eru
ekki ætlaðar til þess síðar heldur.
Vegna þessa hefur bæjarstjóm
Kópavogs ítrekað skorað á stjóm-
völd að hraða gerð Reykjanesbraut-
ar og bent á framangreint máli sínu
til stuðnings.
Nú fer að líða að því að Reykja-
nesbrautin komist í gagnið og binda
menn miklar vonir við að það létti
umferðarþungann af íbúðagötun-
um.
Hvers konar
gatnakerfi?
Richard heldur því fram að skipu-
lag gatnakerfís og það að stór hluti
gatna sé ófrágenginn sé orsök
slysa.
Skipulagi þessa bæjar, sem á sér
um svo margt sérstæða sögu, get-
um við varla breytt héðan af hvað
gamla bæinn varðar. En hvað þýðir
ófullgerðar götur? Það þýðir að eftir
er að skipta um jarðveg í götunum,
u.þ.b. 80 sm lag, endumýja lagnir
og setja síðan nýtt slitlag yfír auk
annars frágangs.
Slíkur frágangur gerir umhverfið
snyrtilegt, auðekið og eins og fólk
vill að umhverfí sitt líti út.
En má jafnframt reikna með að
fullgerðar götur bægi slysahættu
frá? Reynslan er önnur. Það er
hefur sýnt sig að slysatíðni er mest
á frágengnum götum og að fljótlega
eftir að götur eru frágengnar kemur
ósk frá íbúunum um hraðahindran-
ir.
Þetta segir okkur að ástand
götunnar ræður ekki slysatíðni, það
er eitthvað annað.
Gamanmál
Þetta með götumar í Kópavogi
hefur frá gamalli tíð verið gaman-
mál. Það var glens í strákunum í
Ríó tríóinu þegar þeir sungu Kópa-
vogsbraginn. Og þegar rætt er um
götumar í Kópavogi sem mál mál-
anna verður líka að vera glens í
umræðunni, svo lengi sem í henni
felst ekki alvarleg ásökun.
Ég hef haldið því fram að þann
dag sem Kópavogur væri orðinn
glæsilegastur bæja í götumyndinni,
myndu enn heyrast raddir um „göt-
umar í Kópavogi", en þær raddir
kæmu utanfrá af gömlum vana og
við tækjum því sem glensi.
Að ná í skottið á sér
í greininni er talað um að Kópa-
vogsbúar hafi aldrei náð í skottið á
sér f gatnagerðinni. Þetta er ekki
rétt lengur.
Þetta gilti í stjómartíð Sjálfstæð-
isfíokksins, en við erum löngu búin
að ná í skottið.
Snælandshverfíð, sem úthlutað
var lóðum 1972, var enn ófrágengið
1978 þegar núverandi meirihluti
tók um stjómvölinn. Þar hefur allt
verið fullklárað og jafnframt í nýrri
hverfum til að stoppa þennan enda-
lausa hala. Jafnhliða því er búið að
endurbyggja malargötur sem ekki
höfðu slitlag (síðasta íbúðagatan
var boðin út í vor) og ganga frá
þeim varanlega. Þar með var hætt
að smyija olíumöl ofan á drulluna
eins og greinarhöfundur orðar svo
um verk samherja sinna á áttunda
áratugnum.
Á réttri leið
Við getum verið sammála um
það, við Richard Björgvinsson, að
það er ekki ofáætlað þegar hann
talar um kostnað upp á hálfan
milljarð til að ljúka endurbyggingu
gömlu gatnanna. Og síst er það
ofáætlað að það taki tvö kjörtímabil.
Það er því ljóst að enn verða
margir íbúar bæjarins að bíða ámm
saman eftir að gatan þeirra verði
endurbyggð. Því verður að leggja
áherslu á flokkun gatna, hagkvæma
hönnun og framkvæmdaröð og
leggja síðan áherslu á gangstéttar-
gerð við götur sem enn dregst að
verði endurbyggðar.
Kópavogur er góður bær að búa
í og þar hafa málefni fjölskyldunnar
setið í fýrirrúmi í allri uppbyggingu.
Sjálfstæðisflokkurinn hefur ekki
stutt þá stefnu og hefur það komið
skýrt í ljós við afgreiðslu fjárhags-
áætlana á liðnum árum.
Það er því skondið að lesa kosn-
ingaloforð fíokksins nú fyrir bæjar-
stjómarkosningamar.
Spumingin er bara þessi: Hvort
er marktækara þessi kosningalof-
orð nú, í anda félagshyggju, eða
raunvemleg afstaða fíokksins eins
og hún birtist í bæjarstjóm Kópa-
vogs?
Höfundur er bæjarfulltrúi AJ-
þýðuflokksina íKópavogi.

„E9 fékk mér
GoldStcir
EIRÍKUR HAUKSSON
SÖN6VARI
myndbandstæki til að missa ekki af
Eurovision. t>etta eru frabær tæki 09 á fínu verðil'
Aðeins kr. 35.980,- stgr.
GoldStar hefur alla möguleikana:
* 83 rásir.
* 12 forvalsstillingar.
* 14 daga upptökuminni með 4
mismunandi tímum.
* Föst dagleg upptaka.
* Allt að 4 tima samfelld upptaka.
* Létt rofar.
* Þráðlaus fjarstýring með 13
stjórnaðgerðum.
* Truflanalaus samsetning á mynd í
upptöku.
* 5-föld hraðleitun fram og til baka.
* Kyrrmynd.
* Sjálfvirk spólun til baka.
* Rafeindateljari.
* Teljaraminni.
* Skýrt ljósaborð sem sýnir allar
aðgerðir tækisins.
* Þú getur horft á eina rás, meðan þú
ert að taka upp af annari.
* Með E.T.R. rofanum geturðu tekið
upp i ákveðinn tima, lA—4 klst., að
þvi loknu slekkur tækið sjálft á
upptökunni.
Síðasta sending seldist upp á 2 dögum.
Næsta sending
væntanleg eftir örfáa
daga.
VI91ÖKUM VEL A MOTI ÞÉR
Tökum á móti
pöntunum.
19
SKIPHOLTI
SÍMI 29800