Morgunblaðið - 27.06.1987, Qupperneq 60

60 MORGUNBLAÐIÐ, LAUGARDAGUR 27. JÚNÍ 1987
IÞROTTIR UNGLINGA___________________________________________ Umsjón/Andrés Pétursson
*
’r
Grundarfjörður heimsóttur:
Rætt við
íþróttafólk á
Grundarfirði
ÞVÍ MIÐUR vill það oft brenna
við að landsbyggðin gleymist í
skrifum dagblaðanna þar sem
flest þeirra eru staðfest í
Reykjavík. Umsjónarmaður ungl-
ingasíðunnar mun reyna eftir
fremsta megni að birta fréttir
utan af landi. En til þess að það
geti orðið að veruleika þurfum
við á aðstoð ykkar úti á landi að
halda. Ef fþróttafélög og ung-
mennafélög um land allt luma á
góðum myndum eða úrslitum úr
unglingastarfi sínu ssttu þau að
senda okkur það hér á íþrótta-
síðunni og mjög líklega getum við
birt það allt saman.
Umsjónarmaðurinn var svo
heppinn að fara til Grundarfjarðar
fyrir nokkru og þar hittum við
hressa krakka úr ungmennafélag-
inu á staönum og ræddum við þau
um starfið í þorpinu.
íbúar Grundarfjarðar eru um
átta hundruð og þar af er um helm-
ingur þeirra félagar í ungmennafé-
laginu, að vísu misjafnlega virkir.
Á staðnum eru lítil sundlaug og
nýtt íþróttahús. Vinsælasta
íþróttagreinin er knattspyrna og
senda Grundfirðingar meistara-
flokk karla og kvenna, 3. fl. og 5.
fl. stráka til keppni í íslandsmóti.
Einnig eru stundaðar frjálsar
íþróttir og góður hópur krakka
æfir sund undir stjórn Oddrúnar
Sverrisdóttur og Eydísar Friðgeirs-
dóttur. Það helsta sem er nú á
döfinni er bygging grasvallar fyrir
knattspyrnu og frjálsar íþróttir.
Forráðamenn ungmennafélagsins
vonast til að framkvæmdir geti
hafist í sumar ef fjárveitingar fást
frá sveitarfélaginu. Að sögn þeirra
er slíkur völlur forsenda þess að
framfarir verði í íþróttalífi bæjarins.
• Kristín Ýr Pálmarsdóttir, Jófríður Friðgeirsdóttir og Eva Jódís Pót-
ursdóttir.
Spila Í2. deildinni:
Rætt vid þrjá
leikmenn liðsins
Morgunblaðið/A.P.
• Sundgarparnir Sindri Sigurjónsson, Jófríður Friðgeirsdóttir, Kristín Ýr Pálmarsdóttir, Rúnar Pálmars-
son, Þórarinn Kristjánsson, Jón Guðnason og Elín Ragnheiður Guðnadóttir.
Gaman að fara
í keppnisferðir
í sundlauginni á Grundarfirði
voru átta krakkar að æfa sund
undir stjórn Oddrúnar Sverris-
dóttur. Þó væri verið að taka tíma
á þeim, gáfu þau blaðamanni
nokkrar mínútur til að spyrja
nokkurra spurninga og taka
myndir.
Þau sögðust flest hafa æft sund
í þrjú ár og þá venjulega tvisvar
til þrisvar í viku. Öll æfa þau einn-
ig aðrar íþróttir og þá flest knatt-
spyrnu. En nokkur eru einnig i
frjálsum íþróttum. Þau sögðu að
vinsælasta íþróttagreinin væri
knattspyrna en líklegast æfðu jafn
margir sund og frjálsar. Þó nokkur
spenna var í hópnum út af keppn-
isferð sem á að fara í júlímánuði
í Mosfellssveitina til að keppa við
Aftureldingu. Þau voru sammála
um að það besta við íþróttirnar
væri að komast í keppnisferðalög
til annarra staða. Hins vegar voru
þau á því að Grundarfjörður væri
góður staður til að búa á og ekki
vildu þau flytja neitt annað.
• Strákarnir úr 6. fl.: Guðmundur Þorvarðarson, Gfsli Karel Elísson, Jón Guðnason, Rúnar Pálmarsson,
Héðinn Rafnsson, Grettir Adolf Haraldsson, Karl Bjarni Guðmundsson og Þorsteinn Sigurlaugsson ásamt
þjálfara og formanni knattspyrnudeildar ungmennafélagsins.
Strákarnir úr 5. flokki:
Æft með þjálfara
ÞAÐ hefur vakið nokkra eftirtekt
að Grundarfjörður sendir lið til
keppni f 2. deild kvenna. Leik-
mennirnir eru flestir ungir að
árum en þær eru bjartsýnar á
sumarið. Við tókum þrjár stúlkur,
sem æfa með liðinu, tali og lögð-
um nokkrar spurningar fyrir þær.
Þær heita Kristín Ýr Pálmars-
dóttir, Jófríður Friðgeirsdóttir og
Eva Jódís Pétursdóttir. Þær eru
allar 13 ára gamlar og hafa æft
knattspyrnu í tvö ár.
Grundarfjörður keppir í 2. deild
B og eru andstæðingar þeirra frá
Borgarnesi, Selfossi, Siglufirði og
svo Fram úr Reykjavík. Ekki var
mótið hafið er ég ræddi við þær
stöllur en þær voru bjartsýnar á
sumarið og Sögðust hlakka til leikj-
anna. Þær vinna allar í fiski nú í
sumar og þar að auki vinnur Eva
á Ijósastofu. Þær voru nokkuð
ánægðar með íþróttastarfið á
staðnum en fyrir utan það væri
ekki mikið um að vera. Ekki bjugg-
ust þær við að verða í toppbaráttu
í deildinni, til þess væru andstæð-
ingarnir of sterkir, en þær sögðust
ætla að gera sitt besta.
HJÁ knattspyrnuvellinum hittum
við hressan hóp af strákum úr
5. fiokki. Það var gott hljóð í
strákunum jafnvel þótt leikirnir á
vorinu hefðu ekki endað mjög
vel. Ekki vildu þeir gefa upp
markatöluna enda er það óþarfi
því aðalatriðið er að vera með.
Þeir hafa einungis haft þjálfara
í 3 vikur og sögðu að það væri
allt annað líf aö fá einhverja leið-
sögn. Mikill hugur var í strákunum
að standa sig á héraðsmótinu og
sögðu þeir að mesta áherslan
væri lögð á það aö sigra Stykkis-
hólm því þeir væru helstu and-
stæðingarnir. Flestir sögðust ætla
að halda áfram að æfa knattspyrnu
og spila síðan með meistaraflokki.
í 3 vikur
Þeir voru nú ekki mjög bjartsýnir
að meistaraflokkurinn kæmist upp
í 3. deild, jafnvel þótt þeir hefðu
verið að enda við að ieggja Augna-
blik að velli og hefðu ekki tapað
leik í íslandsmótinu til þessa.
Ástæðuna sögðu þeir vera hinn
mikla fjöldi liða í 4. deild og mjög
erfitt væri að komast upp úr henni.