Morgunblaðið - 05.11.1987, Síða 27

MORGUNBLAÐIÐ, FIMMTUPAGUR 5. NÓVEMBER 1987
27
Fellahverfi -
Sj ónvarpsumræður
eftir ÖrlygRichter
ogMargrétiK.
Sverrisdóttur
í umræðum í ríkissjónvarpinu
fimmtudaginn 29. október sl., þar
sem rætt var um kvikmyndina „Ekki
ég, kannski þú“, gerði stjómandi
umræðnanna, Ingimar Ingimarsson,
sig sekan um furðulega fordóma
gagnvart Fellahverfi í Reykjavík.
Margsinnis endurtók hann neikvæð-
ar yfirlýsingar um nemendur Fella-
skóla. Orðrétt sagði hann m.a. ...
„Sigrún er kennari við Fellaskóla en
nemendur þaðan komust í fréttir á
dögunum vegna óspekta og reyndar
líkamsmeiðingar ..." og síðar ...
„Nú kemur þú úr frægum skóla.
Fellaskóli er nú yfirleitt tengdur því
að þar séu nemendur erfiðir .. .“ og
um hvort vandamálin í myndinni
ættu bara við framhaldsskólana ...
„Nú hefur maður heyrt hið gagn-
stæða, um sérstaklega Fellaskóla
núna nýverið ...“. Ekki virtust önn-
ur hverfi fá sambærilegar kveðjur
og teljum við því ástæðu til að ræða
málið örlítið.
Óróleikatímabil
Þegar ný hverfi byggjast upp virð-
ist koma tímabil þar sem vandamál
og óróleiki eru áberandi. Allir vinna
mikið og enginn virðist hafa tíma
og afleiðingin er óróleiki í hverfinu.
Dæmi af handahófi um hverfi sem
í dag eru orðin í ágætu jafnvægi,
þó þau hafi verið óróleg um tíma,
eru Vogahverfi, Álftamýrarhverfi,
Stekkja- og Bakkahverfi og Fella-
og Hólahverfí. Hins vegar virðist
upplýsingastreymi til margra Reyk-
víkinga um þessar breytingar vera
tregt, og slæmt þegar ríkisfjölmiðill
stuðlar að því að útbreiða óhróður
þótt það sé e.t.v. þægilegt fyrir
marga að hafa einhvem blóraböggul
til að kenna um allt sem miður fer.
Fyrir slíka einstaklinga er óheppilegt
að gamli miðbærinn og Hlemniur
skuli ekki vera staðsett við hlið Fella-
skóla.
Krakkarnir sárir
Það er skiljanlegt að krakkamir
í Fellum, já í Breiðholtinu yfirleitt,
séu sárir þegar þeim er lýst sem
vandamáli og annars flokks nemend-
um. Þetta er þeim mun óskiljanlegra
þegar þeir virðast ná góðum árangri
á flölmörgum sviðum og oft mun
betri árangri en jafnaldrar þeirra
annars staðar. Við nefnum hér nokk-
ur dæmi til glöggvunar:
* Fellaskóli er annar tveggja skóla
sem hefur notið sérstakra leigu-
kjara hjá veitingahúsinu Þórskaffi
þegar skólinn hefur haldið árs-
hátíð sína þar undanfarin ár vegna
fyrirmyndarframkomu ungling-
anna. Einnig hafa árshátíðir í
félagsmiðstöðinni Fellahelli vakið
athygli fyrir það hve vel og hátíð-
lega þær hafa farið fram.
* Framkoma nemenda Fellaskóla á
skólaskemmtunum hefur verið svo
til fyrirmyndar að óþarfi hefur
verið að hafa dyravörslu því
vandamál í sambandi við t.d.
áfengi á skemmtunum hefur ekki
verið fyrir hendi í flölmörg ár,
hvorki úti né inni.
* Nemendur sem flytjast einhverra
hluta vegna í aðra skóla sækja
fast að koma aftur í gamla skól-
ann sinn, þrátt fyrir miklar fjar-
lægðir.
* Nemendaráð skólans tekur virkan
þátt í stjórnun skólans og á m.a.
fulltrúa í skólastjóminni.
* Skólinn og félagsmiðstöðin hafa
haldið stórar hverfishátíðir og sett
upp fjölda stórra leikrita og söng-
leikja, m.a. efni fyrir sjónvarp.
* Krakkar úr Fellahelli og Fella-
skóla báru sigur úr býtum í
mælskukeppni grunnskóla
Reykjavíkur vorið 1986.
Starfsmaður íþrótta- og tóm-
stundaráðs hefur sagt að það hafi
„Yfirlýsing-ar í áður-
nefndum umræðuþætti
voru neikvæðar og
óþarfar og drógu at-
hyglina frá annars
ágætri kvikmynd. Sú
mynd hefði þurft fulla
athygli foreldra og
unglinga, raunar allra.“
verið áberandi hvað nemendaráðin í
Breiðholtsskólunum hafi skilað vel
og skipulega unnum gögnum á fé-
lagsmálanámskeiði nú í haust.
Óþarfi er kannski að nefna í leiðinni
að Fjölbrautaskólinn í Breiðholti
vann spumingakeppni framhalds-
skólanna í vor. Sá skóli tekur fyrst
og fremst við nemendum úr Breið-
holti. Eins og fram kom í áðurnefnd-
um þætti kannaðist kennari sá sem
boðið hafði verið til umræðnanna
ekki við þessa erfiðu nemendur né
óróleika hverfisins. Það virtist þó
ekki minnka fordóma spyrilsins. Er
furða þó krakkamir séu sárir?
