Morgunblaðið - 18.08.1987, Blaðsíða 35

MORGUNBLAÐIÐ, ÞRIÐJUDAGUR 18. ÁGÚST 1987
35
Opinber heimsókn forseta íslands á Snæfellsnesi:
Við verðum að passa
íslenskuna mjög vel
- segir Vigdís Finnbogadóttir forseti íslands
Morgunblaðið/Þorkell
Ólafur Sverrisson, sveitarstjóri Eyrarsveitar, færði forsetanum
minjagTÍp að gjöf.
í Búðakirkju sungu viðstaddir
sálm við undirleik Wilmu Yo-
ung.
og lúðrasveit tónlistarskólans lék
henni til heiðurs. Forsetinn heils-
aði upp á eldri borgara Stykkis-
hólms á dvalarheimili aldraðra og
þáði þar kaffiveitingar. í Norska
húsinu opnaði forsetinn sýningu
á byggingar- og viðgerðarsögu
hússins. Séra Gísli Kolbeinsson
flutti ávarp og Hörður Ágústsson,
listmálari og arkitekt, fræddi sýn-
Stykkisliólmi. Frá Bryndisi Pálmarsdóttur blaðamanni Morgunblaðsins.
OPINBERRI heimsókn forseta
íslands, Vigdísar Finnbogad-
óttur, um Snæfeilsnes- og
Hnappadalssýslu lýkur í félags-
heimilinu Breiðabliki síðdegis í
dag. í heimsóknum sínum hefur
Vigdís hvatt börnin til þess að
varðveita mál sitt fyrir erlend-
um áhrifum. Hún hefur lagt
mikla áherslu á muninn á því
að segja „hæ hæ“ annarsvegar
og „komdu sæl(l)“ hinsvegar
og útskýrt fyrir börnunum
merkingu þess að vera sæll.
Forsetinn fór, ásamt fylgdar-
liði, í heimsókn að Búðum á
sunnudagskvöldið. Þar þáði hún
kvöldverð í boði sveitarstjórna
Staðarsveitar og Breiðuvíkur-
hrepps. Kristín Thorlacius, oddviti
Staðarsveitar, flutti ávarp og að
loknum kvöldverði stjórnaði Þórð-
ur Gíslason frá Ölkeldu fjöldasöng
við undirleik Wilmu Young, fíðlu-
leikara. Þá var Búðakirkja skoðuð
og séra Rögnvaldur Finnbogason
rakti sögu kirkjunnar. Að því lo-
knu var opið hús fyrir íbúa
hreppanna.
Áð morgni mánudags lagði for-
setinn af stað áleiðis til Grundar-
fjarðar. Á leiðinni heilsaði hún upp
á hreppsnefnd Fróðárhrepps og
sveitarstjóm Eyrarsveitar tók á
móti henni þegar þangað kom.
Þá var vistheimilið Kvíabryggja
heimsótt. Vilhjálmur Pétursson,
forstöðumaður, sýndi forsetanum
heimilið og fræddi hana um það
starf sem þar á sér stað. Áuk
þess heilsaði Vigdís upp á þá vist-
menn sem þar dvelja.
Mikill fjöldi fólks tók á móti
forsetanum við komu hennar til
Grundarfjarðar. Þar gróðursetti
hún þrjú tré með aðstoð barna
og bað þau að hlúa vel að þeim
í framtíðinni. Síðan heimsótti
Vigdís leikskóla staðarins, spjall-
aði við bömin og söng með þeim
„Það er leikur að læra". Þá var
Hraðfrystihús Gmndarfjarðar
heimsótt og heilsað upp á starfs-
fólk þess. Næst skoðaði Vigdís
kirkjuna og þáði hádegisverð í
safnaðarheimilinu í boði sveitar-
stjórnar Eyrarsveitar.
Eftir hádegi var íbúum staðar-
ins boðið til kaffísamsætis í
samkomuhúsinu. Þar flutti_ Emil
Magnússon stutt ávarp og Ásgeir
Guðmundsson sagnfræðingur
flutti erindi um sögu Eyrarsveit-
ar, en hann vinnur nú að skrán-
ingu hennar.
Olafur Sverrisson, sveitarstjóri
Eyrarsveitar, færði síðan forset-
anum minjagrip að gjöf. Gripurinn
er unninn úr leir og á hann er
ritaður texti úr Landnámabók um
landnám í Eyrarsveit.
Því næst lá leið forsetans og
fýlgdarliðs til Stykkishólms. Þar
tók á móti henni Sturla Böðvars-
son, bæjarstjóri, og Ellert Krist-
insson, forseti bæjarstjómar,
ásamt íbúum bæjarins sem fögn-
uðu komu hennar með lófataki.
Vigdís gróðursetti tré í Hólmgarði
ingargesti um það sem fyrir augu
bar.
Bæjarstjóm Stykkishólms og
sýslunefnd Snæfellsnes- og
Hnappadalssýslu bauð forseta og
fylgdarliði til kvöldverðar á Hótel
Stykkishólmi og á eftir var kaffi-
boð fyrir bæjarbúa í félagsheimil-
inu.
Forsetinn gróðursetti tré í öllum heimsóknum sínum og hér nýtur hún dyggrar aðstoðar baraa f Stykkishólmi. M°rgunblaðið/Þorkell