Morgunblaðið - 22.09.1987, Side 36

36
MORGUNBLAÐIÐ, ÞRIÐJUDAGUR 22. SEPTEMBER 1987
Erfiðast að ná and-
anum eftir fallið
- segir Jón ívar Rafnsson sem slasaðist á sig-
sýningunni á Ráðhóstorgi á afmæli Akureyrar
„ÞAÐ var hræðilega erfitt að
komast í gang eftir fallið. Það
var versta stundin í þessu öllu,
að ná andanum. Einnig var ég
með mikla verki þar til ég var
svæfður á sjúkrahúsinu," segir
Jón ívar Rafnsson, 19 ára pilt-
ur, sem féll niður húsvegg við
Ráðhústorg á afmælisdegi Ak-
ureyrarbæjar þegar hann var
að sýna sig ásamt félögum
sinum í Hjálparsveit skáta á
Akureyri og^ Flugbjörgunar-
sveitinni. Jón ívar er á bæklun-
arlækningadeild Fjórðungs-
sjúkrahússins og er á batavegi,
„farinn að hoppa um á öðru
fæti I göngugrind", eins og
hann orðar það sjálfur.
Jón ívar var efst á húsveggn-
um, í fyrsta stökkinu, þegar línan
siitnaði og telur að fallið hafi ver-
ið 8 til 10 metrar. Hann segir að
margt hafí flogið í gegnum hug-
ann á þessum stutta tíma sem
hann var að falla til jarðar. „Ég
var með meðvitund allan tímann.
Þegar ég fann að kaðallinn slitn-
aði reiknaði ég strax með því að
deyja, því ég gerði mér grein fyr-
ir því hvað ég var ofarlega. Síðan
kom skellurinn og ég missti and-
ann,“ segir Jón Ivar.
Hann segist hafa talið að þetta
yrði hans síðasta, en ekki haft
tíma til að verða hræddur. Hann
segist hafa hugsað til skyldmenna
og vina og fundið til söknuðar.
Hann lenti á bakinu á hellu-
lagðri gangstétt en bar fyrir sig
vinstri hönd og hægri fót. Hann
fékk-10 beinbrot á 7 stöðum lík-
amans. Hællinn á hægri fæti fór
í mask. Þtjú brot komu á bakið
og auk þess laskaðist hálsliður.
Þá fór hann úr olnbogalið og fékk
opið beinbrot við úlnlið þannig að
hendin snerist frá handleggnum,
svo dæmi séu tekin. Hann var
með mikla verki og átti erfítt með
að ná andanum, en var með fullri
meðvitund allan tímann. Sjú-
krabíll kom mjög fljótt á staðinn
og var farið með hann á sjúkrahú-
sið. Að lokinni rannsókn var hann
svæfður og gert að beinbrotunum.
Aðgerðin tók fjóra klukkutíma.
Eftir það var hann á gjörgæslu-
deild, en hefur nú verið á bæklun-
ardeild í á þriðju viku.
Jón ívar segist vera með verki
í hendinni en sér líði að öðru leyti
vel. Hann segir að félagar sínir
úr skátunum hafí heimsótt hann
mikið á spítalann svo og aðrir
vinir. Til dæmis hefðu komið heil-
ir skátaflokkar í fullum skrúða til
að færa honum konfekt.
Hann býst við að ná sér að
mestu, en það taki tíma og bygg-
ist á þjálfiminni. Hann gæti þó
átt í einhveijum vandræðum með
ákveðnar hreyfíngar vinstri hand-
ar og spuming hvort hann næði
fullum krafti í hana.
Jón ívar er í Menntaskólanum
á Akureyri, fer í 3. bekk í haust.
Hann reiknar með því að missa
mánuð að minnsta kosti úr skólan-
um og telur að það geti háð sér
í vetur.
Langar gönguskíðaferðir og
fjallaferðir eru aðaláhugamál
hans og hefur þátttaka hans í
skátastarfínu veitt honum mörg
tækifæri til að sinna þessu áhuga-
máli. Hann segist ætla að vera
áfram í skátunum og Hjálparsveit
skáta. Það yrði síðan að koma í
ljós hvað meiðslin myndu há hon-
um mikið. „Það er til dæmis
spuming hvort ég verð nothæfur
gönguskíðamaður vegna hæl-
j I “
Morgnunbiaðið/Guðmundur Svansson
Jón Ívar „á öðrum fætinum“
í göngugrind á Fjórðungs-
sjúkrahúsinu.
meiðslanna. Ég verð að þjálfa mig
og vona það besta," sagði hann.