Er órólegra í
Breiðholtinu?
í Breiðholtshverfum býr um helm-
ingur bama á skólaskyldualdri í
Reykjavík. Það er því ekki óeðlilegt
að áætla að þar ætti að vera helm-
ingur allra unglingavandamála
höfuðborgarinnar þó við teljum það
vera vel undir því marki. Fréttaflutn-
ingur fjölmiðla hefur skánað á
undanfömum ámm en ennþá gerast
samt neikvæðir atburðir annað-
hvort í Breiðholti eða einhverstaðar
í Reykjavík. Þetta gefur utanbæjar-
fólki og þeim sem búa í eldri hlutum
borgarinnar þá tilfínningu að Breið-
holt sé óttalegt vandræðahverfi.
Eftir slíkan fréttaflutning er góður
jarðvegur fyrir yfírlýsingar um erf-
iða nemendur í Breiðholti.
Neikvæðar fréttir virðast einnig
þykja fréttnæmari en jákvæðar.
Þannig var frétt um ofbeldi unglinga
á forsíðu og baksíðu en ánægjuleg
frétt um að ástandið væri ekki svo
slæmt og að spumingakeppni félag-
smiðstöðva yrði haldið áfram, á
innsíðu þessa annars ágæta blaðs. í
frétt blaðsins dags. 23. október
komu fram ummæli Guðmundar
Hermannssonar yfírlögregluþjóns
sem rétt er að vekja athygli á, um
afskipti lögreglunnar af unglingum
í Breiðholti vegna óláta.
Þar stóð m.a. orðrétt: ... „Þetta
er liðin tíð, unglingar þar láta ekki
verr en jafnaldrar þeirra annars
staðar í borginni“ ... í Breiðholti
em sem sagt ekki verri unglingar
en annars staðar í Reykjavík.
Samstarf Fellahellis
og Fellaskóla
Fellaskóli og Fellahellir em tvær
sjálfstæðar stofnanir sem em til
húsnæðis í sömu byggingu. Sam-
starf milli þessara stofnana hefur
verið mikið og fer sífellt vaxandi. í
þættinum hefði mátt skilja það svo
að þessar stófnanir vildu sem minnst
af hvor annarri vita. Svo er ekki.
Fellahellir sér m.a. um að gefa nem-
endum eldri deilda skólans tækifæri
til að kaupa sér næringu í nestistím-
um og afgreiðir mjólk og fleiri drykki
til yngri deilda skólans. Upplýsinga-
streymi.er mikið milli stofnananna
og samvinna um úrlausn Qölda mála.
Fellahellir hefur aukið tómstunda-
framboð sitt til yngri nemenda og
samræmt það skólastarfinu og sam-
an reka þessar stofnanir æfingaher-
bergi fyrir hljómsveitir nemenda svo
eitthvað sé nefnt. Nýjasta samvinnu-
verkefnið sem verið er að vinna að
er gæsla yngstu nemenda skólans
fyrir og eftir skólatíma. Þessir aðilar
reyna sameiginlega að vinna sem
best að málefnum nemenda.
Að álykta rangt
Í gömlu dæmi um rangar ályktan-
ir segir: „Enginn köttur hefur níu
rófur. Einn köttur hefur einni rófu
meira en enginn köttur. — Þá hefur
hann tíu rófur."
Það er svo að þótt einhver ein-
staklingur gerist brotlegur þá er
hæpið að dæma alla heildina eftir
þvi. Hér eru nefnd dæmi um ályktan-
ir sem eru rangar:
* Ólæti eru í miðbænum. Miðbærinn
er á skólasvæði Hagaskóla. Þess
vegna eru nemendur Hagaskóla
slæmir. — Rangt.
* íslenskur eiturlyfjaneytandi er til
vandræða í Kaupmannahöfn. Þess
vegna eru íslendingar vandræða-
fólk. — Rangt.
* Nemandi úr Seljaskóla verður fyr-
ir árás nokkurra unglinga, sumir
þeirra eru úr Fellaskóla. Þess
vegna eru unglingar úr Fellaskóla
og Fellahelli slæmir. — Rangt.
Fyrst á að kynna sér málin, síðan
að draga ályktanir og gæta þess að
þær séu örugglega réttar. Svo mun
ekki hafa verið gert í þetta skipti.
Að lokum
Mál þetta hefur leitt athyglina að
þeirri tilhneigingu margra að líta á
Breiðholtið með „suður-afrískum“
augum. Það er engum til sóma.-Það
er rétt að í Breiðholtinu eru svæði
þar sem meðaltekjur eru lágar, en
það er nú einu sinni svo að mann-
gildi á ekkert skylt við tekjur.
Yfirlýsingar í áðumefndum um-
ræðuþætti voru neikvæðar og
óþarfar og drógu athyglina frá ann-
ars ágætri kvikmynd. Sú mynd hefði
þurft fulla athygli foreldra og ungl-
inga, raunar allra. Eðlilegt væri að
sjónvarpið harmaði þessar yfirlýs-
ingar í garð Fellaskóla svo áhorfend-
ur fjölmiðilsins fengju leiðréttingu
sömu boðleið.
Örlygur Richter er skálastjári
Fellaskála, en Margrét K. Sverris-
dóttir forstöðumaður Fellahellis.