Morgunblaðið - 06.10.1987, Qupperneq 53

MORGUNBLAÐIÐ, ÞRIÐJUDAGUR 6. OKTÓBER 1987
53
Minning:
Friðrik Jónsson
vörubílstjóri
Oft hefur maður heyrt að það
sé ekki tími sorgar þegar gamall
maður fellur frá. En það verður
einhvers konar tómarúm í lífi þeirra
sem eftir standa og þekktu vel góð-
an dreng. Þannig var það a.m.k.
hjá okkur þegar Friðrik Jónsson,
fyrrverandi vörubflstjóri, lést,
þriðjudaginn 29. september, á
Hrafnistu í Hafnarfírði.
Hann fæddist þann 25. septem-
ber árið 1904 í Krossadal í Tálkna-
fírði og voru foreldrar hans Friðrika
Jónsdóttir og Jón Guðmundsson.
Friðrika dó frá mörgum bömum
þegar Friðrik var á fermingaraldri,
næstelstur bamanna, og systkina-
hópurinn sundraðist. Nú er yngsta
systirin, Guðleif, ein ofan moldar.
Faðir FViðriks kvæntist aftur og
átti fjögur böm sem öll em á lífí
og búa þrjú þeirra fyrir vestan.
Harður hefur sá skóli verið sem
Friðrik Jónsson þurfti að sækja á
unglingsárum, á Patreksfirði, í Sel-
árdal og víðar á Vestflörðum. En
maðurinn hefur verið óvenjulega
vel gerður til sálar og líkama. Hann
stóðst þær prófraunir sem hann
þurfti að gangast undir. Störf hans
tengdust einkum sjónum enda skild-
ist mér að það hefði aldrei beinlínis
freistað hans að eltast við skjátur
eða fást við önnur landbúnaðar-
störf. Hann sat þó yfír ánum a.m.k.
einn sumarpart.
Suður kom hann og var lengi á
togurum. En eftir að hann gekk í
hjónaband og stofnaði heimili fór
hann að vera meira í landi. Hann
freistaðist þó til að fara eina og
eina veiðiferð, enda eftirsóttur sjó-
maður. Tilviljun réð því að hann fór
ekki í örlagaríka ferð snemma á
Jjórða áratugnum þegar togarinn
fórst með allri áhöfii.
Kona Friðriks var Guðfínna Þor-
leifsdóttir frá Þverlæk í Holtum og
eignuðust þau eina dóttur, Þor-
gerði. Þau bjuggu um skeið á
Ránargötu 10 í Reykjavík en lengst
af á Ásvallagötu 24, á fögru heim-
ili og í góðu hjónabandi. Guðfínna
lést árið 1975. Þorgerður giftist
Steini Þ. Steinssyni, skólabróður
sínum úr Menntaskólanum í
Reykjavík. Þau héldu til Kaup-
mannahafnar þar sem Steinn nam
dýralæknisfræði. Síðan bjuggu þau
á Sauðárkróki. Þorgerður lést árið
1983, aðeins fímmtug að aldri, og
var hennar sárt saknað.
Ég sem þetta rita kynntist Frið-
rik ekki fyrr en seint á ævi hans,
eftir að dótturdóttir hans varð góðu
heilli á vegi mínum. Þá var Guð-
fínna dáin en hann bjó enn í kjall-
araíbúðinni við Ásvallagötu. Hann
var þá nýlega búinn að selja vöru-
bflinn sinn, eftir nær fjörutíu ára
vörubflaakstur, og farinn að vinna
hjá Reykjavíkurborg. Hann kom
mér fyrir sjónir sem stór maður og
þrekinn með silfurgrátt hár, afar
svipmikill og tignarlegur, stórgerð-
ur í andliti með beint nef og mikla
kjálka. Og ég verð að segja að ég
öfundaði hann af hinum karlmann-
legu og stóru höndum. Hann minnti
mig á vestfírskt landslag, hijóstrugt
og bratt.
Minnisstæð er mér snyrti-
mennska hans sem beindist jafnt
að honum sjálfum sem nánasta
umhverfí. Hann sá um að halda
garðinum í góðu horfí og sópa stétt-
ina og tröppumar. Fáar stéttar
hafa verið betur sópaðar í Vestur-
bænum. Og varla var snjórinn
fallinn á jörð þegar Friðrik mun-
daði skófluna. Hann átti það líka
til að moka snjó frá annarra manna
dyrum. Hjálpsemi og hugulsemi var
honum eiginleg. Hann vildi heldur
gefa en þiggja, og engum vildi hann
skulda. Mér hefur verið sagt að
fyrsta vörubflnum sem hann keypti
hafí hann skilað til umboðsins dag-
inn eftir kaupin: Eftir vökunótt
komst hann að því að lánin væru
glannalega há. Vörubfl keypti hann
svo í fyllingu tímans.
í návist hans leið fólki vel. Hann
var ævinlega glaður og reifur. Orð-
heldinn var hann og aldrei vissi ég
til að hann hallmælti fólki. Gaman
var að heyra hann tala um veðrið
og sjóinn og önnur fyrirbæri í hvers-
dagsleikanum. Aldrei varð honum
orðsvant, og orðaforðinn var annar
og safameiri en hjá fræðingum og
blaðamönnum. Orð hans báru í sér
anda liðins tíma. Það er tómlegt í
ranni þegar rödd þessa öðlings er
þögnuð.
Eg minnist Friðriks Jónssonar
með miklu þakklæti og ég veit að
slíkt gera fleiri sem samvista nutu
við hann.
Baldur Hafstað
með færanlegum rimhim

jjj^

%

HURÐIR HF
Skeifan 13 •108 Reykjavík-Sími 681655
HÚSASMIÐJAN HP.
SÚÐARVOGI 3-5, REYKJAVÍK, SÍMI: 687700
Nýkomið, allskonar fatnaður og skór. Frábært verð.
Peysur á börn og fullorðna frá kr. 390,-
Skólapeysur frá kr. 490,-
Skólabuxur frá kr. 590,-
Nærfatnaður, mikið úrval.
Nærbuxur kvenna frá kr. 39,-
Nærbuxur karla frá kr. 75,-
Vatteraðar úlpur á börn
og fullorðna.
Fullorðinsstærðir frá kr. 1.690,
Regngallar barna frá kr. 800,'
Regngallar
fullorðinna frá kr. 900,'
Opið mánud. SIDRMARKAÐUR
til fimmtud. kl. 9-18:30
föstudaga kl. 9-20:00
laugardaga kl. 10-16:00
Barnastígvél frá kr. 390,-
Barnagallar frá kr. 1.290,-
Jogginggallar.
Nylonsloppar kvenna,
mjög ódýrt.
KROI
/ /
Skemmuvegi 4 a