Morgunblaðið - 23.09.1986, Page 4
4
MORGUNBLAÐIÐ, ÞRIÐJUDAGUR 23. SEPTEMBER 1986
Samkomulagið í Rainbow-málinu kynnt ríkisstjórnum landanna í dag:
65% flutninganna til þess
félags sem á lægsta tilboð
ÞORSTEINN Pálsson, fjármálaráðherra, mun í dag kynna ríkis-
stjórninni og utanríkismálanefnd, innihald samkomulagsins, sem
náðist í Rainbow-málinu eftir viðræður íslenskra og bandarískra
ráðamanna um helgina. Samkvaemt heimildum Morgunblaðsins,
felur samkomulagið í sér að flutningamir verði boðnir út og
verði 65% þeirra í höndum þess skipafélags, sem á lægsta tilboð-
ið. Það skipafélag, sem lægsta tilboðið á í hinu landinu, fær 35%
flutninganna, samkvæmt samningi.
Þorsteinn vildi ekki tíunda ein-
stök efnisatriði samkomulagsins,
og sagði að þau yrðu kynnt fyrir
fjölmiðlum að afloknum rikis-
stjómarfundi í dag. í samtali við
Morgunblaðið í gær, sagðist hann
þó ekki eiga von á öðru en að
þessari niðurstöðu yrði fagnað
hérlendis. Forráðamenn þriggja
skipafélaga voru inntir álits á
samkomulaginu, eins og það kom
þeim fyrir sjónir í gær.
„Ég vil taka það skýrt fram
að ég hef ekki séð samninginn,
en ég tel að með þessum samn-
ingi hafi náðst markverður
árangur og þar hafi náðst mark-
mið Islendinga að þeir ættu jafnan
rétt á við bandarísk skipafélög til
þessara flutninga fyrir vamarlið-
ið,“ sagði Hörður Sigurgestsson,
forstjóri Eimskipafélags íslands.
„Eg lít þannig á, að þessi niður-
staða sé ef til vill í beinu framhaldi
af niðurstöðu, sem fékkst fyrir
rúmu ári síðan, þegar ákveðið var
að bjóða flutningana út. Þá buðum
við í þessa flutninga og við erum
áfram reiðubúnir til að gera tilboð
í þá,“ sagði Hörður. Aðspurður,
sagði hann, að skipafélagið myndi
athuga alla möguleika á losun á
varningi fyrir vamarliðið í
Njarvíkum, ef Eimskipafélagið
fengi hluta flutninganna.
Ómar Jóhannsson, fram-
kvæmdarstjóri Skipadeildar
Sambandsins, sagðist einnig
ókunnugur skilmálum þeim, er
samkomulagið fæli í sér, en sagði
að þetta væri skref í rétta átt,
þótt Oldungadeild Bandaríkjaings
ætti eftir að taka afstöðu til máls-
ins.
„Það sem við höfum óskað eft-
ir frá upphafí er að sjálfsögðu að
sitja við sama borð og aðrir og
hafa sömu möguleika til tilboðs-
gerða á jafnréttisgrundvelli. Ef
samkomulagið er byggt fyllilega
á þeim gmnni, þá hefur því marki
verið náð. Við vonum bara að hér
sé ekki um að ræða samkomulag,
sem eigi eftir að teyma okkur enn
lengra á asnaeyrunum, en gert
hefur verið hingað til,“ sagði
Ómar.
Hann sagði að Skipadeild Sam-
bandsins myndi vissulega gera
tilboð í flutningana, svo fremi sem
samkomuiagið fæli í sér að skipa-
félög á Islandi hefðu jafna
möguleika til að gera tilboð á við
aðra.
„Fyrr en Öldungadeild Banda-
ríkjaþings hefur tekið samkomu-
lagið fyrir, er ekki hægt að skoða
þetta mál ofan í kjölinn," sagði
Ómar.
Guðmundur Ásgeirsson, for-
stjóri Nesskipa, sagði að ekki
væri afráðið enn hvort félagið
myndi gera tilboð í flutningana,
ef samkomulagið, sem náðist um
helgina, næði fram að ganga.
„Það verður að minnsta kosti
skoðað hvaða möguleikar eru fyr-
ir hendi, þegar endanlega liggur
fyrir hvað úr verður," sagði Guð-
mundur.
„Ætli þetta verði ekki að telj-
ast sæmileg lausn, miðað við hvað
er búið að fara með þetta mál
mikið fram og aftur. En það er
of snemmt að segja um málið
fyrr en allt er frágengið og það
tekur allt sinn tíma,“ sagði Guð-
mundur að lokum.
Mark Young forstjóri Rainbow
Navigation í Bandaríkjunum, vildi
ekkert um málið segja, þar sem
honum hafði ekki borist afrit af
samkomulaginu. Bjóst hann við
að fá það í hendumar í dag, eða
á morgun og þar til hann hefði
kynnt sér alla málavöxtu, vildi
hann ekki tjá sig um samkomu-
lagið.
VEÐUR
í DAG kl. 12.00:
Heimild: Veðurstofa íslands
(Byggt á veðurspá kl. 16.15 i gaer)
VEÐURHORFUR í DAG:
YFIRLIT á hádegi í gær: Á milli íslands og Skotlands er 1008
millibara lægð á leið austur, en nærri kyrrstæö 1004 millibara
lægð er vestur af Snæfellsnesi
SPÁ: Hæg vestlæg átt verður um land allt. Skúrir á vestanverðu
landinu en þurrt á austurlandi.