Jón Ivar vill sem minnst ræða
um ástæður slyssins, segir að
þeir félagamir séu búnir að ræða
það hreinskilnislega. Aðspurður
um hvaða lærdóm megi draga af
slysinu sagði hann: „Menn verða
að fara með gát og hafa vakandi
auga með öllum útbúnaði."
- HBj.
Horgunblaðið/SÍKriður H. Radomirsdóttir
Jón ívar, lengst til hægri á myndinni, fellur niður húsvegginn við Ráðshústorg á afmæli Akureyrar. Hann var efst á veggnum þeg-
ar kaðallinn slitnaði.
8 ungmenni
fundust heil
á húfi á
Sprengisandi
LEIT hófst í gærmorgun að átta
ungmennum á tveimur jeppum
upp á Sprengisandi. Ungmennin
fundust heil á húfi við Köldukvísl
við norðanvert Þórisvatn kl.
16.10 í gærdag og hafði ferð
þeirra stöðvast vegna bensín-
skorts.
Ungmennin em öll af höfuð-
borgarsvæðinu og komu þau til
Akureyrar fyrir helgi. Þau héldu
síðan áleiðis suður á sunnudag
Sprengisandsleiðina. Þau áætluðu
að vera komin heim þá um kvöldið,
en þegar ekkert hafði til þeirra
spurst á mánudagsmorgun, fóm níu
félagar úr Hjálparsveit skáta á
Akureyri á þremur jeppum til leitar
við slæm veðurskilyrði. Stuttu eftir
hádegið hélt slysavamafélagið Dag-
renning frá Hvolsvelli af stað og
einnig Snækollur frá Flúðum sem
er deild innan Hjálparsveitar skáta.
Þá var þyrla Landhelgisgæslunnar
kölluð til hjálpar, en er hún var
komin að Aratungu, var henni vísað
til Patreksfjarðar til að flytja konu
í bamsnauð.
Bjöm Hermannsson fram-
kvæmdastjóri Landssambands
hjálparsveita skáta sagði í samtali
við Morgunblaðið að ungmennin
hefðu bmgðist við á réttan hátt
með því að halda kyrru fyrir í bflum
sínum og bíða hjálpar. Sum þeirra
hefðu einnig verið vön fjallaferðum.
Alls munu hafa verið hátt í 20
menn við leitarstörf og vom það
leitarflokkamir að sunnan sem
fundu ungmennin. Leitinni var
stjómað úr stjómstöð að sunnan
af félögum úr Slysavamafélagi ís-
lands, Flugbjörgunarsveitinni og
Landssambandi hjálparsveita skáta.
Hjalteyri:
Fiskurinn
fluttur til
fólksins
TÖLUVERÐ starfsemi er í
gömlu síldarverksmiðjunni á
Hjalteyri. Frystihús ÚKE á
Dalvík er þar með fiskverkun og
þar er Fiskeldi Eyjafjarðar með
tilraunir í lúðueldi.
Á vegum ÚKE vinna 15 til 20
manns stöðugt við fiskverkun á
Hjalteyri. Frystihúsið tók húsnæði
þama á leigu af Amameshreppi
árið 1979. Að sögn Gunnars Aðal-
bjömssonar frystihússtjóra var
byijað á að hengja upp og þurrka
hausa fyrir Nígeríumarkað og hefur
það verið gert öll þessi ár. Starfsem-
in hafi síðan smáaukist, bytjað á
söltun og unnin skreið fyrir Italíu-
markað á vorin.
Gunnar sagði að nokkrir trillu-
bátar á Hjalteyri væm í viðskiptum
hjá þeim, auk þess sem fiskur væri
fluttur frá Dalvík og stundum víðar
að. Til dæmis væri stundum unnið
að pökkun og geymslu skreiðar fyr-
ir fískverkunarfýrirtækin í Hrísey
og Grímsey.
Gunnar sagði sem dæmi um
framleiðsluna að þurrkuð væm yfír
1.000 tonn af hausum á ári. Þeir
tækju við 150 til 300 tonna afla
af trillunum á Hjalteyri, auk þess
afla sem fluttur væri frá Dalvík og
Akureyri.
„Við höfum ekki fólk til að vinna
þetta á Dalvík. Fólk er aftur á
móti til taks á Hjalteyri og ná-
grenni og við flytjum því aflann til
þess í stað þess að flytja fólkið,"
sagði Gunnar.