VEÐURHORFUR NÆSTU DAGA:
MIÐVIKUDAGUR og FIMMTUDAGUR: Suðlæg átt verður ríkjandi
um allt land og fremur hlýtt. Dálítil rigning á sunnanverðu landinu
en að mestu þurrt og sum staðar lóttskýjað fyrir norðan.
TAKN:
Heiðskírt
Léttskýjað
•á Hálfskýjað
m Skýjað
Alskýjað
y. Norðan, 4 vindstig:
^ Vindörin sýnir vind-
stefnu og fjaðrirnar
vindstyrk, heil fjöður
er 2 vindstig.
/ / /
/ / / / Rigning
/ / /
* / *
/ * / * Slydda
/ * /
* * *
* * * * Snjókoma
* * *
10° Hitastig:
10 gráður á Celsius
V Skúrir
— Þoka
= Þokumóða
5, ’ Súld
OO Mistur
—j- Skafrenningur
Þrumuveður
VEÐUR VÍÐA UMHEIM
kl. 12.00 í gær að ísl. tíma
hltl voður
Akureyri 4 skýjað
Reykjavík 6 rignlng
Bergen 9 skýjaö
Helsinki 8 rigning
Kaupmannah. 14 hálfskýjað
Narssarssuaq 4 rigning
Nuuk 2 rigning
Osló 14 skýjað
Stokkhólmur 13 skýjað
Þórshöfn 8 skýjað
Algarve 30 skýjað
Amsterdam 15 alskýjað
Aþena vantar
Barcelona 26 léttskýjað
Berifn 16 skýjað
Chicago 21 akýjað
Glasgow 14 súld
Feneyjar 23 heiðskfrt
Frankfurt 17 léttskýjað
Hamborg 14 súld
Jan Mayen 3 hétfskýjaö
Las Palmas vantar
London 17 skýjað
LosAngeles 14 þokumóða
Lúxemborg 15 léttskýjað
Madrfd vantar
Malaga 28 skýjað
Mallorca 28 léttskýjað
Miami 25 skýjað
Montreal 8 léttskýjað
Nice 25 léttskýjað
NewYork 13 skýjað
Parfs 16 þokumóða
Róm 25 helðskírt
Vfn 21 skýjað
Washington 19 þokumóða
Winnipeg 7 léttskýjað
Hörður Hjálmarsson við vélfluguna áður en hann hélt i flugferðina
sem endaði svo illa.
„Skelfilegt að sjá
vélina skella niður“
- segir Arnar B. Vignisson, sem sá
félaga sinn skella til jarðar í vélflugu
„Það voru ægileg augnablik sem liðu þegar ég sá að Hörður átti i
erfiðleikum og vélflugan steyptist til jarðar,“ sagði Amar B. Vignis-
son.
Amar var staddur á Sandskeiði
ásamt félaga sínum, Herði Hjálm-
arssyni, og ætlaði Hörður að fljúga
á lítilli vélflugu, sem hann hefur
sjálfur smíðað. Vélfluguna notaði
hann í fyrsta skipti í sumar og hef-
ur flogið henni nokkuð. Amar sagði
að allt hefði gengið vel í flugtaki
og hefði Hörður síðan snúið við
þegar í loftið var komið og flogið
yfír flugbrautina. Þá hefði lúga
yfír flugmannssæti skyndilega opn-
ast. „Lúgan hefur sennilega verið
kviklæst, en þegar hún opnaðist í
um 60 metra hæð féll vélin niður
til hægri," sagði Amar. „Hörður
rétti vélina af, en hún féll hratt,
skall niður á vinstri væng og sner-
ist 180 gráður. Ég var þá staddur
3-400 metra frá vélinni, hljóp að
bílnum og ók í loftköstum þangað.
Hörður var við fulla meðvitund og
einu meiðsli hans reyndust vera
brotinn ökkli á hægra fæti.“
Amar var með myndavélina með-
ferðis og tók þær myndir sem
birtast hér og á baksíðu með leyfí
flugmannsins, Harðar Hjálmars-
sonar.
Bókaþing 1986:
Bókaþjóð á krossgötum
BÓKAÞING 1986 verður haldið á Hótel Loftleiðum í Reykjavik i
dag, þriðjudaginn 23. september. Einkunnarorð þingsins eru: „Bóka-
þjóð á krossgötum“, og verður þar einkum fjallað um þá samkeppni
sem bækur, sem menningarmiðill, standa nú frammi fyrir.
í fréttatilkynningu frá Bókasam- annarra miðla og hafi aldrei borið
bandi íslands. sem stendur að skaða af, fremur hið gagnstæða,
þinginu, segir meðal annars að
framþróun hugvits og tækni, er
getið hafí af sér nýja miðla, hafí
einnig fært þeim sem að bókum
standa öflugri og fullkomnari tæki
og aðstöðu en áður eru dæmi um.
Það sé því ekki ástæða til að óttast
um bókmenningu eða bóklestur
íslensku þjóðarinnar. Bækur hafí
áður staðið frammi fyrir samkcppni
eins og segir í tilkynningunni.
Á Bókaþingi 1986, sem hefst
klukkan 9.00 árdegis verða flutt
ávörp og fyrirlestrar er lúta að
stöðu bókarinnar og bókmenningu
hér á landi. Þingið stendur til klukk-
an 18.00, en þá verður lokahóf í
boði menntamálaráðherra fyrir
þinggesti.